Egyptians Good Readers discussion

السلام عليكم..انا بدأت أقرأ بانتظام من فترة قريبة..بس بحس ان اي كتاب بقرأه مش بقدر استفيد منه كويس,والمعلومات اللي فيه مش بعرف افتكرها,حتي لو كان من نوع الكتب الي بحبها, اتنمي لو حد من حضراتكم يقولي نصيحة ازاي اقدر استفيد قدر الامكان من اي كتاب بقرأه؟..وشكرا مقدماً :)

حاولي تلخصي اي جزء بتقرأيه لاني انا مثلا ذاكرتي ضعيفة فدايما بكتب ملخص لاي موضوع بقرأ فيه

المعلومات اللي في اي كتاب اكيد مهمة،بس اللي اهم من المعلومات؛الافكار اللي في الكتاب،انتي مش لازم تحفظي كل المعلومات اللي في الكتاب بس اي حاجة جديدة تقريها في
اي كتاب حاولي تدوري على معلومات اكتر عنها على النت وممكن تدوري على كتب تانية بتتكلم عن الحاجة دي.انتي عمرك ماهتنسي كل المعلومات اللي قريتها طبعا انتي ممكن تنسي تفاصيل،بس لو احتجتي تعرفي التفاصيل تاني هتعرفي انتي قرتيها فين وهتقدري ترجعلها تاني.
بس ركزي في الافكار اللي في الكتب .

ممكن الكتاب اللي تقرأيه تعمليله خريطة ذهنية
هي طريقة حلوة عشان تلخصي معظم افكار الكتاب في صفحة واحدة

كتابة ملخص لكل فصل بأسلوبك الشخصي بعد الانتهاء من كل فصل على حدة هي أفضل طريقة

شكرا ليكم جميعا علي النصايح. :)

انصحك تقري كتاب قراءه القراءة

ممكن تكتبى الكلمات التى اعجبنك فى الكتاب
ممكن تحكى الى انتى حبتية فى الكتاب لاى حد ممتك اخواتك اصدقائك او حتى تكتبية على الفيس ودية بتجربتى بتحلى المعلومة تثبت جداا
مش لازم تفتكرى كل كلمة فى الكتاب الى انتى بتحكية عن الكتاب تقريبا دية الحاجات الى هتفيدك والى فعلا اثرت فيكى

بصي يا ستي ,
الأفكار في الكتب نوعين .... أفكار صادمة,و أفكار ذكية
الأفكار الصادمة هي اللي بتخليك ِ تقومي زي المجنونة تدّوري على قلم و ورقة عشان تسجليها ... أو حتى قلم تخطي بيه خطوط تحتيها ..,دي الأفكار هي اللي تقعدي تحشريها بكل موضوع بتتكلمي بيه أدام حد!

و الأفكار الذكية هي الأفكار اللي تحسي أنها عجبتك و خلتك تبتسمي أو تنذهلي شوية .... و دي ذكية عشان هي اللي بتكوّنك على الأمد البعيد ...

فأنت ِ خلي معاك ِ قلم دايما ً , اقرأي بالراحة من غير ما تحسي إنك لازم تذاكري الكتاب ده و تقدمي فيه امتحان
و هتلاقي نفسك لوحدك بتستفيدي من الكتاب فعلا ً من غير دوشة و لا نرفزة ...
ده رأيي , يا رب يكون مفيد لحضرتك
و السلام عليكم و رحمة الله و بركاته ...

شكرا يا استاذ طارق..انا فعلا بقي عايزة احشر المعلومات في دماغي واحس اني لازم اذاكرها عشان تثبت..بس ان شاء الله هعمل بنصيحة حضرتك..وشكرا جدا لكل الي قدموا نصايح :)

Bahga wrote: "شكرا يا استاذ طارق..انا فعلا بقي عايزة احشر المعلومات في دماغي واحس اني لازم اذاكرها عشان تثبت..بس ان شاء الله هعمل بنصيحة حضرتك..وشكرا جدا لكل الي قدموا نصايح :)"

كلنا منحاول نذاكر الكتب , عشان علاقتنا مع الكتاب في المدرسة طول عمرها هي علاقة مذاكرة و امتحانات بس ...
و حضرتك بتقولي أنك ابتديت ِ تقرأي بانتظرام من فترة قريبة- ربنا يثبتك - فطبيعي تتعاملي مع الكتب زي ما كنت ِ بتتعاملي مع الطوب اللي اسمو " كتب المدرسة " O-o
لكن جمال الكتاب بيكون بأننا نسيبو هو يتسلل لدواخلنا,مش نغصبه ع الدخول ..
دمت ِ و دام الجميع قارئا ً مخلصا ً .
و السلام

عجبني الموضوع. انا كمان كان في دماغي نفس السؤال واستفدت من الاجوبة.

Sawsan wrote: "ممكن تعملي علامات على الأجزاء المهمة في الكتاب من وجهة نظرك, والافكار اللي ممكن تفيدك في حياتك ابدئي بتطبيقها"

حلو الكلام ده..فعلا لو طبقت اللى بقرأه عمرى ما هنساه وهستفيد منه جداا ..جزاكى الله خير على نصيحتك سوسن :)

Tarek.m wrote: "بصي يا ستي ,
الأفكار في الكتب نوعين .... أفكار صادمة,و أفكار ذكية
الأفكار الصادمة هي اللي بتخليك ِ تقومي زي المجنونة تدّوري على قلم و ورقة عشان تسجليها ... أو حتى قلم تخطي بيه خطوط تحتيها ..,دي ال..."

استفدت من اجابتك جدا ..جزاك الله خيرا بجد

السلام عليكم،
انا بحس ان بين السطور دائماً في معلومات مفيدةأو حكمة أو عبرة وعظة في الحياة بين السطور في أي رواية وانا معنديش ملكة القرأة بين السطور و نفسي اشوف إية اللي الكاتب عايز يقولة

Rania wrote: "حاولي تلخصي اي جزء بتقرأيه لاني انا مثلا ذاكرتي ضعيفة فدايما بكتب ملخص لاي موضوع بقرأ فيه"

برافو

Book Worm wrote: "السلام عليكم،
انا بحس ان بين السطور دائماً في معلومات مفيدةأو حكمة أو عبرة وعظة في الحياة بين السطور في أي رواية وانا معنديش ملكة القرأة بين السطور و نفسي اشوف إية اللي الكاتب عايز يقولة"

بين السطور بيركز على تعبيرات واساليب جمالية احيانا وبصراحة روعة القراءة في جمال التعبيرت دي

انا شايف انك هتستفيدى لو كل فقرة بتناقش حاجة معينة تقفى بعدها و تفكرى ولو دقيقة و تسقطيها على حياتك و على اللى حواليكى

المعرفة والثقافة حالة تراكمية فلااا تهتمي كتير لان كل كتاب تقرائيه يؤثر فيك وبيزيد معرفتك وبوسع مخيلتك حتى لو ما حسيت انك استفدت بشكل مباشر وسريع ...اكيد كل ما كتب سابقا بساعد بس اكيد
be proud you are read

عن نفسى انا ببص للكتاب بعين القارئ و الناقد و الباحث عن المتعة و الباحث عن المعلومة و الافكار و الاسلوب يعنى ببص من الكتاب من كذا جهه
و ده بيخلينى اركز فيه اوى او بمعنى اخر بستفاد باقصى درجة من الكتاب

رأيي: الكتب تنقسم إلي جانب روائي وقصصي وجانب علمي أو معرفي وكلا الجانبين مفيد بالتأكيد. ففي الكتب المعرفية تأتيك المعلومة او الحكمة مباشرة اما في الكتب الروائية فهي تأتيك في شكل درامي يستطيع القارئ أن يستخلص منها المعلومة او الحكمة فهي تأتي بطريقة غير مباشرة.وبالتأكيد لن يكون الكتاب ممتلئ من أول صفحة فيه إلي آخره بالمعلومات ولكن إذا وجدتي معلومة امامك يمكنك التركيز عليها بقرائتها مرة أخري حتي تثبت في عقلك وهناك طريقة أفضل وهي عن طريق إخبار أي معلومة تقرأيها لأي من أصدقائك بحيث سيستفيد من تخبريه وتستفيدي انت ايضا حيث تكرارك للمعلومة سيثبتها في عقلك وبالنسبة للحكمة والنصيحة تحتاج إلي تطبيق أو كتابتها لتطبيقها في وقتهاالمناسب. وأتمني أن يكون كلامي مفيدا.

Osama wrote: "رأيي: الكتب تنقسم إلي جانب روائي وقصصي وجانب علمي أو معرفي وكلا الجانبين مفيد بالتأكيد. ففي الكتب المعرفية تأتيك المعلومة او الحكمة مباشرة اما في الكتب الروائية فهي تأتيك في شكل درامي يستطيع القارئ..."

(Y)

لخصى المعلومات على قد ماتقدرى كانك بتذاكرى بالظبط وتخيلى انك بتشرحى لحد او بتوصليله اللى فهمتيه من الكتاب ساعتعها اعتقد الموضوع هيبقل ايسر وده عن تجارب شخصيه

هقولك انا ،،خلي معاكي قلم الوان الجمله اللي تعجبك خدي تحتها خط او لونيها ، و اكتبي رقم الصفحه اللي فيها الجمله دي في اول صفحه في الكتاب ،،:: وهكذا و لما تيجي ترجعي للكتاب ارجعي للجمل دي ،، هتستمعي و تستفادي ،، بالتوفيق

اول حاجة لازم بعد ماتقراى اى كتاب تكتبى ملخص عنه وتقييم له فى مفكرة او اجندة ومعلومات كمان عن الكاتب ..دى اهم حاجة
.....
لو عايزة تستفيدى اكتر .. ممكن كمان تكتبى اقتباسات من الكتاب.. واى كلمة او معلومة متعرفيهاش فى الكتاب او جديدة عليكى تعملى عليها سيرش وتسجيلها عندك هيبقى عندك مخزون من المعلومات هيفيدك جدا فيما بعد :)
.....

حاجة كمان : ساعات الواحد وهو بيقرا فى موضوع معين بيسرح كده وبيفكر فى الموضوع دا باستفاضة :D
لو لاقيتى نفسك بتفكرى فى حاجات جديدة او بتطلعى بافكار يستحسن تكتبيها فى وقتها والا هتنسيها
===================

يارب اكون افدتك :)

Tarek.m wrote: "بصي يا ستي ,
الأفكار في الكتب نوعين .... أفكار صادمة,و أفكار ذكية
الأفكار الصادمة هي اللي بتخليك ِ تقومي زي المجنونة تدّوري على قلم و ورقة عشان تسجليها ... أو حتى قلم تخطي بيه خطوط تحتيها ..,دي ال..."

عجبتنى فكرتك جدا
هاخد بالنصيحة
شكرا

اعتقد انه اذا الكتاب حبيتيه فعلا و موضوعه مفيد بالنسبالك .. اكيد هايغير جزء من فكرك او هايفتحلك سكه ماكنتيش شايفاها او هايساعدك ع فهم شئ مكنتيش فاهماه
ده في رأيي هدف الكتاب .. لكن ابدا مش تلخيص و ندخل معلومات ف راسنا بالعافية .. اومال سيبتي ايه للمذاكرة و كتب الدراسة الخنيقة :)