مجانين الكتب فى الشرقية discussion

يوجد حاليا معرض للكتاب فى قصر الثقافة, والمعرض دا من أكبر المعارض اللى شوفتها فى قصر الثقافة,
والأغرب إنى أول مرة أروح اسأل على كتاب يقولى هناك, أروح اخده وانتهينا...

واللى لفت انتباهى تواجد مؤلفات انطون تشيخوف بكميات كبيرة. واضح إن صوتى وصلهم :D

رحت انهارده ،
المعرض ده كان موجود السنة اللي فاتت ..

هو تقريباً أحلى معرض بيتعمل في الزقازيق، لتنوع الكتب .. و بعدين ده أول معرض بيقولك هايبدأ يوم 13-10 و حتى نفاذ الكمية :))

فيه كتب لد. عبد الوهاب المسيري

وأخبار الأسعار هناك إيه؟

Amgad wrote: "فيه كتب لد. عبد الوهاب المسيري

وأخبار الأسعار هناك إيه؟"
اعتقد إذا مكنش أكيد إنه موجود
وبالنسبة للأسعار ؛ انا اشتريت كتاب اولنا ولد_ خيرى شلبى لقيت سعره عادى قولتله امال فين العروض والخصومات الهائلة(زى ماهم اعلنوا) قال : أصل دا الشروق...يعنى من الاخر الاسعار زى ماهى

فيه كتاب لعبد الوهاب المسيري ب5 جنيه عن الشخصية اليهودية تقريباً تبع كتاب الهلال .. لمحته انهارده ..

شكرا :)

مينا wrote: "فيه كتاب لعبد الوهاب المسيري ب5 جنيه عن الشخصية اليهودية تقريباً تبع كتاب الهلال .. لمحته انهارده .."
إدا O_o
إزاى مشفتوش... هروح اجيبه :D
أبو بلاش كتر منه :D

هوة المعرض مواعيده من الساعة كام للساعة كام ؟؟

Dina wrote: "هوة المعرض مواعيده من الساعة كام للساعة كام ؟؟"

المعرض مفتوح أغلب أوقات اليوم من الصبح لحد بليييل
ومستمر حتى نفاذ الكمية