Egyptians Good Readers discussion

النتيجة النهائية للمسابقة الأدبية الأولى :-
=-=-=-=-=-=-=-=-=-=-=-=-=-=-=-=-=
سبق ووضحت ان للاسف حصل مخالفات من ناس كتير ومنهم بعض المشاركين في المسابقة .. وكون التصويت كان بالطريقة دي فدا للتسهيل عليكم عشان في الجود ريدز هنضطر نعمل كل تصويت منفصل .. وكمان ثقة في الاعضاء .. ولاننا في كل الاحوال (محدش بيستغفلنا) ولو حصل فهنكتشفه بكل سهولة ..

---- بما ان دي اول مسابقة فوارد الاخطاء ... ومش غرضي تشوية حد وعشان كدا مش هذكر اسامي .. وكل سنة وانتوا طيبين ... رمضان كريم ..

وملف التصويت بالكامل بعد الفرز موجود وموضح فيه التكرارات والمخالفات... للي حابب يطلع عليه .... كنت هحط لينك التحميل للكل .. بس من لنفس السبب اللي خلاني مقولش اسماء فالملف متاح بس للي حابب يراجع او يتأكد ويشوف بنفسه .. ابعتهولوا في رسالة ..

=================
- عدد الاصوات .. 219
- الاصوات الصحيحة ..... 69 فقط
- واحد من المشاركين .. عامل 21 تصويت ..... ربنا يزيد ويبارك
وواحد تاني عامل 11 تصويت .. وغيرهم كتير صوت مرتين واكتر ..
- بعض المشاركين كررووا التصويت برضو .. واقلهم اتنين او تلاته .. ومنهم اللي مشاركش بالكلية او التزم بالتصويت ..
- فيه اصوات باطلة ... زي مثلا اللي كاتبين لينك غلط او بيتعمدوا ميحطوش لينك .... وزي اللي كرروا التصويت اكتر من مرتين.. فبيتلغي تصويتهم كامل.

** الفائزين . منهم اتنين ... الاول كرر التصويت 5 مرات ... والتانية 3 مرات (بتصويتات مختلفة) ...
= اللي تم ان تصويتاتهم المكررة اتلغت كلها ومتحسبتش ...

وليكم الرأي النهائي لو شايفين لو دا مش كافي ...

=================
النتيجة بالتفصيل
------------------
* القصة القصيرة ...
المركز الاول : أتركو لي خيالي 35 صوت
المركز الثاني : أربعة أربعة اتنين 22 صوت
المركز الثالث : فاصوليا 12 صوت

* الشعر .....
المركز الاول : مع إنه شاطر ف الحساب !! 32 صوت
المركز الثاني : ذكريات .. 21 صوت
المركز الثالث : قطر الحياة .. 16 صوت

* الخاطرة ......
المركز الاول : السر الدفين.. 35 صوت
المركز الثاني : بضع ساعات.. 19 صوت
المركز الثالث : أمسيات رمادية.. 15 صوت

* المقالة ........
المركز الاول : ضعفاء 32 صوت
المركز الثاني : يوتوبيا او شئ من هذا القبيل 21 صوت
المركز الثالث : اليأس ليس دائما خيانة 16 صوت

===========================================
انتهت المسابقة .. وان شاء الله المرة الجاية نطورها اكتر ومنكررش الاخطاء وننفذ اقتراحاتكم اللي فاتت او اي اقتراحات تانية ...

والرجاء من الفائزين التواصل بالداتا الكاملة ليهم ... ولو حابين يعملوا تصحيح ومراجعة لنصوصهم تمهيدا لمحاولة نشرها ... ورغبتهم من عدمه في استلام شهادات تقدير ترسل ليهم علي البيوت بالبريد او سوفت كوبي ....... الخ

== ولو حد حابب يقدم مجهود يشكر عليه بتصميم مجلة للمسابقة بالاعمال ال 12 الفائزة علي مستوي جيد مع فريق او وحده بشرط جودة العمل .... يتواصل معانا ..


ولكل من شارك باعمال او متابعة او تقييم جزيل الشكر ..

Nermeen Elshamy اولا 1000 كمبروك لكل الناس اللى فازت وكلهم يستحقوا والله
ثانيا انا من الناس اللى صوتت مرتين ☺ بس بامانه غير مقصوده لانى فى المر الاولى مش اخدت بالى من موضوع انكم طالبين الاسم واكونت الجود ريدز وصوتت من غير ما اكتبهم وفى المرة التانية شفت الخانات فصوتت تانى عشان اكتبهم :)
ثالثا انا سعيده جدا بالمركز التانى فى اول تجربة ليا فى القصة القصيرة انا عمرى ماكتبت الا مقالات :)
انا اصلا من اول ماشوفت نفسى فى الثلاثة الاوائل ماكنتش مصدقة وقلت خلاص انا كده محدش قدى حتى لو اخدت المركز التالت فى التصويت ههههههه
وانا سعيده جدا ان فيه 22 بنى ادم صوتوا لقصتى غير التصويتات الباطلة وانا والله ماقلتش لاى حد من اصحابى على تصويت المرحلة النهائية ولا المرحلة التانية عشان اعرف تقييم الناس الصحيح ليا
وانا بشكر كل الناس اللى صوتت لى فعلا
رغيت كتير انا عارفة بس كانت مسابقة جميلة وانا استمتعت بيها جدا وبالتوفيق فى المسابقات القادمه

ألف مبرووك لكل الفايزين :) و أحب أقول إن المسابقة كشفت عن مواهب أدبية كتير ممكن في يوم من الأيام نلاقي حد فيهم كاتب أو شاعر مشهور
و أنا كمان زي نرمين سعيدة جداً بالمركز التاني في المقال و مكنتش متخيلة اني أوصله لإن كل علاقتي بالكتابة هي حبة خواطر فكرية بكتبها على فترات متباعدة للفضفضة و مكنتش حاطة في بالي الفوز لدرجة اني مقلتش لحد خالص عن اشتراكي في المسابقة و ما صوتطش حتى عشان التزم الحياد ... و شكرا لكل العاملين على المسابقة و في انتظار مسابقات تانية بمواهب جديدة

ألف مبروك يا جماعة لكل اللي فاز ^_^ ومعلش ماكنتش موجودة عشان أصوت معاكم ربنا يوفقكم ويحقق كل واحد فيكم حلمه اللي يتمناه يارب

مبروك لكل الفائزين.. ..أعتقد ان الثلاثة اللى وصلو للتصفيات فائزين بردو..وان شاء الله مستوى كل الناس يتحسن فى المرات القادمة
ونتمنى ان طريقة التقييم والتصويت تكون أفضل فى المرات القادمة
وبالنسبة للمخالفات ..فدا شىء كان متوقع حدوثه
حتى وان كنت أنا شاركت فى المخالفات دى لأأسباب تم ذكرها على صفحة المسابقة على فيس بوك
شكرا للمشاركين وللقائمين على المسابقة..وبالتوفيق للجميع ان شاء الله :)

هو ازاي ضعفاء واخد المركز الاول والثالث في نفس الوقت

Yasmine wrote: "هو ازاي ضعفاء واخد المركز الاول والثالث في نفس الوقت"

المركز التالت ... اليأس ليس دائما خيانة ..
معلش سهو اثناء كتابة النتيجة ... وجل من لا يسهو

Ahmed wrote: "Yasmine wrote: "هو ازاي ضعفاء واخد المركز الاول والثالث في نفس الوقت"

المركز التالت ... اليأس ليس دائما خيانة ..
معلش سهو اثناء كتابة النتيجة ... وجل من لا يسهو"
اصل مقالي هو اللي واخد المركز التالت فافتكرت انه اتشال من المسابقة
بس كويس انك صححت النتيجة متشكرة

1000 مبرووووووووك لجميع الفائزين

وبجد التجربة دي كانت حلوه جدا للجميع ويارب تتكرر ان شاء الله
وتكون بداية ابداع لينا كلنا

واحب اشكر استاذ احمد وكل حد تعب عشان المسابقة دي تتعمل وتتم بنجاح حتي لو فيه بعض الاخطاء


جزاكم الله خيرا ونفع بكم يارب

أ. أحمد.. أتحفتنا بمجهودك الرائع ومازات تتحفنا
شكراً لكل الناس اللى شاركت فى التصويت.. وخصوصاً طبعاً اللى صوتوا ل "ضعفاء"
ونتمنى المشاركة الجماعية فى تحديد شروط المسابقة فى المرة القادمة

الف مبرووك لكل الناس الي فازت و سعيده جدا ان الخاطره بتاعتي خدت المركز التالت بجد شكرا جدا لكل الي صوتتلي
و المسابقه فكرتها حلوه جدا انشاء الله تفضل مستمره