Egyptians Good Readers discussion

لو سمحتوا يا جماعه .. انا بحب التاريخ جدا ونفسي اقرا فيه بس مش عارفة ابتدي منين لما اقراه .. من التاريخ الفرعوني ولا الحرب العالمية الاولى والتانيه ولا تاريخ مصر كله .. تاريخ اوروبا؟ التاريخ الاسلامي والدولة الاسلامية .. ولا الاندلس ..!! بجد محتارة ومش عارفة ..
ياريت تقولولي ابتدي منين .. وكمان تقترحوا كتب معينة في التاريخ اقراها .. او مؤلفين كويسين ومؤرخين .. وميرسي ليكو جميعا :)

بصي يا اسراء ... القراءة المنهجية في التاريخ مفيدة طبعا بس لو قيدتي نفسك بيها هتتعبي شوية .. زي ما انتي محتارة كدا (ابدأ منين ؟) وهتأجلي كتير ..

بس نصحيتي ليكي هي
اعتبري التاريخ خريطة .. لازم تبصي علي خريطة العالم كلها من فوق وتعملي زووم بالتدريج لحد ما توصلي للشارع في البلد في الدولة ف القارة اللي عايزاها .. وتبعدي تاني وترجعي تعملي زووم وهكذا ..

فأنتي محتاجة الاول تاخدي النظرة الشاملة دي لفترات كبيرة من التاريخ .. وبعدين هتتعمقي ومهما اتعمقتي هتلاقي لسه فيه كلام اكتر محتاجه تعرفيه ..

** نييجي للعملي بقا ..
- سيبك من الترتيب ... ابداي من اي حته ... وكل ما تقري هتربطي الدنيا ببعض ..

- لو هتقدري وحابه تستمتعي بالرحلة فعلا من اولها وبالتدريج .. خليكي مع موسوعات زي ...

# قصة الحضارة .. ول ديورانت
# وصف مصر
وغيرها كتير

وبرضو من الحاجات المميزة اوي ..
# فلسطين .. د. طارق سويدان .. ب 90 ج
ممتااااز وبالصور وقصة القدس من فجر التاريخ لحد دلوقتي
# موسوعة اليهود - طارق سويدان
# موسوعة اليهود للمسيري
- بالنسبة للتاريخ الاسلامي ... فيه موسوعة مختصرة وممتازة جدا من جزئين بس ... مراجعة د. راغب السرجاني

اسمها : الموسوعة الميسرة في التاريخ الاسلامي
ب 60 جنية هتلاقيها ف مكتبات الكتب الاسلامية .. مؤسسة أقرا للنشر والتوزيع
(لو هتنزلي الحسين هتلاقيها هناك لو مش لاقياها )

- ابدأي باللي شادك اكتر في مراحل التاريخ او نفسك تعرفي عنه او معلومات ناقصة فيه جدا..

- اخيراً
موسوعات التاريخ وكدا .. استعيريها من المكتبات احسن

ودي يا اسراء ... شوية كتب ارشحهالك في التاريخ

1- تنقية أصول التاريخ الاسلامي **
د. حسين مؤنس
http://www.maktbtna2211.com/book/1450

2- أطلس تاريخ الاسلام
د. حسين مؤنس
http://www.maktbtna2211.com/book/1459

3- نظرات في تاريخ مصر
جمال بدوي
http://www.maktbtna2211.com/book/8965

4- دستور أمة الاسلام
د. حسين مؤنس
http://www.maktbtna2211.com/book/1444

5- قصة الحضارة .. ول ديورانت
http://www.4shared.com/document/U1Cfz...

ميرسي جدا يا احمد .. عموما انا بحب اقرا في التاريخ الاسلامي جدا وتاريخ الاندلس ويمكن ابتدي بيه ان شاء الله .. وانا اصلا من الاسكندريه بس ححاول ادور على كتب طارق السويدان وراغب
السرجاني لاني بحب الكتب الورقيه ..
وحلوة فكرة الزوم دي .. اصل انا من النوع اللي بحب انظم افكاري ..
وميرسي اوي تعبتك معايا :)

Esraa wrote: "ميرسي جدا يا احمد .. عموما انا بحب اقرا في التاريخ الاسلامي جدا وتاريخ الاندلس ويمكن ابتدي بيه ان شاء الله .. وانا اصلا من الاسكندريه بس ححاول ادور على كتب طارق السويدان وراغب
السرجاني لاني بحب ال..."


طب متضيعيش فرصة معرض الكتاب الجاي بقا ... حوشي من دلوقتي :) عشان تاخدي مخزون السنة كلها

اها منا فعلا بحوش من دلوقتي عشان الكتب .. بس كنت عايزة اعرف معرض الكتاب بيبتدي امتى؟؟ وله فرع في اسكندرية مش كده؟؟

Esraa wrote: "اها منا فعلا بحوش من دلوقتي عشان الكتب .. بس كنت عايزة اعرف معرض الكتاب بيبتدي امتى؟؟ وله فرع في اسكندرية مش كده؟؟"

المعرض الرسمي بيبقي ف اواخر يناير ... يعني من 25 يناير كدا او 27 كل سنة ..

وهو المفروض مش بيتعمل ف اسكندرية .. بس السنة اللي فاتت اتعمل هناك واتعمل كمان معرض جديد .. اسمو معرض الكتاب العربي ..

فاعتقد السنادي هيبقي فيه زخم ان شاء الله ومعارض ممتازة ..

بس في كل الاحوال حاولي تيجي معرض القاهرة للكتاب .. لانو مش هيتكرر حتي لو اتعمل عندكو ف اسكندرية ... او ف اي محافظة

مبتكونش ابدا نفس مساحة المكان ولا عدد الناشرين الموجودين ولا العروض الموجودة ...

ححاول ان شاء الله .. انا اصلا احتمال اسافر القاهرة مع عيلتي في الاجازة .. يارب بس يكون وقت المعرض :)

عموما شكرا على الرد :) :)

Esraa wrote: "ححاول ان شاء الله .. انا اصلا احتمال اسافر القاهرة مع عيلتي في الاجازة .. يارب بس يكون وقت المعرض :)

عموما شكرا على الرد :) :)"

نسيت اقولك با سارة علي المجموعة الهايلة بتاعت د. رشدي البدراوي

قصص الانبياء والتاريخ ...

واللي بتحكي قصص الانبياء من خلال الاحداث التاريخ مش بس الكتب الدينية .. وبيقارن بين المذكور في الكتب السماوية والمقارنة بينه وبيان بعض التحريفات الموجودة ... مع وضع الخرايط وجغرافيا الاماكن

سلسلة رائعة وبتربط قصص الانبياء وتحطها في مكانها في التاريخ مش زي ما اتعودنا نقراها ونعرفها كأنها احداث منفصلة ..

http://www.goodreads.com/search?utf8=...

اها حبقى اقرا الجزء الاول قريب ان شاء الله .. انا عندي كمان قصص الانبياء للشيخ الشعراوي .. انهي افضل؟

Esraa wrote: "اها حبقى اقرا الجزء الاول قريب ان شاء الله .. انا عندي كمان قصص الانبياء للشيخ الشعراوي .. انهي افضل؟"

مفيش مقارنة بينهم

الشيخ الشعراوي .. قصص الانبياء من وجهة نظر اسلامية ..

.د. رشدي البدراوي ... من الاسلام وباقي الديانات والمقارنة بين المذكور وبيان لو فيه تحريف .. وطبعا انو بيحط القصص دي في اماكنها التاريخية .. بيربط التاريخ بالقصص ودا احنا مفتقدينه ..

مثلا كلنا نعرف قصة سيدنا موسي وسيدنا يوسف ... بس هل تعرفي ظهروا في عصر انهو ملك فرعوني بالظبط ؟ وايه نعرف في التاريخ متزامن مع وجودهم ...

هل قوم سيدنا هود كانوا في مصر ؟

هل اختاتون كان نبي ؟

اسئلة كتيرة مشوقة .. وبعد تاني ممكن متلاقيش اجابات كاملة لكل شئ لان فيه في التاريخ الغاز كتير ...

واهيرا ...... لو هتقدري .. اقري الاتنين .. دا افيد كتير .. وابداي بالشعراوي لو تحبي .. عشان تعرفي الاساس قبل ما تدخلي في بحور التاريخ وعشان هو اصغر .. وبالتوفيق

ممكن تبدأى بواحد من الكتابين دول
مصر من تاني ، رحلات الطرشجى الحلوجى

شوقتني أقرا ل د. رشدي البدراوي..أصلا قرأة التاريخ ممتعة جداً!

Jihad wrote: "شوقتني أقرا ل د. رشدي البدراوي..أصلا قرأة التاريخ ممتعة جداً!"

:)
ان شاء الله تستمتعي بقرايته ..

بعد إذنكوا أنا كنت عايز لو ترشحولى أسامى كتب عن تاريخ فترة خلافة سيدنا عثمان و سيدنا على و تكون ذات ثقة .. شكرا

الفتنة الكبري
طه حسين

Khaled wrote: "الفتنة الكبري
طه حسين"

شكرا

Aly wrote: "بعد إذنكوا أنا كنت عايز لو ترشحولى أسامى كتب عن تاريخ فترة خلافة سيدنا عثمان و سيدنا على و تكون ذات ثقة .. شكرا"
تيسير الكريم المنان في سيرة عثمان بن عفان. للدكتور علي محمد الصلابي
أسمى المطالب في سيرة أمير المؤمنين علي بن أبي طالب. للدكتور علي محمد الصلابي

شكرا ليكم جميعا يا جماعة .. بجد كتب كلها مفيدة اوي :)

Osama wrote: "Aly wrote: "بعد إذنكوا أنا كنت عايز لو ترشحولى أسامى كتب عن تاريخ فترة خلافة سيدنا عثمان و سيدنا على و تكون ذات ثقة .. شكرا"
تيسير الكريم المنان في سيرة عثمان بن عفان. للدكتور علي محمد الصلابي
أسمى..."شكرا جدا

طيب ممكن بعداذنكوا حد يرشح كتب عن الحرب العالميه الاولى و الثانيه

طيب معلش يا جماعة أسف جدا علي التدخل
بس محدش عنده كتب كويسة عن الحملات الصليبية ؟؟

الموجز ف تاريخ العالم- ه ج ولز

قاسم wrote: "طيب معلش يا جماعة أسف جدا علي التدخل
بس محدش عنده كتب كويسة عن الحملات الصليبية ؟؟"

ممكن الحملات الصليبية لدكتور راغب السرجانيراغب السرجاني

انا معنديش حاجة معينة ارشحهالك في التاريخ بس وانتي بتقري تاريخ خلي بالك ان التاريخ اغلبه وجهة نظر مش حقائق

ممم حيقى احط الموضوع في اعتباري .. بس انا بختار ناس اثق فيهم

انصحك برده متثقيش في كتاب معينين وانتي بتقري في التاريخ اقري وجهات نظر مختلفة لكتاب ومؤرخين مختلفين عن كل موضوع وثقى في عقلك واطلعي بوجهة نظرك الخاصة .

اسراء انا اشعر بما تشعرين به . لانى مريت بنفس حيرتك دى من سنيين فاتت . و طبعا تهت و تعبت لحد ما وصلت لخريطة طريق و منهج امشى عليه فى التاريخ و الحمد لله حاسس انى فعلا مشيت بطريقة ممنهجة
و انا هنقلك تجربتى يمكن تستفيدى منها
خطوة خطوة ان شاء الله

دورى على كتب عبد الرحمن الشرقاوى و عبد الحميد جودة السحار هايفيدوكى كتير فى التاريخ الاسلامى و ابعدى عن الكتب القديمة لانها فى اعتقادى بتبقى غير محايدة و فيها مغالطات و مبالغات كتيرة