Egyptians Good Readers discussion

لكل قاريء يقرأ بعمق و تنوع منذ سنوات طويلة و متوالية في حياته، مواضيع مفضلة و يهتم بالقراءة حولها، حيث تشكلت إهتماماته و ذائقته. و لكن القراءة العشوائية شيء و القراءة المنظمة شيء آخر و خاصة لو قرر القاريء "المحترف " - إذا جاز التعبير - عمل برنامج قراءة مكتوب على الوورد يحدد فيه سلفا ما يريد قراءته من كتب معينة تتمحور حول المواضيع الكبرى التي يفضلها مع ترك هامش لكتب جديدة أو مجال مستجد

هى فكره جميله بس انا مجربتهاش طب ممكن حضرتك توضح انته عاملها ازاى او برنامج حضرتك

قصدك جدول محدد بمواعيد ؟؟

فكرة جيدة بس اعتقد انها تناسب القراءة الاكاديمية (فى مجال عملك او فى المجال اللى عايز تقوى نفسك فيه) ... بس بالنسبة لى لو انا هاقرا للمتعة فالبرنامج ده هيفسد عليا متعة القراءة....

Mohammed wrote: "فكرة جيدة بس اعتقد انها تناسب القراءة الاكاديمية (فى مجال عملك او فى المجال اللى عايز تقوى نفسك فيه) ... بس بالنسبة لى لو انا هاقرا للمتعة فالبرنامج ده هيفسد عليا متعة القراءة...."

وجهة نظر، لكن المفهوم أكبر من هذا

محمود wrote: "هى فكره جميله بس انا مجربتهاش طب ممكن حضرتك توضح انته عاملها ازاى او برنامج حضرتك"

يراجع القارئ المجالات الكبرى التي يحب القراءة فيها، مثلا، التاريخ و التقسيمات التي تليه، مصري قديم، أم معاصر أم أوروبي أم إسلامي أم بلد بعينها، ثم يحاول إختيار كتاب مشهور و عمدة في المجال مع كتاب آخر صغير يلم في عدد صفحات معقول الموضوع، ثم يحدد مجال آخر و هكذا حتى تكتمل خريطة للقراءة المتوقعة خلال ثلاثة أشهر مثلا، و يتم تحديد كتب بعينها، كل ذلك مع عدم نسيان القراءة الأدبية بأجناسها و كتاب علمي و كتاب فني. و يترك هامش لقراءة الكتب الجديدة المهمة التي تنصح بها الصفحات الثقافية بالصحف أو مواقع النت أو الأصدقاء الموثوق بثقافتهم العالية

Ahmed wrote: "قصدك جدول محدد بمواعيد ؟؟"

ليس جدول و ليست مواعيد محددة، قهذا قيد شديد، غالبا ما يفشل و لكن تحديد أسماء الكتب و تحضيره تحت يد القارئ أو تحديد مكانها في المكتبة العامة و عقد العزم على قراءتها

فعلا بعمل كده بس بطريقة غير مباشرة يعني مثلا بلاحظ إن كتب جلال أمين بتجمع بين الاقتصاد والسياسة والتأريخ مع عرض وجة نظر ولإني لفترة كبيرة ماكانش من اتماماتي الكتب السياسية حسيت إن كتب جلال أمين بتقربني من حبها بشكل غير مباشر عن طريق الاقتصاد..

لو حبيت أقرا عن موضوع اليهودية مثلا حلاقي إن أكتر وأفضل كاتب اتكلم عنه هو المسيري الله يرحمه فجبت كل كتبه وجهزتها في فولد في to read إن شاء الله

لكن بشكل مباشر إني أحطها في ملف لأ =)

Sarah wrote: "فعلا بعمل كده بس بطريقة غير مباشرة يعني مثلا بلاحظ إن كتب جلال أمين بتجمع بين الاقتصاد والسياسة والتأريخ مع عرض وجة نظر ولإني لفترة كبيرة ماكانش من اتماماتي الكتب السياسية حسيت إن كتب جلال أمين بتق..."

طبعا طريقتك مفيدة و لكن هي تعني الإستغناء بكاتب واحد في المجال الواحد و هذا يوقعنا في ترديد الصدى و التمسك برأي مفرد و لكن تنويع الكتاب في مجال واحد و قراءة أفكار متنوعة و تناول مختلف أفضل للإحاطة و الوصول لأقرب ما يكون للحقيقة

Mohyee wrote: "Sarah wrote: "فعلا بعمل كده بس بطريقة غير مباشرة يعني مثلا بلاحظ إن كتب جلال أمين بتجمع بين الاقتصاد والسياسة والتأريخ مع عرض وجة نظر ولإني لفترة كبيرة ماكانش من اتماماتي الكتب السياسية حسيت إن كتب..."

انت عندك حق وعشان كده مع الوقت كتير من أفكاري دايماَ محل تغيير

Sarah wrote: "Mohyee wrote: "Sarah wrote: "فعلا بعمل كده بس بطريقة غير مباشرة يعني مثلا بلاحظ إن كتب جلال أمين بتجمع بين الاقتصاد والسياسة والتأريخ مع عرض وجة نظر ولإني لفترة كبيرة ماكانش من اتماماتي الكتب السيا..."

ممتاز

جربتها من اول السنة .. حسيت انى عاوزة اقرا عن الاندلس ، التغريبة الفلسطينية ،الإخوان ،ومن غير ضحك نهاية سلاسل ادهم صبرى وما وراء الطبيعة اللى قضيت طفولتى معاهم :)

Reembadran wrote: "جربتها من اول السنة .. حسيت انى عاوزة اقرا عن الاندلس ، التغريبة الفلسطينية ،الإخوان ،ومن غير ضحك نهاية سلاسل ادهم صبرى وما وراء الطبيعة اللى قضيت طفولتى معاهم :)"

هذا تنظيم جيد لعملية القراءة

ما جربتهاش بالمفهوم ده
بس أنا متعودة أقرأ يوميا
أى كتاب يعجبنى بشتريه وأبتدى قرائته مش محددة جدول معين

جربتها حاليا بسبب تنتج مشكلة فى الحصول على الكتب المحددة لعدم توافرها فى بعض الاوقات

انا فعلا بعمل الفكرة دي على طول بس مش على الوورد ..
shelfبعملها هنا على الجود ريدز .. ببساطه جدا بعمل
واسميه مثلا شهر 6 واحط عليه الكتب اللي حقراها في الشهر ده وبعد ما الشهر ما يخلص واكون قريت الكتب اللي عليه بنقلها في رفوف تانية وبعدين بمسح الرف واعمل رف تاني لشهر جديد وهكذا ..
وبصراحة الموضوع ده نظملي وقتي وافكاري بشكل ررائع لاني كنت بحتار اقرا ايه بعد ما اخلص .. ولما احدد الموضوع سلفا بيريحني كتير وبيخليني اعرف راسي من رجلي :D

وكمان بحاول اقرا الوان مختلفة في الشهر الواجد عشان مزهقش وغالبا بيكونوا من 4-5 كتب في الشهر حسب عدد الصفحات :)

أنا مشترك في الموقع ده عشان كده بس عندي مشكلة في سرعة القراءة و استفادتي من الكتب مبقتش زي الاول

لا مجربتش خالص انا غالبآ بقرأ بعشوائيه كده بس عايزه اجرب اخلى الموضوع منظم شويه ع الاقل احدد المواضيع اللى هقرأ فيها ففتره زمنيه معينه ان شاء الله :)