Egyptians Good Readers discussion

كل سنة وانت طيب وبخير ... رمضان كريم وجميل ...


عايز اقول كلمتين... واتمني ان شاء الله يفيدوك ويفكروك بكلام انت عارفه كويس

علامة قبول رمضان .. انك بعد رمضان تستمر ع الطاعة ..

=== طب ما كلنا بعد رمضان بنرجع لعوايدنا القديمة .. وكمان بنمل والطاعة تقل بعد ايام .. وبعد البداية القوية ..

# الحد الادني انك بعد رمضان تبقي احسن منك قبل رمضان ... دي علامه مهمه

رمضان فرصة بتيجي كل سنه عشان تتقدم خطوة ناحية جنة الدنيا والاخرة ..

يعني لو انتا صفر من عشرة .. فعلي الاقل كل سنة تتقدم درجة ناحية ربنا وتثبت عليها .. يعني عشر سنين تبقي تستحق حب ربنا وجنته ...

طب هو انتا ضامن تعيش كام رمضان .. عشان تضيع رمضان السنادي.؟!!



=============
طب كلام عملي ومن الاخر ...

حدد هدفك كويس جدا من رمضان دا ... ودا هيبقي من شقين ...

1- عادة او ذنب كبير محتاج تخلص منه تماما
2- طاعة عايز تثبت عليها ومن غير مبالغه


اي عادة محتاجه منك بس 20 يوم تكرار .. ربنا اداك شهر كامل عشان لو وقعت منك ايام تعوض برضو وتستفيد جدا .. وتغسل قلبك في رمضان

تحديد الهدف دا هيخلي رمضان السنادي منتهي الاختلاف ..
وهتخلي عينك علي ما بعد رمضان .. وبكدا هيبقي عندك حد ادني متنزلش عنه في رمضان مهما كان (اللي هو هدفك بعد رمضان) وزيادتك في الطاعة عشان الحد الادني دا يبقي الطبيعي بتاعك ان شاء الله ..


والذنب الكبير اللي معطل حياتك وتاعبك .... هينتهي تماما لانك هتجاهد عدو واحد وربنا كفاك العدو التاني وهو الشيطان ..

=== طب احط اكتر من هدف؟
كل ما الهدف يبقي واضح احسن .. واحنا اتفقنا هدفين .. ذنب ينتهي .. وطاعة تثبت ..
بس لو هتزيد يبقي متزدش عن 5 باي حال م الاحوال

وخليها واضحة وجليه ومحدده بارقام كمان .. .وعلقها علي حيطة اوضتك .. اوعمل مثلا جدول متابعة يومي وكدا ...

==============================
مثال عملي

لو انا مثلا مبصليش .. وكداب ...

يبقي هدفي التزم بالصلاة للابد ان شاء الله .. وابطل كدب تماما

بلاش بقي تتعنتر وتتوقع من نفسك بعد رمضان هتصلي الفجر حاضر وتقيم الليل ... الخ ... ولما تلاقي نفسك قليت .. الشيطان يشتغلك ويرجعك للاسوء ..

خير الاعمال ادومها وان قل ...

المهم تعلي درجة عن نفسك قبل رمضان وتبقي دي مقياسك للي بعده .. وان شاء الله هيبقي الجاي اسهل عليك ...


الخلاصة .....

التخلية ... فالتحلية ... فالتجلية ..

تخليه قلبك من الذنوب .. = افراغ كوبك
تحليه قلبك بالطاعات = املاء كوبك بماء انقي
تجليه .. النوافل والتقرب = ضيف مية الورد


وكل سنة وانتوا طيبين وبخير ... والله اكرم

---------------------------------------------------
ولو الكلام جابلك اي فكرة او فادك . دعواتك .. وانشره عشان حد يدعيلك ..

موضوع جميل وتذكرة تشكر عليها..... ربنا يقدرنا جميعا علي ترك الذنوب والتحلي بالطاعات. ويجعلنا من عتقاء الشهر الكريم

كل عام وانت يخيييييييييييير

شكرا للموضوع الرائع وكل عاموانتم جميعا بخير

جزاك الله خيرا ع التذكره و النصيحه و كل عام و المسلمين اجمعين بخير ...كنت حابه اضيف انك ممكن ف رمضان ده نحاول
نقرأ كتب ف السيره او الحديث او الكتب الدينيه عموماً
و طبعاً اولا و اخيرا لازم نختم القرءان

خير الاعمال ادومها وان قل ...
الكلمتين دول من الاخر و الموضوع جميل ... و كل سنه وانتو طيبين و ينعاد علينا و عليكم بالخير يارب

رمضان كريم عليكم جميعا

رمضان كريم وربنا يتقبل منا ومنكم صالح الاعمال

كلّ عام و انتم جميعاً بخير .. رمضان كريـم :))

جميل الموضوع بارك الله فيك

رمضان كريم عليكم و كل سنة و انتم بخير

كل عام وانتم إلى الله اقرب، ربنا يتقبل منّا ومنكم إن شاء الله :)
جزاك الله خيراً.

تخلية... تحلية ... تجلية ........ز كلام جميل جزاك الله خيرا
كل عام وانتم الي الله اقرب

كل سنه وانت طيب وجزاك الله خير وجعله فى ميزان حسناتك موضوع جميل
وربنا يجعله شهر طاعه وغفران يارب

جميل كل سنه وانتو طيببن وربنا يتقبل

شكرا على النصيحة والتذكرة ربنا يجعلها فى ميزان حسناتك و رمضان كريم

موضوع رائع وشكرا على النصيحة وكل عام وانتم بخير ورمضان كريم علينا كلنا ان شاء الله

كل عام وانتم الي الله اقرب ... رمضانكم مبارك

يارب اطلع بحاجة جديدة فى رمضان ده :)

جزاك الله خيرا و كلّ عام و انتم جميعاً بخير .. رمضان كريـم :)).

جزاك الله خيراً ..
ربنا يهدينا و يعيننا

Ramadan Kareem to everyone! May Allah bring you happiness, prosperity, blessings and wisdom!

جزاك الله خيرًا

جزاك الله خيراً .... وكل عام وجميعكم بخير وفى مقام أعلى عند رب العالمين

تخلية ف تحلية فتجلية

جميلة الجملة دي
موضوع رائع :)

جزاك الله خيرا وكل عام وانتم بخير.

كل سنه وانتم طيبين وشكرا علي النصيحه وان شاء الله رمضان مايضيعش السنه دي زي كل سنه :)

جزاك الله خيرا .. ربنا يتقبل منا و منك
كل سنة وانت طيب وأطهر #رمضان_كريم

جزاك الله خيرا علي التذكرة ، موضوع كويس جدا
و رمضان من غير تخطيط ما ينفعش :)

جزاك الله خيرا
ورمضان كريم :)

كل سنة وانتو طيبين .. بجد موضوع جميل :) جزاك الله خيرا :)

جزاك الله خير

جزاك الله خيرا كثيرا

شكرا وجزاك الله كل خير

رمضان كريم وجزاك الله كل خير
رمضان ان شاء الله بدل ما كنت بختم القران اكتر من مرة أخدت طريقة جديدة من الدكتور طارق السويدان أنه تكتفى بواحدة وتحاول تحفظ قدر معين كل يوم ولو حافظ كله تحاول تشوف التفسير
ونويت أقوى العبادات الروحية عن طريق القراية باختيار الكتب المناسبة فقررت الجانب العاطفى من الاسلام للشيخ الغزالى والداء والدواء لابن الجوزى وعبقرية عمر للعقاد ولو قدرت تهذيب مدارج السالكين لابن القيم

رااااائع جزاك الله خيرا عالموضوع , وكل سنة والامة الاسلامية بخير يارب

كلام جميل و الله، جزاك الله خيراً

جزاكم الله كل خير
انا هنشره على صفحة الفيس

جزاكم الله خير وكل سنة وانتو طيبين

كل سنه وانت طيببن وبخير وجزاكم الله عنا كل خير

ما شاء الله موضوع جميل ، ربنا يجعله في ميزان حسنات كاتبه

جزاكم الله كل خير ... وكل سنه وانتم طيبين

موضود مفيد فعلا ربنا جزاك الله كل خير ....وكل عام وانتم بخير

كل رمضان و انت بخير ...

الله اكرم
ربنا يتقبل منا جميعا ان شاء الله

Labik wrote: "جزاكم الله كل خير
انا هنشره على صفحة الفيس"


لو هتنشريه ع الفيس يفضل تنشريه من صفحة النوت دي

https://www.facebook.com/notes/ahmed-...

وليكي جزيل الشكر

جزاك الله خيرا وكل عام وانتم الي الله اقرب :)

جزاك الله كل خيرات ورحمات السمآآآ بلا إنقطاع بجد الموضوع في غاية الروعة جعله الله في ميزان حسناتكـ :)

جميل جدا وبتفق مع حضرتك انا افتكر من زمان كنت بقرا القران بس مش ديما جت في مره في رمضان قلت هختمه ومش هبطل اقرا يوميا وعلشان تبقي عاده ومقطعهاش قررت اقرا مرتين مره الفجر وفيها ربعين ومره بعد العشا وبردوربعين يعني هختمه مره كل شهرين اه انا اقدر اكتر من كدا بكتير بس علشان ميجيش مره واقطعها وتبقي دائمه

جزاك الله خبرا و كل عام و انت بخير