Ketabona- كتابنا discussion

السلام عليكم

صحيح أن دور الكتاب في حياتنا تراجع بشكل كبير أمام زخم العالم الرقمي والإعلام المرئي

إلا أنه لازال يحتفظ حتى اللحظة بدوره كأحد المصادر الأساسية للمعارف الإنسانية

لذا لنتشارك عبر هذا الموضوع أسماء الكتب الأكثر أهمية من خلال تجربة كل واحد فينا عن الكتاب الذي أثر في حياته، ولنجعل السؤال

لو قدر لك الذهاب إلى جزيرة منعزلة بعيداً عن أي مظهر من مظاهر الحضارة، وكان عليك أن تأخذ كتاباً واحداً فقط معك فما هو هذا الكتاب؟

ولنجعل النقاش منظماً ومفيداً أرجو أن تكون الإجابة بكتاب واحد فقط

ما اسم الكتاب؟؟
ما الفائدة التي استفدتها منه، أو التغيير الذي أحدثه داخلك ؟؟

في انتظار ردودكم

اسرة كتابنا

J.K. Rowling's "Harry Potter" series

سلسلة ما وراء الطبيعة لأحمد خالد توفيق
Robert Greene's "The 48 Laws of Power"
J.K. Rowling's "Harry Potter" series

ما الفائدة من الكتاب يا لمياء ؟ ايه الحاجات اللي اتعلمتيها منه؟

Only everything :D
ما وراء الطبيعة أنقذت العربي بتاعي من الضياع للأبد
و عودتني أدور على معلومات أكثر عن خلفية المواضيع اللي بتعدي عليا

Harry potter
كل مرة أقرأهم بطلع بحاجة جديدة لأن بصفة عامة وصف للمجتمع الإنساني بآفاته و قوته بس بشياكة.

The 48 Laws of Power
مفيد في قراءة الواقع بصورة أوضح. و فهمت منه ازاي الخدع اللي كنت بقع فيها.. .. و بيستخدمها من هم في مناصب سلطة أو قيادة للسيطرة على مجريات الأمور.

كل كتب وله حدوتة فعلا.. بس لو اخترت أكتر حدوتة أثرت مطولا كانت حدوتة كتاب رحاب بسام "أرز باللبن لشخصين" ..
http://www.goodreads.com/book/show/34...
أرز باللبن لشخصين كتاب من مدونة الكاتبة رحاب بسام.. قصص وخواطر منفصلة..
أول حاجة مؤثرة فيه كانت إن كل حاجة فيه حقيقية وده فكرني إن الهدف من الكتابة والفن إنك تشارك الناس كلها حقيقتك وأحلامك زي ما هي..
تاني حاجة كانت قصة "جمال الدنيا وحقيقة الأشياء" .. جمال الدنيا وحقيقة الأشياء هي قصة رحاب مع أول ولد صارحها بمشاعره وهي طفلة.. بعد صراعات صغيرة مضحكة علشان يواجهها وهي تسامحه لأن كان فيها عرق صعيدي برضه، قرألها قصيدة كان كاتبهالها.. وإنتهت بجملة" أنتي جمال الدنيا وحقيقة الأشياء".. وفضلت الجملة دي تزن في دماغي وأنا باحاول أفهم ليه ولد صغير قوي كده حس إن رحاب حقيقة الأشياء؟ جمال الدنيا وحقيقة الأشياء؟
وخطر لي إنه يكون جاله إحساس إنه شايف كل حاجة بطريقة مختلفة، شايف ومدرك كل اللي حواليه وشايف جمال في الحاجات العادية بسبب رحاب ومشاعره دي.. يمكن شامم الورد أكتر، شامم الأكل حتى! شايف النور والألوان أكتر.. سامع كل الكائنات اللي حواليه وحاسس بمزيكا في كل حاجة.. إدراكه بحاجات بكل حواسه أكتر هو ببساطة الأطفال ترجنه إن رحاب قربته من حقيقة الأشياء... فاتأثرت جدا
وقررت أقرأ قرايبي الأطفال بيقولوا الحقيقة إزاي، لأن أكيد نظرتهم لسه نقية

سلسلة كيمياء الصلاة لأحمد خيري العمري
الفائدة ::: أن ننظر إلى صلاتنا من منظار آخر تماما فنعشقها و نعشق حركاتها أكثر من ذي قبل ,, نتعلّم سبب اختيار القرآن لهذه الألفاظ و هذه الحروف دون غيرها
كل ما في السلسلة من أروع ما يكون


كتاب حوار مع صديقي الملحد لمصطفى محمود
الفائدة ::: اللغة الدينية العلمية في دحض أفكار الملحدين و بث أسرار الكون بطريقة قريبة للنفس



و غير هذه الكتب الكثير الكثيييييير

ليس افضل الكتب و لكنه واحد مما أثر فيا : كتاب أعجب الرحلات فى التاريخ للرحالة الراحل أنيس منصور اكثر من مجرد كتاب

كناب واحد ؟؟
صعبة دي ... مفيش أي كتاب مهما كان مش بيأثر في القارئ حتى و لو بنسبة صغيرة ..
بس لو هاخد كتاب واحد بس فأكيد هيكون "القرآن " ...

ممكن اختار "أرز بالبن لشخصين "... هو مش استفادة يعني .. بس بيفكرني بفترة من أحلى فترات حياتي ..
و "حوار مع صديقي الملحد"... اللى قريته عشان هدف معين و هو اقناع صديقة بس فادني أنا أوي برده ..
و "حياة محمد " ... أول كتاب قريته و أنا صغيرة عشان أقنع نفسي اني كبرت و بعرف اقرا حاجات صعبة :)) ذكريات طفولية

مش عارفة ليه انا عمري ما حولت اقرأ سلسلة " ما وراء الطبيعة" و مش عارفة ليه كان فكرتي تجاهها انها مملة ... لما كبرت لاقيت اكتر ناس من اصحابي المثقفين و غاويين قراءة كانوا بيقرأوا السلسلة


Lamiaa wrote: "Only everything :D
ما وراء الطبيعة أنقذت العربي بتاعي من الضياع للأبد
و عودتني أدور على معلومات أكثر عن خلفية المواضيع اللي بتعدي عليا

Harry potter
كل مرة أقرأهم بطلع بحاجة جديدة لأن بصفة عامة وصف..."

الكتاب الذي اثر في حياتي ومازال حتى اليوم هو
The 7 Habits of Highly Effective People

اثر عليكي من ناحية ايه ؟ ايه الحاجات اللي ضافها الكتاب لكي؟

Lobna wrote: "الكتاب الذي اثر في حياتي ومازال حتى اليوم هو
The 7 Habits of Highly Effective People"

من اكثر الكتب اللي اثرت في هو كتاب
The Alchemist
الكتاب ده قرأته في ٢٠٠٤ ، كنت في اخر سنه في المدرسة و كان مشروع السنه اني اخلص القصة و اكتب مقالة نقد او موضوع تلخيص للقصه
في الحقيقة ، الرواية دي رغم انها من الروايات البسيطة و الخفيفة لكن علمتني حاجه مهمة .. الاصرار . و ده كان واضح جدا من اصرار بطل الرواية انه يكتشف العالم الخارجي و يبعد عن مجتمعه و يسعي لمعرفة ما يريده برغم تعرضه للسرقة و النصب فنجده يأخذ طريق اخر ليسلكه من اجل الوصول الي الحلم الذي اراده

بالنسبالى كتب كتييييير يعنى مش هنكر دور سلسة ما وراء ال طبيعة و ملف المستقبل ايام المدرسة في العربى و المعلوملت العامة
برضه who moved my cheese

بس اللى ممكن نقول عليه نقطة تحول 7 habits
و ده حكاية طويلة خلصت انى سبت الشغل واللى اكبر منكدة خدت قرار الجواز:D

افضل روايه قرأتها إلى الآن رواية الدكتور احمد خيري العمري الألواح ودسر
كتاب روعة في الإبداع وتوصيل الأفكار بمنتهى الدقة
لقد صور حياتنا اليوم بقصة سيدنا نوح عليه السلام

اكتر كتاب اثر فيني هو كتاب the secret خلاني اغير طريقة تفكيري بكتير امور

ما الامور التي اضيفت و تغيرت ؟ نحب نعرف

Aldimashqya wrote: "اكتر كتاب اثر فيني هو كتاب the secret خلاني اغير طريقة تفكيري بكتير امور"

فكرة الكتاب جديدة و شكلها شيق ... تنصح بقراءته للشهر القادم ؟ و هل هو من الكتب المتوافرة في الاسواق ام لا ؟

Mohammad wrote: "افضل روايه قرأتها إلى الآن رواية الدكتور احمد خيري العمري الألواح ودسر
كتاب روعة في الإبداع وتوصيل الأفكار بمنتهى الدقة
لقد صور حياتنا اليوم بقصة سيدنا نوح عليه السلام"

اخر حاجة قريتها رواية رجم ثريا فادتني لانها عرفتني اهمية الدولة المدنية وعيوب تيار الاسلام السياسي ..وان شخص يحكم ع الناس بالدين ...عرفت جزء من تاريخ ايران...ان لازم الانسان يواجه الظلم حتي لو هيبقي لوحده مش يستسلم للواقع..انا شايفة ان خالة ثريا كانت تقدر تحميها اكتر من كدا كان ممكن مثلا تهربها بس هي استسلمت لسلطة ذكورية دينية ظالمة

كتب أبراهيم الفقى - اظنها لها الأثر البالغ فى تكوين شخصيتى وطريقة تفكيرى وبحثى عن كل ما يتناول العقل البشرى تحليلاً كمً وكيفاً - بالأضافة إلى كثير من الكتب التى تيحث فى ذات المجال أى أستيع القول غن الكتب التنموية كان لها دور بالغ الأهمية - بالأضافة إلى كتب الرائع محمد حسنين هيكل فيما يختص بعالم التحليل السياسى - وتوقفت لفترة عن القراءة أظنها كنت اسوأ مرحلة - ولكن قررت العودة من جديد
فالقراءة عموماً عن ثراء الروح ..

Hend wrote: "اثر عليكي من ناحية ايه ؟ ايه الحاجات اللي ضافها الكتاب لكي؟

Lobna wrote: "الكتاب الذي اثر في حياتي ومازال حتى اليوم هو
The 7 Habits of Highly Effective People""


The Seven Habits Quick Sheet
Private victory, the path to independence
Habit 1: Be proactive
Habit 2: Begin with the end in mind
Habit 3: Put first things first

Public victory, the path to interdependence
Habit 4: Think win-win
Habit 5: Seek first to understand, then to be understood
Habit 6: Synergize

The Seventh Habit - Renewal
Habit 7: Sharpen the saw

تقدري تقولي بسبب ان أهلي ربوني تربية متفتحة بمعنى أنهم علموني اني لازم افكر وان يكون لي راي، واني اكون شخصية مستقلة لا تابعة،فلما قريت الكتاب، كان تاثير الجزء الاول فيه تنظيمي لافكاري واللي اتعلمته من اهلي.
بس اهم حاجة اتعلمتها من الجزء ده أهمية اني اعرف أغير أولوياتي حسب الظروف

اما الجزء الثاني فهو فعلا كان سبب التغيير الشديد في حياتي، اتعلمت ان مش لازم علشان اكسب غيري يخسر، ممكن احنا الاثنين نكسب. ولاني كنت إنسانة حادة ومن برج الأسد، فكان اي حاجة عندي هي تحدي لي.
وبدأت رحلة التغيير بمساعدة العادة رقم ٤، وأيضاً وقتها قريت عن الكبر، وشخصت حالتي وتصرفاتي ان فيها كبر، طبعا اتخضيت، واصريت على التغيير، مش حاقول لك انه كان سهل، لا كان صعب، بس الحمد لله نجحت الى حد كبير

ولما كنت اعمل في شركة اوراكل كان لازم نختار برامج تدريبية نحضرها، فاخترت اني احضر 7 habits، وحضرته عند وكيل التدريب لهم في مصر، وكنت فاكرة ان أقصى استفادة لي حتكون اني اعرف بيدرسوا الحاجات دي ازاي

وكانت المفاجأة الكبرى في العادة رقم ٥، من الأمثلة والفيديوهات والاختبارات اللي بيقدموها، اكتشفت اني مش باعرف اسمع الناس، ودائما باكون عايزة الناس تفهمني الاول، وهنا بدا التغيير الجوهري في حياتي اتعلمت اني افهم الناس الاول، وفعلا حياتي اتقلبت رأسا على عقب، وعلاقاتي مع الناس تحسنت كثيرا، وبدأت انعم بالسلام الداخلي، لأني بقيت قبل لما احكم على شخص أحاول افهم هو عمل كده ليه

طولت عليكم، بس الكتاب ده من اكثر الكتب التي أثرت في وغيرتني تماماً، ممكن نقول لبنى ما قبل ال 7 habits ولبنى ما بعده

كتاب كمان أثر فيا جداً كان نقطة النور لبهاء طاهر
http://www.goodreads.com/book/show/28...
-
كان الكتاب ماسك الأبطال من حاجات مختلفة في حياتهم.. علاقة الأب بإبنه، علاقة الإنسان بربه، علاقة الإنسان بنفسه، علاقة اتنين بيحبوا بعض، علاقة واحد ومراته\طليقته..
ماسك العلاقات دي مبيغيرش فيها حاجة وكل واحد فيهم بيمر بمشاكل كبيرة ، على قد حجمها ما هو صغير بس بتعمل فجوة كبيرة بين الواحد ونفسه وسلامه الداخلي.. وده دايماً يهز علاقة الواحد بربه في حالة إنه يبقى مش مستوعب إنه إنسان وإن جزء من إنه يتعلم إنه يسامح نفسه
-
التيتة بقى :D
الكتاب أثر فيا أولا لأن حصلتلي تجربة خليتني أفهم اللي بهاء طاهر عايز يقوله.. إن العلاقة بين العبد وربه علاقة حب في الأساس وإن الواحد أما بيتعلم يحب حاجة أو ناس بصدق، بيلاقي طريق واضح لربنا.. وإن الناس اللي معرفتش تنقي مشاعرها تجاه اللي حواليها كان عندها دايما مشكلة ازدواجية ورغبة في النطواء حتى عن النفس والتهرب من أفكاره الداخلية، وده بيخلي الواحد يبني أسوار بينه وبين نفسه وربنا ، يمكن يأس م التوبة، يمكن يأس من النقاء، يمكن مش عارف يفكر إزاي فخايف يفكر
المهم إنه بيبعد عن نقاء المشاعر وصدقها وبالتالي مبيقدرش يستوعب علاقته بربنا غير عبد ومعبود و تعاليم دين مش عارف يلتزم بيها.. بالتالي هو دايما دايما وحش ومقصر
-
وعلشان منخطئش الرسالة، بهاء طاهر خلى الشيخ توفيق هو اللي تايه ومش لاقي النور، وسالم لاقيه ومستريح بيه رغم بساطته ورغم كل اللي جراله..
وخلى شيخ الكبير اللي كانوا بيتباركوا بيه يبقى عينه على سالم وأحواله.. يبقى عارف إن هو ده اللي حيوريهم كلهم النور
بحيث لا يمكن نخطئ الرسالة
-
حاجة تانية استفدتها بس من مناقشة الكتاب وليس منه بشكل مباشر، هو إن مهما عملت علشان توصل رسالة لحد مش مستعد ليها، حتبقى بتدن في مالطا..
-
الناس اللي لسه شايفة العلاقة بين الرب والعبد تعاليم دين فقط لسه قدامها شوية استكشاف، مش شرط رواية تنورلهم سكة جديدة ولا شرط حتى شرحك ومناقشتك يلهمهم.. اللي مستعد للفكرة هو اللي بيشوف أركانها بالنقاش، اللي لسه مش مستعد، حتزوره الفكرة تاني بعد سنين ويبصلها بمنظور مختلف وقتها، في أوانها

طيب و انتو بتتكلموا كدة .. فكرتوني باكتر حاجة قريتها و اثرت في حياتي .. كانت مجموعة قصصية قريتها و انا عندي 8 او 9 سنين كدة ..
كان فيهم قصة اسمها "عندما يبيض الفيل" ... القصة كانت بتعكس تفكير الدول العربية و دول العالم الثالث ... كانت عبارة عن مجموعة من الناس بتتكلم ايه اللى كان هيحصل لو الفيل بيبيض مش بيولد .. و جدال كتير على حجم البيضة و لونها و هكذا ... لحد اما عرفوا ان دول العالم المتقدم صنعوا قنابل نووية و بعدها استغربوا جدا و فضلوا يكملوا جدال حول بيضة الفيل ...
دي اكتر حاجة اثرت في تفكيري من و انا صغيرة و خليتني اتجه للعلم بشغف رهيب ...
بس نفسي مصر كلها تقرا القصة يمكن نتغير كلنا :))

حلوة!

Nehal wrote: "حلوة!"

كان نفسي أحطها تقروها بس للأسف حتى مش فاكرة مين كان الكاتب :) ماكنتش الحاجات دي في اهتماماتي وقتها:))

طب ما تيجوا نبحث عن المجموعة دي

Mona wrote: "Nehal wrote: "حلوة!"

كان نفسي أحطها تقروها بس للأسف حتى مش فاكرة مين كان الكاتب :) ماكنتش الحاجات دي في اهتماماتي وقتها:))"

ممكن .. أنا هدور عليها :)

هي دي
http://www.goodreads.com/book/show/13...

Mona wrote: "ممكن .. أنا هدور عليها :)"

yes ,,, heya :D
w zaki naguib mahmoud sa7 bas makontch mot2keda :D

:D أنا باحب الرجل ده وكنت عايزة أقراله!

ممكن تبدأي بالكوميديا الأرضية .. كتاب جميل أنا بقراه اليومين دول :)

Lol .. Nehal, It's u again :D

! :D

المجموعة الكاملة, علي الوردي

مجموعة الكاملة بتحكي عن ايه و ايه اللي استفدته؟
Hameed wrote: "المجموعة الكاملة, علي الوردي"

غير حياتي للابد

تبدأ المجموعة الكاملة ب 8 أجزاء عن تاريخ العهد العثماني و عﻻقتة بالعراق و الوطن العربي
ثم كتابين عن طبيعة المجتمع العراقي
اما كتاب وعاظ السﻻطين و مهزلة العقل البشري فأنها عملية اعادة ضبط المصنع للتفكير
عملية تغيير لمفاهيمي كلها

أعتقد رواية
Beer in the snooker club
الرواية نفسها ممكن تكون عادية. أو في ناس كتير ممكن ماتتفاعلش معاها بالدرجة المطلوبة. لكن المؤلف، اللي هو بطل القصة برأي الكثيرين من النقاد، عبر بطريقة مبهرة بالنسبة لي عن حالة انعدام الهوية المصرية. هو مصري مسيحي عاش قبل ثورة 52، وتعلم في المدارس الأجنبية وقتها ومخالطته كانت مع أجانب أغلب الوقت. وبعد التأميم، بقى مش عارف هو ينتمي لاي فصيل في المجتمع. جرب يسافر برة، لكنه حس انه مصري أكتر مما كان في مصر.

يمكن لان أحيانا بشعر بنفس الشعور، فاصبح الكتاب دا قريب للدرجة دي من قلبي؟.. في مقاطع كاملة بيتكلم فيها عن هويته المصرية بحس كإنه بيتكلم عني بالظبط.. اتضايقت لما عرفت انها الرواية الوحيدة اللي كتبها قبل ما يقرر الانتحار..

كتاب الحيدة لعبد العزيز ابن يحى وكتاب لا تحزن لعائض القرنى .......اول كتابين قرائتهم وكانوا سبب فى انى احب القراءة...الفائدة من كتاب لا تحزن انى لا احزن ...اما كتاب الحيدة فهو مناظرة رائعة بين عبد العزيز وبشر حول القرأن المناظرة تجيب عن اسئله لم اكن اتوقعها باجابات تدل على فهم عميق للقران والسنة والكون تجعلك تحرص على العلم والفهم.

تحديد كتاب واحد صعب جدا ولكن ممكن أقول أي كتاب من كتب د. زكي نجيب محمود.

نوال wrote: "كتاب الحيدة لعبد العزيز ابن يحى وكتاب لا تحزن لعائض القرنى .......اول كتابين قرائتهم وكانوا سبب فى انى احب القراءة...الفائدة من كتاب لا تحزن انى لا احزن ...اما كتاب الحيدة فهو مناظرة رائعة بين ع..."

ممكن Link كتاب الحيدة ؟؟

http://www.sd-sunnah.com/vb/showthrea...-. انا عندى الكتاب مش قرائتوا على الكومبيوتر بس انا بحثت عنوا ودا link الى لقيتوا اتمنى يفيدك

نوال wrote: "http://www.sd-sunnah.com/vb/showthrea...%..." thanks a lot dear :)

اناشيد الاثم والبراءة

كتاب هكذا ظهر جيل صلاح الدين. لماجد الكيلاني
الفائدة : ان التغيير لا يحدث طفرة بل يسبقه اعدادات وتمهيد

طبعا هو صعب ان كتاب واحد اثر فيا لان في كتب كتير كان لها فعل السحر معايا لكن الكتاب اللي بجد كان مؤثر فعلا هو كتاب الراهب الذي باع سيارته الفيراري الكتاب ده استفدت منه حاجات كتير
اولا:انك تعرف نفسك وتعرف قدراتك
ثانيا:تعرف انت عايز ايه من حياتك ؟
ثالثا:هدفك ايه ؟وايه اللي تعمله عشان تحققه؟
( رابعا:التحسن المستمر في حياتك (قوة الكايزن
خامسا:ازاي تعيش مبسوط ومرتاح بدون قلقوتكون راضي عن نفسك
اخيرا: ازاي تكون مؤثر في حياتك وتترك بصمتك في الدنيا