Egyptians Good Readers discussion

تحية معطرة للجود ريدرز .. اعضاء الجروب الكرام

كلها كام عضو ونبقي 2000 جود ريدرز ان شاء الله

كلنا بنختفي ساعات بس مش بنلاقي مكان احسن من الموقع دا يلمنا علي حب القراية ... وبايدنا الجروب يبقي احسن واحسن

** فياريت كل الاقتراحات اللي نفسكم تتحقق عشان نطور الجروب ونخليه أحسن واحسن ..

تعاطفك وحده مووو كفاية هههههه

شارك ... برأيك
وفعلك
وضيف كل اصحابك ع الجروب عشان كل ما عددنا يزيد كل ما نثري المناقشات والاستفاد اكتر ..

في انتظار ارائكم... واي حاجه نفسكم فيها

مبدئيا عشان نبتدى...نبدأ نقترح كتاب نقراه فى فترة معينة و بعدين نناقشه.

ممكن نعمل poll علي كذا كتاب لمدة يومين .. واكتر كتاب اخد اصوات نبتدي فيه .. لمدة اسبوع مناقشات في اي وقت خلال الاسبوع بتاعه يعني مش شرط كلنا نقرا الكتاب كله وبعد كده نناقشه .. لأ احنا حتي واحنا بنقرأ فيه نتناقش فيه .. حاجة عجبتك مثلا , حاجة انت معترض عليها وتوضح رأيك فيها , حاجة ممكن نطبقها في حياتنا اليومية .. وهكذا طول ما احنا بنقرأ في الكتاب نتفاعل مع بعض .. وبعديها نختار كتاب تاني وهكذا ..

ممكن نحدد موضوع شهرى او اسبوعى عايزين نعرف عن حاجه معينه او مجال معين ( تاريخ .تنميه بشريه . سياسه.مؤلف معين .روايه ) ايا كان وخاصة الكتب الجديده فيبقى فى اقتراحات ونشوف ايه الاحسن ونبدأ نقرا ونتناقش .. واهم حاجه احنا عايزين نوصل لايه ولاى كم من المعلومات يعنى ممكن القرايه تتحول لبحث

انا شايفه تفاعل الناس بالجروب قليل جدا ومش عارفه السبب مع انو قراءه كتاب بدون مناقشتو ملوش اي فائده. انا براي نحدد كتاب الكل يقراوو ونعمل بيه مناقشه او نحدد كاتب معين وكل واحد يقول الكتب الي قراهن لهاد الكاتب ورايو بكتاباتو وشو الحلو وشو مش حلو بكتاباتو .

طيب ممكن نبدأ باقتراح الpoll فى توبيك جديد نختار فيه بين كتابين..

جميل كلامكم وفي انتظار اقتراحات اكتر ..

ولحد دلوقتي الاقتراحات تتخلص ف فكرتين ..

* مناقشة كتاب شهري او اسبوعي بعد التصويت
وبقترح الكتب دي تكون من الاصدارات الجديدة ..

** موضوع اسبوعي يتفتح والكل يتناقش فيه
فكرة جميلة فعلا .. ونحدد يوم معين يبقي هو بداية الاسبوع وهنزل فيه الموضوع للمناقشة ..


ف انتظار تطويركم للفكرتين وافكار تانية ..

وبضيف عشان توفير الوقت .. الادارة هتشوف الاصدارات الجديدة او الكتب اللي عليها زخم وتحط كتب للتصويت خلال يومين تبقي .. ونخلي المناقشة نصف شهرية لان كل اسبوع هتبقي صعبه علي البعض منا ..

شكرا لكل اللي اقترحوا مناقشة كتاب كل اسبوع او شهر واتمنى يكون مجموعة كتب مقسمة حسب اقسام المعرفة المختلفة بحيث نتناول كتاب من كل فرع في نفس الوقت بحيث يتجه كل واحد للنوع اللي بيحبه

فكرة مناقشة كتاب كل شهر ممتازة واقترح ان يكون كتابين في الشهر ... وعندي سؤال من فضلكم بالنسبة للمغتربين الغلابة أمثالي يلاقوا الكتب PDF أزاي ؟

Rehab wrote: "فكرة مناقشة كتاب كل شهر ممتازة واقترح ان يكون كتابين في الشهر ... وعندي سؤال من فضلكم بالنسبة للمغتربين الغلابة أمثالي يلاقوا الكتب PDF أزاي ؟"

ايه علاقة الاغتراب بالـ
Pdf
يا رحاب ؟! :D

عموما .. ببساطة اكتبي اسم اي كتاب في جوجل وتكتبي وراه بالانجليزي
Pdf

او اطلبيه هنا وان شاء الله نوفرلك اللينكات

وفيه كتب هنا في الموقع في صفحة الريفيو بتاعها بيكون فيه لينك تحميل

ونورتي الجروب :)

أخجلتني .. قصدت لصعوبة الحصول على الكتب نفسها :D
وظننت ان في هنا رابط مباشر لمجموعة كتب PDF عموماً شاكرة جداً أبحث عنها ان شاء الله.

Rehab wrote: "أخجلتني .. قصدت لصعوبة الحصول على الكتب نفسها :D
وظننت ان في هنا رابط مباشر لمجموعة كتب PDF عموماً شاكرة جداً أبحث عنها ان شاء الله."

بهزر يا رحاب :)

ادخلي ع الموضوع دا .. ان شاء الله هتستفيدي .. وفيه مجموعة كتب بالروابط بتاعتها

http://www.goodreads.com/topic/show/1...

انا عندي مشلكة مش بعرف اقرأ من
PDF
بمل بسرعة...فيه حد هنا بيحب قرايه ال
PDF
يقولنا ازي
:D

انا مع فكرة طرح موضوع للنقاش وممكن نطرح عدة كتب تناولته