مقهي ريش discussion
مناقشات على المقهى
>
ايه رايكوا فى دستور جديد
date
newest »
newest »
حد أقراه أو ابتدى يقراه ؟أنا معترضه على كل الاطار اللي وصلنا للنقطة دي ، بس لازم نقراه
?
وبعد ما نقراه 50 %ما يعرفوش يقروا ويكتبوا واللى بيعرف خلى نفسه وصى على الناس
انا كان نفسى فى دستور بسيط يفهمه الجاهل قيل المتعلم
والمتعلم قبل المثقف ويكون ايمان الناس بيه
مش مجرد من خوف من بعض لأ ,يكون بخوف الناس على بعض
وحبهم لبعض
انا قرأته وعندى ملاحظات قليله عليهولكن ملاحظاتى تذهب بى الى التصويت بنعم على الدستور
فدستور فرنسا الذى نتشدق به تم اقراره بنسبه بسيطه لا تتعدى 65% وتم تعديله 18 مره
فلا داعى لكل هذا الصراخ بان الدستور اعور واطرش
هو ليس جيدا جدا ولا ممتازا ولكنه جيد وهذه نسبه مقبوله من وجهة نظرى
قرأته وأرى أنه جيد، وإلى الآن لم تقنعني أي من الآراء الرافضة له! أعتقد أنى أيضاً سأصوت بنعم
من وجهة نظرى ان مفيش دستور بيتفق عليه بنسبة 100 % حتى الشخص الواحد بعد ما يقراه بيظل فيه بعد المواد المعترض عليها حتى وان كان رايه فى المجمل انه موافق على الدستور و العكس صحيح ان كان معترض عليه
من وجهة نظرى بعد قراءة للدستور ان المواد المختلف عليها من الصعب انى اوفق عليها على الرغم من ان فعلا الدستور فيه بعض المواد الجيدة جدا .. بالاضافة ان فى بعض المواد المفروض كانت تبقى موجودة و مش موجودة مع الاسف زى مثلا مواد تلزم الريس بالالتزام باختيارات المجلس الاعلى للقضاء للمناصب المهمة ويقتصر دوره على الاعتماد فقط و ليس الاختيار .. عدم حبس الصحفيين فى جرايم النشر .. منع تكوين جماعات مسلحة .. منع محاكمة المدنيين امام المحاكم العسكرية .. وجوب وجود نائب للرئيس .. و مواد تانية
في الدستور الجديد ممنوع حبس الصحفيين وممنوع محاكمه المدنيين امام محكمه عسكريه الا اذا اعتدي علي منطقه عسكريه وممنوع تشكيل اي جماعات مسلحه اوشبه عسكريه حتي
عن مشروع دستور جمهورية مصر العربية 2012بعد قرأتي له..
أرى أن الدستور بمجمله جيد و خطوة على الطريق
فالدستور عمل بشري بالـتأكيد به أخطاء!!!!!
و أن القوى السياسية في مصر بشكلها الحالي لن تصل بأي حال من الأحوال لدستور يرضي جميع الأطراف و ذلك ليس لسبب موضوعي و إنما لأسباب سياسية بحتة في رأيي..
و أرى أن معظم من يتكلم عن الدستور و تشاهدهم في البرامج الحوارية أو ترى آرائهم على شكل تعليقات على الفيس بوك -غالباً-لم يقرأوا الدستور أصلاً و من قرأه لم ينهي قرائته
و الغريب أن معظم من لا يقرأ يتكلم و أغلب من يقرأ لا يتكلم
و أختفى في كثير من الأحيان النقاش الموضوعي
لتتحول المناقشة عادة من تبادل الأراء في الدستور و السياسة إلى تبادل !!!الآراء في الأب و الأم على رأي عم جلال عامر الله يرحمه
السؤال هو :
لو كانت نتيجة الدستور "لا" و تم انتخاب لجنة لعمل الدستور..فهل سيرضى المعترضون الأن من القوى السياسية بنتائج تلك الأنتخابات ؟!!!
و هل الدستور الناتج عن تلك الجمعية الجديدة المنتخبة سيكون بتوافق كل الأطراف؟!!
هل يمكن الوصول إلى توافق بين القوى السياسية بكافة انواعها بشكلها و أسلوبها الحالي؟!!
ما أراه أننا الأن في مصر و صلنا في التوافق إلى إن لو اتنين قاعدين على قهوة عمرهم ما هيتفقوا على حاجة..و 80 مليون كل واحد منهم له رأي لكن مش دي المشكلة..المشكلة إن كل واحد لا يقبل أي رأي مخالف !!!!
مع الأسف الأستفتاء على هذا الدستور إلى حد كبير فيه طلم لأنفسنا و ظلم لواضعي الدستور و للدستور نفسه..و ذلك لدخول الكثير من العوامل السياسية و الأحداث في أذهاننا أثناء الحكم على ما جاء به.
و لكن لا مفر منه عاجلاً أم آجلاً.
حضراتكوا شايفين ان اى حد من الغلابة اللى فى البلد ممكن يفهم الدستور دا ويقدر يجيب بيه حقه .....ولا هى المشكلة فى الدستور اصلا...
يعنى القران مثلا فى اى خطاء والعياذ بالله ...ومع ذالك مين فينا واخد القران منهج لحياته انا بتكلم فى المجمل
كلامكوا احترمه جدا بس من الظلم نحكم على الناس باستفتائهم على دستور بالشكل دا
ونسبة الفقر والجوع والجهل دى موجوده يبقى ساعتها بنضحك على نفسنا واكيد احب اسمع رائيكوا .
ارجو من سيادتكم التكرم بالموافقة على بالإبراز " من أبرز " على دستور جديد
يتيح لشعب مصر الكرامة كالماء و الهواء اللى مش بيجيبوا سرطانات
ويتيح لأى مصرى محاسبة اى صاحب منصب حتى لو كنت انت المسؤول
وينقل مكان الحكم من القصر الجمهورى الى اعفن حتة فى العشوائيات
ويكون القضاء دار الحقانية ام ميزان وعين عامية متشوفش ولا تسمع الا الحق
ويكون الحساب علنى يعنى على عينك يا تاجر و تفهمنا الغلط على مين
يعنى مش قضاء وقدر ومتجوش على الراجل المسكين يا بيه احنا كلنا مساكين
و يكون الاخلاق قبل التعليم ,و الكرامة قبل الكراريس
ترابنا اغلى من دمنا بس الغالى تحت رجالنا مش فوق روسنا
و ان اللى يحل دم اخوه فى البلد دى ميلزمناش
وان الإنسان حر فى اى دين كان اهم حاجة الايمان والحب والتسامح يبقوا دين لكل الناس
وتفضلوا بقبول فائق الاحترام
مقدم لسيادتكم من :
غلبان دمه مصرى حامى .