Egyptians Good Readers discussion

أولاً ... شكرا خاص لاستاذ محمود السيد صاحب فكرة المسابقة .. والمشرف عليها
http://www.goodreads.com/topic/show/1...

ثانياً ... نتمنى ان شاء الله الفكرة تنجح ونقدر ننفذها بشكل دوري وليكن 3 شهور مبدئيا .. واكيد المرة الاولى مش هتكون مثالية تماما بس هنحاول نبذل كل جهدنا ان شاء الله ... وتكون فرصة كل اعضاء الجروب ياخدوا فرصتهم ويعرضوا موهبتهم ..

ثالثا.. اي كان مين هيفوزوا في المسابقة .. فكلنا هنستفيد لاننا للمرة الاولى في الجروب هنقرأ لبعض .. واصدقاءنا في الجروب تقرالنا ..

رابعا .. اللي حابب يساعد باي شئ يساهم في نجاح الفكرة اكتر ميبخلش علينا بافكاره واقتراحاته واللي ان شاء الله تؤخذ بعين الاعتبار ..

خامساً ..
ايه الجوايز .؟ جايزتك بجد ان الاعضاء حيوك واستمتعوا بكتابتك
وان شاء الله هيبقي فيه جايزة معنوية تانية هتبقى .. شهادة تقدير من الجروب للفايزين في المجالات الادبية ... سوفت كوبي ... وهتتنشر هنا .. وان شاء الله للي حابب هيدينا عنوانه ونبعتها بالبريد مطبوعه .. :)



# شروط المسابقة
===============
1-المشاركة بنص واحد فقط لكل عضو

2-لا يزيد العمل عن 400 كلمة للمقال .. و500 كلمة للقصة القصيرة .. و 30 بيت للشعر العامي و 25 الفصحى والخواطر كحد اقصى

يرسل الملف مكتوبا ببرنامج الوورد .. ومرفق معه صورة واحده على الاقل بجودة جيدة تعبر عن مضمون النص.. ويرسل في المرفقات لا تكتب النصوص في الايميل نفسه

3-الالتزام بقواعد الكتابة من حيث القواعد الاملائية والالتزام بأسس كتابة كل نص حسب نوعه

4-يتم تقييم الاعمال مبدئيا تمهيداً للنشر علي اساس الالتزام بالشروط السابقة ومن حيث الالتزام بأسس النص الادبي وحسن الصياغة وجودة العمل

5-اي عمل لا يتوافر فيه اي شرط من الشروط السابقة يتم استبعاده ولن ينشر في البلوج المخصص للمسابقة

6- يتم ارسال الاعمال في موعد لا يتجاوز ( هنا التاريخ) ... للايميل الاتي
EgyptiansGR@live.com

7- سيبدأ نشر الاعمال علي البلوج ونشر العنوان لبدأ المطالعة والتقييم بعد انتهاء فترة استقبال الاعمال وتستمر فترة التقييم من الاعضاء للاعمال لمدة 5 ايام متواصلة .. بعدها سيتم الاستقرار علي افضل النصوص حسب التقييمات وعرضها للتصويت النهائي لمدة 3 ايام واعلان النتيجة قبل نهاية شهر رمضان ان شاء الله ......

8- تحدد مجالات التسابق في المجالات الادبية المختلفة حسب كم الاعمال المرسل .. بحيث لن يبدأ سباق في الشعر مثلا لو كان عدد القصائد اقل من 5 قصائد .. وهكذا .. وتتم التصفية حسب تقييمكم بحيث يكون التصويت النهائي بين افضل 3 اعمال في كل مجال ادبي.

وبالتالي ... سيكون هناك تصويت منفصل وفائز في كل مجال ادبي

9-تقييم الاعمال يكون بواسطة الاعضاء مباشرة من خلال البلوج ... وفي حين بدأ النشر والاطلاع والتقييم سنحدد الطريقة بالتفصيل ..

## هاااااااااااااااااام
10- سيتم مراجعة الاعمال للتأكد من عدم سرقتها .. وفي حاله الاقتباس او السرقة .. سيتم استبعاد المشارك فورا واعلامه بذلك ... ومخاطبة ادارة الجروب لاستبعاده نهائيا من الجروب بعد نشر خبر عن النص وصاحبه

11-يبدأ تلقي الاعمال من الاربعاء 17/7 واخر موعد السبت 20/7

====================================
في انتظار اعمالكم .. واي استفسار ... وتنوية عن جروبنا علي الفيس لسرعة التواصل ..
https://www.facebook.com/groups/Egypt...
والايميل
EgyptiansGR@live.com

معلش استفسار ايه الصورة الي بتتبعت مع المقال دي ؟ صورة للمقال بخط الايد يعني ؟

Hagar wrote: "معلش استفسار ايه الصورة الي بتتبعت مع المقال دي ؟ صورة للمقال بخط الايد يعني ؟"


لا يا هاجر .. المطلوب صورة تعبر عن مضمون النص .. لاننا هننشر الاعمال في بلوج وبالتالي انتي هتبعتيلنا صورة ننشرهالك معاه ايا كانت ..

دوري في جوجل بقا ونقي صورة كويسة .. او اي موقع تاني

+
+
فيه ناس فهمت ان المطلوب صورة شخصية وبعتتها .. فبرضو بقول ان دا اختياري للي عايز يبعت صورته ونبذة عنه يتنشروا مع النص .. لكن مش هو المطلوب في الشروط

تمام

انا شايفة ان 500 كلمة بالنسبة للقصة قليل جدا الا لو كنتم عايزين قصص قصيرة جدا

Yasmine wrote: "انا شايفة ان 500 كلمة بالنسبة للقصة قليل جدا الا لو كنتم عايزين قصص قصيرة جدا"

القصة والمقال والشعر .. كلها قصيرة يا ياسمين . ودا مقصود .. عشان دا فيه تحدي اولا .. والايجاز اصعب .. والاهم ان القارئ اللي هيقيم الاعمال المنشورة مطلوب منه يقرأ كل الاعمال .. والا هيقيم عمل او اتنين مثلا ويكسل عن الباقي ويتظلموا ..

يا جدعان مش مشكلة كام كلمة المشكلة ان إحنا كل شوية ح نقعد نعد فى الكلمات :/

C'est wrote: "يا جدعان مش مشكلة كام كلمة المشكلة ان إحنا كل شوية ح نقعد نعد فى الكلمات :/"

بالتقدير كده شوف السطر فيه كام كلمة واحسبها
او ممكن تعد الكلمات ببرنامج الوورد

Mãhmøüd wrote: "C'est wrote: "يا جدعان مش مشكلة كام كلمة المشكلة ان إحنا كل شوية ح نقعد نعد فى الكلمات :/"

بالتقدير كده شوف السطر فيه كام كلمة واحسبها
او ممكن تعد الكلمات ببرنامج الوورد"

C'est wrote: "يا جدعان مش مشكلة كام كلمة المشكلة ان إحنا كل شوية ح نقعد نعد فى الكلمات :/"


من غير ما تعد . ومن غير تقدير السطور ..


في برنامج الوورد ... شريط المعلومات اللي من تحت بيكون مكتوب عليه عدد الكلمات .. ولو عملت سيليكت بالماوس علي جمل معين يقولك دول كام كلمة من العدد الكلي

تم الاشتراك :)

البلوج اللى هتتنشر من خلاله الأعمال.. فييييييين؟؟

طيب هل يُمكن مد الوقت المتاح قبل آخر ميعاد للتسليم؟

هو الهدف من صغر حجم الأعمال يعتبر هدف جيد.. لكن تحقيقه صعب شوية.. أنا لقيت أصغر قصة قصيرة عندى حوالى ١٥٠٠ كلمة وأصغر مقالة حوالى ٧٠٠ كلمة لكن الشعر مفيهوش مشكلة.. هحاول اعمل شوية تعديلات من غير ما اعمل خلل.. أو هكتب حاجات جديدة بسرعة وامرى لله

بس على فكرة القصة القصيرة خاصةً علشان تكون اقل من ٥٠٠ كلمة وف نفس الوقت تكون على مستوى ادبى يستحق المنافسة.. دى حاجة مش سهلة خالص

Samir wrote: "البلوج اللى هتتنشر من خلاله الأعمال.. فييييييين؟؟"

هننشر لينك البلوج بعد ما نستلم كل الاعمال وننشرها ان شاء الله .. خلال يومين بعد نهاية فترة الاستلام

روان wrote: "طيب هل يُمكن مد الوقت المتاح قبل آخر ميعاد للتسليم؟"

مقدرش اوعدك بدا دلوقتي .. بس لو اضطرينا ان شاء الله ممكن يتمد ... بس شدي حيلك وان شاء الله تبعتي قبل يوم السبت

Samir wrote: "بس على فكرة القصة القصيرة خاصةً علشان تكون اقل من ٥٠٠ كلمة وف نفس الوقت تكون على مستوى ادبى يستحق المنافسة.. دى حاجة مش سهلة خالص"

Samir wrote: "هو الهدف من صغر حجم الأعمال يعتبر هدف جيد.. لكن تحقيقه صعب شوية.. أنا لقيت أصغر قصة قصيرة عندى حوالى ١٥٠٠ كلمة وأصغر مقالة حوالى ٧٠٠ كلمة لكن الشعر مفيهوش مشكلة.. هحاول اعمل شوية تعديلات من غير ما ..."

كلامك صحيح .. واكيد فيها تحدي وصعبة بس مش مستحيلة ابدا .. غير انوالقصص اللي وصلتنا لحد دلوقتي ملتزمه بالعدد ... وان شاء الله تقدر تشيل اي زيادات متخلش بالمعني .

هو الرد على الايميل هيتبعت لكل الناس ولا اللى خالف الشروط بس
ياريت يتبعت لكل الناس عشان نتأكد ان الايميل وصل

Nermeen wrote: "هو الرد على الايميل هيتبعت لكل الناس ولا اللى خالف الشروط بس
ياريت يتبعت لكل الناس عشان نتأكد ان الايميل وصل"

لكل الناس ... :)

للأسف مش هقدر اشترك معاكم ف القصة القصيرة علشان شرط صغر الحجم.. بس ان شاء الله هشترك فى المقال والشعر العامى وشعر الفصحى.. عايز بس اعرف ابعتهم كلهم ف رسالة واحدة ولا كل حاجة لوحدها

Samir wrote: "للأسف مش هقدر اشترك معاكم ف القصة القصيرة علشان شرط صغر الحجم.. بس ان شاء الله هشترك فى المقال والشعر العامى وشعر الفصحى.. عايز بس اعرف ابعتهم كلهم ف رسالة واحدة ولا كل حاجة لوحدها"

في انتظار مشاركتك

حسب شروط المسابقة .. تقدر تشترك بعمل واحد بس .. فاختر حاجه منهم وابعتهالنا .. والشروط موجوده فوق ..

متنساش .. بياناتك .. وصورة تعبر عن النص تعبتهالنا ننشرها معاه ..

# المسابقة ...
اغلب النصوص اللي جتلنا قصص قصيرة ... ومقال واحد بس ... و 3 قصيدة وخاطرة ..
بالتالي ممكن المشاركة تقتصر ع القصة وبس ... لو مجاش مشاركات تانية في المقالات او الاشعار ..
المفروض بكره اخر يوم في مهلة الاشتراك .. ياريت تقولنا لو لسه هتشارك بشعر او مقالات او خواطر .. او لسه مجهزتش العمل بتاعك

https://www.facebook.com/groups/Egypt...

Ahmed wrote: "# المسابقة ...
اغلب النصوص اللي جتلنا قصص قصيرة ... ومقال واحد بس ... و 3 قصيدة وخاطرة ..
بالتالي ممكن المشاركة تقتصر ع القصة وبس ... لو مجاش مشاركات تانية في المقالات او الاشعار ..
المفروض بكره اخ..."

لو لسة محتاجين مشاركات فى مجالات تانية.. يا ريت نستغنى عن شرط المشاركة بنص واحد.. واعتقد انك هتلاقى اللى يشارك فى مجالات مختلفة.. غالباً اللى بيكتب بيكتب ف مجالات مختلفة

ممكن نخليه.. المشاركة بنص واحد داخل كل مجال

Samir wrote: "ممكن نخليه.. المشاركة بنص واحد داخل كل مجال"

اقتراح مهم .. بس وصل اعمال جديدة كتير في اللي ناقص .. والنهاردة اخر يوم في المسابقة .. احتمال بس تتمد يوم تاني لطلب الاعضاء ..

وشكرا لاقتراحك .. يارب الناس تلحق تقرأ كل الاعمال المنشورة :)

انا ارسلت قصة قصيرة .. هل في مجال اني ارسل خاطرة

Kariman wrote: "انا ارسلت قصة قصيرة .. هل في مجال اني ارسل خاطرة"

ان شاء الله المسابقة الجاية تشتركي بيها ... المرة دي بنقبل عمل واحد بس من كل مشترك ..

ف انتظار المشاركات..

انت تقصد بالصورة غلاف للقصة
Cover
ام ماذا

Michael wrote: "انت تقصد بالصورة غلاف للقصة
Cover
ام ماذا"

المشاركات هتتنشر في بلوج .. فالمطلوب صورة تعبر عنه تتنشر معاه ...

أنا كنت كاتبة شعر هل فى مجال الآن؟ أم أنتظر المسابقة القادمة؟

هام جداً جداً جداً.

أولأ أشكر القائمين على الفكرة الرائعة وأود أن أضيف اقتراحا قد ينال إعجاب الجميع.
بحكم طبيعة عملي في شركة قرطبة www.qordoba.com
تمت الموافقة على منح العمل الفائز أو المميز إمكانية نشره على مكتبه قرطبة على شكل كتاب إلكتروني تتحمل قرطبة نفقات كل العملية من تصميم الغلاف إلى تنظيم العقود القانونية وحماية الحقوق الفكرية ونشره للبيع او بشكل مجاني حسب رغبة الكاتب .
سيحصل الفائز عندها على موطء قدم في عالم الكتابة علّنا في قرطب نساهم بجهدنا المتواضع في نشر أعمال الكتاب الشباب وتسهيل دخولهم لعالم النشر إبتدءا من النشر الإلكتروني وصولاً للنشر الورقي .
إذا تمت الموافقة على الفكرة
الرجاء المراسلة على البريد التالي hasan@qordoba.com
للإطلاع على مزيد من التفاصيل أو التساؤولات.

كل الإحترام.
حسن الحلواني.

Hasan wrote: "هام جداً جداً جداً.

أولأ أشكر القائمين على الفكرة الرائعة وأود أن أضيف اقتراحا قد ينال إعجاب الجميع.
بحكم طبيعة عملي في شركة قرطبة www.qordoba.com
تمت الموافقة على منح العمل الفائز أو المميز إمكان..."

جاري التواصل مع حضرتك .. ولكم جزيل الشكر

Somaya wrote: "أنا كنت كاتبة شعر هل فى مجال الآن؟ أم أنتظر المسابقة القادمة؟"

المسابقة الجاية ان شاء الله يا سمية .. تابعي الاعمال بقا لما تتنشر ان شاء الله ... عشان تقدمي احسن منها

انا مش فاهمة حاجة هنقيّم ازاي ؟

Hadeel wrote: "انا مش فاهمة حاجة هنقيّم ازاي ؟"

تقييمك يا هديل لكل عمل في الموقع نفسه


# التقييم :-
هيبقي 3 خطوات ...
1- تقييم .. ودا لكل عمل في صفحته في الموقع من خلال الكومنتات ... اكتب براحتك رأيك وتقييمك ونصايحك وارغي ..

2- الفلترة ...
هتحدد احسن الاعمال اللي عجبتك .. وهنفتح موضوع في الجود ريدز لاستقبال رأيك في احسن الاعمال

3- التصويت ..
للاعمال اللي هتاخد اكتر ترشيحات منكم ...

والطريقة دي ضمانا لان الاصوات الفعلية كلها تبقي لاعضاء الجود ريدز ..


التصويت النهائي هيكون بين...
افضل5 قصص ..
افضل 3 قصائد ..
افضل 3 مقالات ..
افضل 3 خواطر..

مافيش مسابقة تانية ؟!

Mohamed wrote: "مافيش مسابقة تانية ؟!"

قريب ان شاء الله

بالنسبة للشعر الفصحى هى قصائد صغيرة من10 إلى 16 بيت تنفع ولا لأ