Egyptians Good Readers discussion
فن القراءة
>
ازاي اقرر اشتري كتاب ولا اقراه بي دي اف ؟
date
newest »
newest »
Rana wrote: "عن نفسي .... الكتاب اللي ممكن يتقري اكتر من مرة بجيبه وفي كتب كده او كتاب اول ما بلاقيهم بجيبهم تلقائيا :)) لكن الكتب اللي اخرها قراءة واحدة زي الروايات مثلا بتبقي ب د ف وأحيانا سعر الكتاب او عدم ت..."كويس جداا بس يعني رأيك لو ابدأ اقرا لكاتب جدبد او دار نشر جديدة ابدا بي دي اف و لا اشتري كتابه ؟؟
و حاجة زي معرض الكتاب مثلا انا عاوز انزل بفكرة اني اجيب
كتب بش الكتب دي ممكن تكون عندي بي دي اف فرأيك اقرر ازاي ؟
Mod
http://www.goodreads.com/topic/show/1...
اهلا بيك ف الجروب .. واتمني الموضوع يفيدك ان شاء الله
Ahmed wrote: "الموضوع كامل معمول من فترة اهو يا منير .. اقراه ولو عندك أسئله نتناقش فيها ان شاء اللهhttp://www.goodreads.com/topic/show/1...
اهلا بيك ف الجروب .. واتمني الموضوع يفيدك ان شاء الله"
تمام يا احمد انا قريت الموضوع و بجد استفدت منه بس عندي سؤال في جزئية تانية الى هيا قراية ال بي دي اف رأيك ممكن تغني عن اني اشتري كتب و ازاي تقرر انك تشتري كتاب و متقرهوش بي دف اف او العكس .. و شكراا ليك :)
اعتقد انها مشكلة لاي حد بيحب القراءة موضوع شراء الكتب لأنه بيبقى عايز كتب كتيراعتقد الأفضل ان الواحد يشترك في مكتبة عامة لان بيكون فيها كتب كتير وبالتالي هيبقى اللي هيشتريه الكتب الضرورية أو الجديدة اللي لسة منزلتش المكتبة
Shaymaa wrote: "اعتقد انها مشكلة لاي حد بيحب القراءة موضوع شراء الكتب لأنه بيبقى عايز كتب كتيراعتقد الأفضل ان الواحد يشترك في مكتبة عامة لان بيكون فيها كتب كتير وبالتالي هيبقى اللي هيشتريه الكتب الضرورية أو الجدي..."
هيلاقى مشكلة عدم توافر الكتب الجديدة ياما بسبب الوقت او بسبب انها محجوزة كلها
ذكرتينى بمكتبة المعادى
مهما كان دايماً الكتاب الورقي فيه احساس رائع وانتي بتقريه لا يقاوموزي ما قالت رنا فوق البي دي اف ليه مميزات زي عدم توافر كتاب ورقي او ارتفاع سعره او او بتضطري تقريه بي دي اف
بس فيه كتب في الفكر مثلا او الفلسفة صعب تتقري بي دي اف
لأنكـ بتقريها مرة واتنين وتلاتة
بص انا بعمل اية يا عم منير ؟!الروايات الطويلة بحبها جدا جدا مطبوعة لان ليها متعة خاصة جدا وانتا بتقراها كل يوم قبل ما تنام كدة و تقلب ف الورق .. شئ رائع الحقيقة
بالنسبة بقى لو كتب بتتناول موضوع علمي مثلا .. او سياسة ..تجميعة مقالات .. او او او .. غالبا بختارها بى دى اف
Basem wrote: "بص انا بعمل اية يا عم منير ؟!الروايات الطويلة بحبها جدا جدا مطبوعة لان ليها متعة خاصة جدا وانتا بتقراها كل يوم قبل ما تنام كدة و تقلب ف الورق .. شئ رائع الحقيقة
بالنسبة بقى لو كتب بتتناول موضوع ع..."
انا فعلا بعمل كده يا باسم .. وكمان الكتب الكبيرة اوي زي مثلا لا تحزن افضل اني اقراها ورقية .. وممكن اقرا الكتاب الاول بي دي اف ولو عجبني بشتريه لاني بحب اقتني الكتب اوي حتي ولو مش حقراه تاني بس المهم تكون عندي في المكتبة
شراء الكتب مكلف .. عود نفسك علي bdf منالاول افض
انا من هواه قراءة الكتب و الأحتفاظ بيهاعلشان نفسي اكون مكتبة كبييييرة :) pdf بس برضو عمري ما قريت و لا كتاب واحد
لآني مش بستمتع بالقراءة الا و الكتاب فى ايدي و اخده معايا فى كل حتة و اقعد اقلب فى صفحاته براحتي ♥ دي فى حد ذاتها متعة اساسا للي بيحبوا القراءة
انما كتب ال pdf بحس انى بتوهه جواها... بقرأها و انا مش مستمتعة ده غير احساس الملل اللى بيجيلي من تاني صفحة علشان كدا بقفله لاني بحس انى بقرأ مقال مش كتاب -_-
مقراتش كتاب ورق غير 2 ظباط عشان كنت متحمس جدا اني اقراه ولسا جديد غير كدا بقرا كله بي دي اف
انا جربت دة ودة وحقيقى الكتب ليها طمع مختلف خالص عن البي دى اف
شخصيا افضل الكتب
غير مسالة ان البي دي اف بينقص حقوق الكاتب
بس نصيحتى ان كل واحد يختلف عن الاخر , جرب دة ودة وشوف انت هتحب اية
اما بالنسبة لانك عايز تبدا بكتب كويسة فموقع جودريدز هيساعدك فى دة جدا علشان ممكن تشوف اى كتاب بيتكلم عن اية وكمان اراء الناس فية
من واقع التجربة الشخصية أقدر أقوللك إن القراءة على البي دي إف أحسن من عدة أوجه:أولاً سهولة التنقل بالكتاب - إذا كنت بتستخدم الموبايل أو الآيباد أو التاب .. إلخ
ثانياً يمكنك تخزين عدة كتب على الجهاز (الموبايل أو الآيباد أو التاب)
ثالثاً اكتشفت إن متوسط سرعة قراءتي على البي دي إف أسرع بمراحل من معدل قراءتي في الكتاب الورقي (وده شيء نسبي بيختلف من شخص لآخر)
رابعاً الكتاب كبي دي إف ثقله متوقف على ثقل ووزن الجهاز اللي بيشغله بس متنساش إنه في أكتر من كتاب موجودين على نفس الجهاز وده من وجهة نظري الشخصية اللي ممكن تكون قاصرة بيدي أفضلية ساحقة ماحقة على الكتب الورقية
وكل اللي قلته تفكير نفعي بحت زائد شوية ميل شخصي .. إنما تفضيل الكتب الورقية غالباً على الرغم من مميزات البي دي إف المذكورة آنفاً بيبقى غالباً تفضيل عاطفي وتفضيل للتجربة الكلاسيكية كنوع من أنواع الشعائر اللي الواحد بيمارسها عشان يقرأ..
شوف..من الناحية المادية ال بي دى اف طبعا مش مكلف.. يادوب تكلفة التحميل مش زى شراء الكتاب الورقى
ومن ناحية توفر النسخ متساويين ولو ان ال بي دى اف احيانا بيكون متواجد عن النسخ الورقية
ومن ناحية الاستمتاع بالقراءة ف دى انت وراحتك
لو تقدر على القعدة قدام شاشة الكمبيوتر او التلفون ...الخ ماشي
لو مش هتقدر يبقى النسخ الورقية احسن
كمان لو عندك طموح ان يبقى عندك مكتبة ورقية خاصة دى حاجة ترجعلك
ال بي دي اف بيبقى ضمان من ناحية انك ممكن تقدر تدى نسخ م الكتب لغيرك من غير ماتكون قلقان من ضياعها
عكس النسخة الورقية اللى بتقلق عليها م الضياع او التلف
كمبتدئ مش هتفرق معاك تقرأ من ورق او من بي دى اف
مع الوقت هتقدر تحدد ايه الوسيلة المريحة بالنسبة لك للقراءة
الموضوع بايخ حبتين و فيه جانب اخلاقي شوية زي حقوق الملكية الفكرية و متعة الكتاب في ايدك و قيمة الكتاب لو هحتفظ بيه
عامة بحاول اشوف الرفيو بتاع الكتاب و بيتكلم عن ايه و معلومات عن الكاتب
طبعا ممكن متعرفش تعمل كل الحاجات ديه لو الكتاب جديد فبتاخد الريسك و انت و حظك
طبعا اقتراح المكتبة جميل او انك تستلف او تبدل كتب مع اصحابك
انا عن نفسي مش بحب الpdf
و بفضل اشتري الكتب ممكن اقره pdf لو مش موجود في المكتبات غالبا بيبقي الكتاب قديم قوي او ممنوع من النشر
بس عندك سوق الازبكية ممكن تلاقي كتب كتير هناك و اسعارها ارخص كتير من المكاتب بس محتاجة لفة شوية علشان تلاقي الكتاب بحالة كويسة
لو بتقرا انجليزي هات قارئ الكترونى وحط عليه كل ال بي دى اف اللى انت عاوزه !! بس لو عربي يبقي ممكن تحطها على التابلت وتقراه زى الكتاب بالظبط لان العربي بيكون متصور
ده بيتوقف على السبب الذي من أجله تقرأ.. بشكل عام فإن الأشخاص الذين يقرأون ﻷغراض علمية أو أكاديمية أو كتب تفيدهم في دراستهم من الأفضل لهم طبعا شراء الكتب ورقية خصوصا المراجع الضرورية ﻷنهم سيحتاجون إلى التوثيق والتحديد ومن هاته الناحية فالتعامل مع الكتاب الورقي أفضل أما الذين يقرأون لغرض المتعة فقط أو الفائدة والثقافة العامة فيمكنهم قراءة الكتب بي دي إف سيكون ذلك جيدا على جهاز قراءة أو تابلت.. لا مانع طبعا من الجمع بين الأمرين حسب رغبتك في كل كتاب وطبيعة أهدافك منه
علي حسب كل شخص في ناس مش بتحب تقرا الكتب غير pdfانا مثلا من الطراز القديم شوية لازم اشتري الكتاب عشان
استمتع وانا بقراه
انا عن نفسي ما بستمتع بقراءة الكتاب إلا إذا كنت ماسكته بإيدي .. بيعطيني طاقة غريبة .. بس في بعض الكتب اللي ما بكون متأكدة إذا كانت بتستحق إني اشتريها ولا لأ .. بنزلها الكتروني وإذا عجبتني بكمل قراءتها من الكتاب نفسه
دا شئ يرجع لك انت ؛ بتختلف من قارئ لقارئ ؛ زي في واحد بيحي القهوة سادة ؛ و واحد بيحيها زيادة ؛ مجرد ميل شخصي ...انا عن نفسي مبقيتش بعرف اقرا كتب ورق ؛ لازم اقرا إي بوكس ePub و لو مش متاح يبقا pdf
اسهل و طبعا بتخزن مئات الكتب على الهارد عندك و بتاخدها معاك اي مكان
الفلوس واسطيل الحياة لو انت بيتوتي ومفلس pdf افضل
لكن لو يومك في الشارع ومعاك فلوس اشتري لانك مش هتعرف pdf
اكيد القراءة الكتاب نفسه ليها متعه انا لسه بادئه و اشتريت كتابين وليه هقراهم إن شاء الله
لكن ال بى دى اف لى مميزات مثلا زى ارتفاع سعر الكتاب انت ممكن تاخد نبذه عن الكتاب من ال بى دى اف لو حسيت انه عجبك اشتريه
يا جماعة انا مبتدىء في القراية فعاوز اعرف ازاي اوازن ما بين كتاب اقراه pdf
او كتاب اشتريه
يعني عاوز اعرف طقوسكم في الموازنة بينهم
و و تختارها ازاي
ازاي بتتعامل مع الكتب pdf
و مع النسخ الورقية
و شكراااااا