Egyptians Good Readers discussion

كل سنة وحضراتكم طيبين وبخير .. وبعودة الايام وكدا ...


اخيرا جه معرض الكتاب اللي بنستناه من السنه للسنه ...
اكتبلنا هنا يومياتك فيه ... عملت ايه ؟
أهم الكتب اللي ناوي تشتريها؟
اشتريت ايه ؟
رأيك فيه ؟
نصايحك للي يروح ؟
فرص وكتب متتفوتش ؟
حاجات ضايقتك ؟ حاجات بسطتك؟
رحت كام مرة ولا مرحتش اصلا ؟ ............ الخ الخ

ضيف الشرف السنه 2014 دولة الكويت بمعنى ان الكويت تهدى كتب و ندوات عنها و كمان يكون فى ندوات و امسيات و ورش عمل و مسرح و فلكور و سينما افلام معروفه و اجنحه للاهرام و الاخبار و الجمهورية و اجنحة لدول عربية و اوربيه و قاعة موتمرات فى اخر معرض لقاءات مع شخصيات عامه و حوارات و كمان جناح وزارات الدفاع و الداخلية و الشباب ..............الخ

صراحة التنظيم سئ للغاية و قرفنا طول اليوم.

‎ في خيمة تبع الهيئة العامة للكتاب بيبيعوا فيها كتب مكتبة الأسرة اللي باقي من اصدارات 2010،2009 بأسعار مخفضة (:
..
فيها عرض كمان 20كتاب ب 5جنيه ‎

Amir wrote: "‎ في خيمة تبع الهيئة العامة للكتاب بيبيعوا فيها كتب مكتبة الأسرة اللي باقي من اصدارات 2010،2009 بأسعار مخفضة (:
..
فيها عرض كمان 20كتاب ب 5جنيه ‎"

العرض دا كل سنة بيتعمل .. بس الكتب اللي ب 5 جنية 20 كتاب دي بتبقي سكه متطلعش منهم بكتابين تلاته ..

إن شاء الله لو ربنا طول في عمرنا وعمر البلد هأزوره على الخميس القادم.

دى مجموعة الكتب اللى ناوى اشتريها ان شاء الله من المعرض ممكن تقولولى رأيكم ولو حد يقدر يرشحلى اى روايات او كتب اخري اكون شاكر ليه ..
الكتب المطلوب شرائها من معرض الكتاب
1. رواية البؤساء
2. كتاب فجر طاقتك الكامنه ف الاوقات الصعبه "
3. رواية شفرة دافنشى
4. رواية ملائكة وشياطين
5. كتاب لا تكن لطيفا اكثر من اللازم
6. قمر على سمرقند
7. انا عشقت .... محمد المنسي قنديل
8. ارض زيكولا – عمرو عبد الحميد
9. 2 ضباط عصام يوسف
10. ربع جرام عصام يوسف
11. ساق البامبو
12. العطر – قصة قاتل – باتريك سوسكند
13. صندوق الدمى
14. نصف ميت – حسن الجندى
15. الجزار حسن الجندى
16. مدينة الموتى – مخطوطة بن اسحاق 1
17. ماذا نقرأ؟ماذا نقرأ؟كيف نقرأ؟ عبد الكريم بكار - مركز الناقد العربي
18. لماذا من حولك أغبياء؟ شريف عرفة - الدار المصرية اللبنانية
19. قواعد العشق الاربعون
20. ألواح ودسر احمد خيري العمري- دار الفكر
21. اشيا – ياسمين ثابت
22. نيكروفيليا شرين هنائي
23. الطنطورية رضوى عاشور
24. بريود محمد متولى
25. انت لى منى المرشود
26.

Ahmed wrote: "Amir wrote: "‎ في خيمة تبع الهيئة العامة للكتاب بيبيعوا فيها كتب مكتبة الأسرة اللي باقي من اصدارات 2010،2009 بأسعار مخفضة (:
..
فيها عرض كمان 20كتاب ب 5جنيه ‎"

العرض دا كل سنة بيتعمل .. بس الكتب..."

آه ما أنا اخترت كتب حلوة منهم كتاب ل برتراند رسل و واحد ل كانط‎
‎

متابع لحد ما أروح وأحكى عن تجربتى هذا العام مع المعرض :)

ذهبت اليوم للمعرض .. لاحظت اقبال جميل من الشباب ، و كان المعرض .. زاخر بانواع مختلفة من دور النشر .. و رايت بعض الايجابيات و السلبيات ..

ام الايجابيات .. التنظيم في الخيام و دور النشر .. وجود حمامات .. اقبال الشباب .. و تحمس البعض لتوقيع الكتب .. و جود فرق فنية ..
بعض دور العرض كانت تقدم هدايا حلوى او نوت صغيرة ..
وجود اسعار .. متفاوته ..

ام السلبيات ..
هي المطاعم .. شيء صعب .. و كمان عدم توفر اماكن للجلوس ، و ايضا استغلال الباعة .. في سور الازبكية .. كما ان بعض الاطفال كانوا ينادون على الكتب ..كما ينادى على الخضار ..

قرب يا استاذ .. اي كتاب ب 2 جنيه ..

و احيانا كتب مضروبة من النسخ الاصلية .. كما انك تجد في المعرض ان الكتب التي تحتاجها .. تتوفر في سور الازبكية .. و دور النشر الكبيرة .. تغالي في الاسعار ..

شعرت ..بارتياح ان عدد كبير يشتري من سور الازبكية .. في النهاية لئلا اثقل عليكم

نصيحتي .. احمل حقيبة ظهر معكم .. حدد الكتب المطلوبة .. و خذ فكرة عن الكتب في اكتر من صالة حتى لا تخسر فلوسك .. كمان .. عندما يصعب عليك ايجاد ما تطلب .. اذهب لسور الازبكية ..

اطالب وزارة الثقافة المصرية ... باعادة الكتب التي نبحث عنها .. و لانجدها الا عند سور الازبكية ...

و لا انكر .. اني اشتريت كتاب جميل من هيئة قصور الثقافة اسمه " في غيمة شفيفة "

و ساذهب ان شاء الله مرة اخرى .. لاكمل المجموعة .. بكتابين اخريين ..

تبا! ..أنا في اسكندرية -_-

ما اشترتش عربي لسة لأني كنت مركزة ع الإنجليزي بما انه محدود شوية وبيخلص بسرعة. وهنزل للكتب العربي مرة لوحدهم.

الأسعار غالية
الخصومات أقل من السنة اللي فاتت كمان...10-15 في المية
وفيه ناس مش عاملة خصم أصلا!!

مافيش خريطة للمعرض نزلت السنة دي وفيه عارضين غيروا أماكنهم فلقيتهم بالصدفة.

الدنيا كانت زحمة عن السنة اللي فاتت شوية بس ممكن يكون عشان الناس عايزة تلحق قبل 25 يناير

انا لسه مروحتش بس ناوية اجيب روايتين من دار الرواق وكتاب لياسر ثابت من اصدار2013

يا جماعة اللى اشترى او ناوى يشتري يقول على اسم الكتب علشان نستفيد كلنا يمكن نشتريه احنا كمان

بسم الله
أنا من اوائل الناس اللى راحت معرض الكتاب
كنت واقف ومستنى لما يفتحوا البوابة
انا رحت على يومين
الأربعاء والخميس وان شاء الله ناوى أروح تانى بس على آخرالمعرض باذن الله
اول يوم -
رحت على مكتبة الأسرة واشتريت بما يقرب من 140 جنيه منها كتب للدكتور عبدالحليم عويس الحضارة الاسلامية
والدكتور عبدالرزاق السنهورى فقه الخلافة وتطورها
ود/ عائشة عبالرحمن سيدات بيت النبوة
و 8 كتب مجموعة فى بحور العلم للدكتور أحمد مستجير
مذكرات شارلى تشابلن
وكتب اخرى من مكتبة الأسرة
ثم ذهبت الى المركز القومى للترجمة واشتريت
بخارى تحترق " رواية" تاريخية-
- اغا البنات لاحمد رفيق
- السلطان جلال الدين خوارزمشاه
- من مدارات
سراى نامه واسنعمار مصر
من الهيئة العامة
طبقات الأطباء لابن أبى اصيبعة
3 أجزاء
من الشروق الامثال العامية لاحمد تيمور باشا
من الألوكة العصبية القبلية من المنظور الاسلامى وثلاث روايات لا اذكرها حاليا
- من الخانجى أباطيل وأسمار للعلامة محمود شاكر
و مواقف حاسمة لللعلامة محمد عبدالله دراز
من أجيال " سيرة خليفة قادم للدكتور أحمد خيرى العمرى
- من سور الازبكية نهاية اليوتوبيا عالم المعرفة وبنية الثورات العلمية عالم المعرفة أيضا
و كتب طبية خاصة بمادتى ال
OPHTHALMOLOGY & ENT & NURSING .
من مركز نماء كتابى للدكتور سلمان العودة
لو كنت طيرا و أنا واخواتها
من دار السلام " مكتبة ابن كثير "
3 كتب للدكتور عماد الدين خليل "
الاعصار والمئذنة معجزة الضفة الغربية
خمس مسرحيات اسلامية
هناك كتب اخرى لم أذكرها حيث أن هناك حقيبة كاملة لم تفتح بعد
ولكن لنا لقاء آخر فى معرض الكتاب
بس أسوء حاجة عدم التنظيم وعدم وجود خريطة
دمتم قراء :)

انا لسه هروح الاسبوع الجاى ان شاء الله .. عندى خطط كتيررة جدا و عايزة اجيب حاجات كتير اوووى .. و عايزة شويه اقتراحات حلووة يكون ليها طابع سياسى شويه زى التعذيب فى السجون والمؤمرات الدوليه و امن الدول ... بس مش عارفه منهم فير حاجات قليله جدا و مش عايزة انزل ع الفاضى من غير ما اجيب حاجه كويسه مندمش عليها ... اقتراحات بقى :D

Anna Karenina- Leo Tolstoy
War and Peace- Leo Tolstoy
The Brothers Karamazov- Fyodor Dostoevsky
The Idiot- Fyodor Dostoevsky
Crime and Punishment- Fyodor Dostoevsky
Les Miserables- Victor Hugo
Persuasion- Jane Austen
Tess of the d'Urbervilles- Thomas Hardy
The Metamorphosis- Franz Kafka
To Kill a Mockingbird- Harper Lee

أنا كنت مركزة شوية ع الأدب الروسي
ولسة بقكر في دول

The Unbearable Lighness of Being- Milan Kundera
Blindness- Jose Saramago
The Remains of the Day- Kazuo Ishiguro
Snow Flower and the Secret Fan- Lisa See
The Name of the Rose- Umberto Eco
The Grapes of Wrath- John Steinbeck

لستة العربي لسة ما عملتهاش

أعزائى زوار المعرض ... يشرفنى حضوركم جميعاً حفل توقيع كتبى فى أدب الرحلات "الفيروزية" و"الأولة باريس" فى دار "نهضة مصر" بالمعرض

التفاصيل على الايفينت:

https://www.goodreads.com/event/show/...

AHMED wrote: "تبا! ..أنا في اسكندرية -_-"

فيه معرض كل سنة بعد المعرض اللى فى القاهرة عندنا فى اسكندرية فى مكتبة الاسكندرية وفيه كمان فاعليات وامسيات وندوات
جميل جدا انا بروحه كل سنة وفيه سور الازبكية كمان

شيرين wrote: "أعزائى زوار المعرض ... يشرفنى حضوركم جميعاً حفل توقيع كتبى فى أدب الرحلات "الفيروزية" و"الأولة باريس" فى دار "نهضة مصر" بالمعرض

التفاصيل على الايفينت:

https://www.goodreads.com/event/show/..."

وهذا هو رابط الفيروزية

https://www.goodreads.com/book/show/2...

Mido wrote: "دى مجموعة الكتب اللى ناوى اشتريها ان شاء الله من المعرض ممكن تقولولى رأيكم ولو حد يقدر يرشحلى اى روايات او كتب اخري اكون شاكر ليه ..
الكتب المطلوب شرائها من معرض الكتاب
1. رواية البؤساء
2. كتاب ..."

انتى لى ممنوعة من النشر فى الوطن العربى ياصديقى ولم تصدر الا على الانترنت فقط
لقد قرأتها منذ 5 سنوات ومازلت احتفظ بها ف مكتبتى الالكترونية
وبحثت عنها فى مصر والسعودية والامارات لم اجدها
تم منع نشرها

ان شاء الله لو ظروف البلد كويسة الفترة الجاية
هنطلع رحلة مجموعة من شباب الاسكندرية لزيارة معرض القاهرة اول مرة نفعلها هذا العام
لكن لو الامور كان فيها عدم امان للاسف هننتظر معرض الاسكندرية
النسخة المصغرة من معرض القاهرة والذى بيقام سنويا فى مكتبة الاسكندرية وهناك مناقشات وندوات وامسيات شعرية وفنية ايضا
فى جميع الاحوال انا زائرة مستديمة لهذا المعرض
والعام الماضى اقتنيت مجموعة رائعة من الكتب والروايات ذكرتها هنا

وهذا العام هناك مجموعة اخرى
لكن اول كتاب هو كتاب روبابيكيا للشاعر وليد ديدا
وهو صديق لكن فنان بمعنى الكلمة

كنت هناك من أول يوم .. الإقبال كان كبير و من مختلف الأعمار بس عذبونا لحد ما دخلنا الساعة تلاتة ونص ، التنظيم سئ للغاية ، مافيش خريطة للمعرض أو أماكن دور العرض و مافيش حد تستفسر منه على حاجة ...

أسعار الكتب المهمة غالية جداً ، فإضطريت ما أجيبش كل اللي كنت عايزه ...

لكن بالنسبة لكونها أول تجربة ليا فكنت مستمتع بيها جداً

انتظر رأيكم ان شاء الله بكتابي


قوارير
دار ليليت

صالة ٢

https://www.goodreads.com/book/show/2...

Mido wrote: "دى مجموعة الكتب اللى ناوى اشتريها ان شاء الله من المعرض ممكن تقولولى رأيكم ولو حد يقدر يرشحلى اى روايات او كتب اخري اكون شاكر ليه ..
الكتب المطلوب شرائها من معرض الكتاب
1. رواية البؤساء
2. كتاب ..."

انا برشحلك كتاب الجحيم لدان براون و هو اخر اعماله و موجود في المعرض

AHMED wrote: "تبا! ..أنا في اسكندرية -_-"

ههههههه اخطفلك يوم و تعالى

نصيحة للي هيروح المعرض يعدي على سور الازبكية الاول تقريبا كل الكتب اللي في المعرض متركزة هناك و باسعار اقل بكتيير ده غير الكتب القديمة و الكلاسيكيات الادبية اللي هناك اما اللي معندوش مشكلة في الميزانية المعرض مليان نسخ رائعة في دور النشر

-و ياريت تاخد شنطة ظهر معاك :)

متحمسة اوي :D .. الاسبوع الجاي ان شاء الله

Ahmed wrote: "Mido wrote: "دى مجموعة الكتب اللى ناوى اشتريها ان شاء الله من المعرض ممكن تقولولى رأيكم ولو حد يقدر يرشحلى اى روايات او كتب اخري اكون شاكر ليه ..
الكتب المطلوب شرائها من معرض الكتاب
1. رواية البؤ..."

كتاب الجحيم عندى هو والرمز المفقود لكن انا مش عاوز اقرأهم قبل ملائكة وشياطين وشفرة دافنشى ولما اخلصهم هقرا الجحيم ان شاء الله
شكرا اخى على ردك

القايمة بتاعتي اهيه .. اشتريت امبارح 3 كتب منهم بخصم 20 ف الميه .. من سلبيات المعرض عدم التنظيم متعرفش انت عايز تجيب ايه من فين ..


https://www.facebook.com/photo.php?fb...

Dina wrote: "Mido wrote: "دى مجموعة الكتب اللى ناوى اشتريها ان شاء الله من المعرض ممكن تقولولى رأيكم ولو حد يقدر يرشحلى اى روايات او كتب اخري اكون شاكر ليه ..
الكتب المطلوب شرائها من معرض الكتاب
1. رواية البؤ..."

انا ما اعرفش انها ممنوعة بصراحة ... لكن ليه ممنوعة ؟

انا بحقد عليكم انا من أسيوط ومش أقدر اروح المعرض

ربنا يسعد اوقاتكم يا رب ..للاسف انا في الاسكندريه .. اينعم في مكتبات كتير هنا ولكن فرع الهيئه اللي هنا فقير جدا ومش كل الكتب موجوده .. مستنيه المعرض بفارغ الصبر لنا يجيلنا وناويه ان شاء الله اجيب الاعمال الادبيه لديسويفسكي في 18 كتاب .. ده كبدايه ولسه ...

الكتب الجديده والكتب المهمه اسعارها نار .

المعرض مش زي كل سنة....غلو اسعار مبالغ فيه و عدم تنظيم و زحمة
روحته امبارح و ماتبسطتش و عدد الكتب اللي عجبتني و اغرتني بالشراء قليلة ....ناتج اليوم 10 كتب

Mido wrote: "Dina wrote: "Mido wrote: "دى مجموعة الكتب اللى ناوى اشتريها ان شاء الله من المعرض ممكن تقولولى رأيكم ولو حد يقدر يرشحلى اى روايات او كتب اخري اكون شاكر ليه ..
الكتب المطلوب شرائها من معرض الكتاب
..."

معرفش والله ليه ممنوعة
بس تقريبا حاجة خاصة بالمؤلفة نفسها لانها على ما اسمع سعودية الجنسية
بس الرواية فعلا فى قمة الروعة والجمال بالرغم من طولها الشديد انصحك بقراءتها فعلا

إمبارح ركبت أتوبيس الهيئة بجنيه
و نزلت قدام المعرض بوابة 5 على شارع صلاح سالم
و لقيت طابور طووووووويل كالعادة وقفت أستني دوري لقيته إتغركش مرة واحدة
فيه إيه يا جماعة مفيش تذاكر
كنت متضايق جدا و خصوصا إن نفس الموقف السخيف حصل السنة اللى فاتت و عند نفس البوابة
سألنا ع التذاكر فين قالولنا بعد 100 متر روحت قطعت تذكره
و دخلت و بدأت أتمشي
كنت رايح ناحية بوابة 1 على شارع ممدوح سالم لمقابله بعض الأصدقاء
لكن إستوقفتني مكتبة مصر
دخلتها طبعا لأشتري بعض كتب الرخيصة و إشتريت بالفعل "الشيان يعظ" لنجيب محفوظ و "أم العروسة" لعبد الحميد جودة السحار
لكن لم أجد "حديث الصباح و المساء" لنجيب محفوظ ( في الثلاثة أماكن لمكتبة مصر داخل المعرض ) فسألت عن السبب قيل لي إنهم مبقوش يطبعوا نسخ جديدة لروايات نجيب محفوظ لأن دار الشروق إحتكرت أعماله فلعنت سنسفيل دار الشروق
ثم دخلت الهيئة العامة للكتاب لأشتري كتاب "الأعمال الكاملة - الدواوين الشعرية" لصلاح جاهين و لكن يا لسخرية القدر فجميع الأجزاء الستة الأخرى من مجموعة "حلاوة زمان الأعمال الكاملة لصلاح جاهين" موجودة
طب الكتاب اللى أنا عايزة مش موجود !!
طبعا هي غلطة و قالولي إنه هييجي بعد كده و هبقي أشتريه لما أنزل تاني إن شاء الله
ذهبت بعدها قابلت الأصدقاء
ثم إستكملنا الجولة سويا و دخلنا سور الأزيكية حيث أرخص و أندر الكتب و إشتريت حبة حلوين بصراحة :
"معجزة القرآن" للشيخ محمد متولي الشعراوي
" رحلات الشعراوي في أوروبا و امريكا " لسعيد أبو العينين
" غزو الفضاء بين أهل الأرض و أهل اسماء " لعبد الرازق نوفل
"الطوف الحجري" لجوزيه ساراماجو
" يا أهلي يا حبي يا حتة من قلبي" لأحمد فؤاد نجم
" سنوات مع الأهلي : جوزية الوهم و الحقيقة " لطارق رمضان
"أمير الأراضي البور" مسرحية لماكس فريش ترجمة أنيس منصور
و بعض الكتب لأنيس منصور " كاتبي المفضل "
"وكانت الصحة هي الثمن "
"شبابنا الحيران "
"شئ من الفكر"
"عذاب كل يوم"
نصيحتي بس للى هيشتري من السور لف كتير لأنك غالبا هتلاقي الكتاب اللى إنت عاوزه بسعر أرخص
و لو عاوز مثلا رواية من إصدار دار الهلال إسأل الأول على سعرها ف دار الهلال لأنك غالبا هتلاقيها أرخص
حصلت معايا لما لقيت كتاب من إصدار دار المعارف ب15 جنيه طبعا سعره حلو
بس المفاجأة إني لقيته ف دار المعارف ب 8 جنيه و ب6 و نص بعد الخصم !!!!
و بعد كده دخلنا صاله 2 حيث مكتبة أ و مكتبة ديوان وعدد من دور نشر الحديثة كدار دون و دار ليلى و غيرها الكثير
بس ما إشتريتش غير كتاب واحد بس نظرا لإرتفاع السعر و قله الميزانية
"العريس في رحلة البحث عن عروسه"
ع الأقل اللى كاتبه مهندس زُمُل يعني و ما أدراكم ما معاناة المهندسين :D
ثم جلسنا لنلتقط الأنفاس و نتناول الغداء من المقهى الثقافي
آل المقهى الثقافي آل
ثم حبسنا بشاي بس أنا بكوفي ميكس :D
فدخلنا مكتبة الأسرة كانت أمم بصراحة
القاعة واسعة و بس تغّر
لأنك ممكن تلاقي استاند بحاله مفيهوش غير كتاب واحد بس
لكن بعد جوله قررت أشتري كتابين
"روبنسون كروز" لدانييل ديفو
و " ختان الإناث دراسة علمية وشرعية " لمحمد رمضان
بس لقيت أمه لا إله إلا الله واقفه و بتحاسب و ناس جايبين كتب بالكوم و هي بصراحة كتب قيمة جدا
بس طبعا مرضيتش أقف ف الطابور و سبت الكتابين و خرجت
في نهاية الجولة روحت صاله 5 حيث دور النشر الحكومية كالأهرام و أخبار اليوم و دار المعارف و دار الهلال .. إلخ و سبت الشنط اللى كانت معانا في الأمانات خلف صالة 5 و بالمناسبة بيقفلوا 6 و نص
و مش عارف لو واحد إتأخر شوية يعمل ايه يعني
المهم دخلت دار المعارف إشتريت
" دكتور جيكل و مستر هايد " لروبرت لويس ستفنسون
" حياة محمد صلى الله عليه و سلم " للدكتور محمد حسين هيكل
و 3 كتب لأنيس منصور بردو :D
" في السياسة" الجزء الأول و الجزء الثاني
و " لو كنت أيوب "
بعد ما حاسبت دخلت دار الهلال إشتريت كتابين
" مسيرة طويلة نحو الحرية " لنيلسون مانديلا
و رواية " إختفاء سعيجد أبي النحس المتشائل " لإميل حبيبي
و ف آخر حاجة دخلت أخبار اليوم و إشتريت كتابين بردو
" أنبياء نهاية القرن العشرين " لفؤاد شاكر
و " الحج قبل مئة سنة : رحلة الضابط الروسي عبد العزيز دولتشين إلى مكة المكرمة 1898 - 1899 "
و أنهيت الجولة بنهاية نقودي و آذان العشاء و روحت
و دي كانت أول مرة أروح معرض الكتاب من غير ما أدخل دار الشروق و دار نهضة مصر
بس ف المجمل لفيت ف المعرض كله تقريبا و كانت تقريبا أحسن مرة ألف فيها

أول مرة ليا احضر في ارض المعارض وكنت حضرته لما اتعامل في الطالبية ومكنش زي المرة ديه
انا زعلان لاني كنت تايه ومش عارف ايه الكتب الحلوة من الوحشة لاني مش متابع ومقراتش كتب كتير بس في نفس الوقت السنة الجاية هتكون احسن لاني هدور على اسامي الكتب والكتاب الحلوين :)
مبسوط اني لاقيت كتاب انيس منصور الخالدون مائة
المعرض محتاج يوم لوحده او يومين عشان تستفيد على قد ما تقدر يا دوب قعدت هناك 3 ساعات بس :(

صالة ٣، ٤، ٥ كتب الهيئة المصرية للكتاب
ومكتبة الاسرةواوفير ودار النشر الأسقفية ودار الكتاب
وفي مكتبة هيئة اعداد القادة عاملة تخفيضات هايلة دي برة قصاد صالة ٤
وسور الأزبكية كمان ميتنسيش ده قصاد الصالة ٥

أنا رحت امبارح بس هو كان زحمة اوى عن كل سنة وحسيت انه مش منظم زى السنة اللى فاتت واشتريت حصيلة كتب كويسة بس طبعا لو بمزاجى اشترى اكتر من كده بكتير ومن الكتب اللي انا جبتها
1-الليلة الثالثة والعشرون- تامر ابراهيم
2- عائشة تنزل الى العالم السفلى- بثينة العيسى
3- مشاهد من على كرسي الطبيب النفسي - خليل فاضل
4- إنكسار الروح - محمد النسي قنديل
5- يوم غائم في البر الغربي - محمد المنسي قنديل
6-البارمان - أشرف العشماوى
7- المرشد -أشرف العشماوى
8- في ديسمبر تنتهى كل الاحلام - اثير عبدالله
9- فلتغفري - اثير عبدالله
10- الممسوس - محمد عصمت
11- تعلم الحياة -لوك فيري
12- قيد الفراشة - شيرين سامي
13-إستحواذ - وائل نصار
14- كعب عالي -بسمة العوفي
15-ترنيمة سلام -أحمد عبد المجيد
16- خنادق العذروات -وجدى الكومى
17- أنا وهى والاخريات -جنى فواز حسن
18-ذنوب الكاميليا - سلمى احمد
19-366- أمير تاج سراج الدين
20- المستبصر - على عبدالله
21-وراء كل ديكتاتور طفولة بائسة -مجدى كامل
22- رجال لم يعرفوا المستحيل - احمد سلامة ابراهيم
23- صولو -نور عبد المجيد
24- اريد رجلا - نور عبد المجيد

مشاهداتى فى معرض الكتاب
عند وصولى لمعرض القاهرة الدولى للكتاب فى يومه الثانى تفاجأت بكم الحشد الكبير و الطوابير الطويلة التى تنتظر دورها للدخول ، و كالعادة كانت الغلبة للنساء ، فكان هناك طابوران للسيدات و طابور للرجال ، يتخلله جنسيات أجنبية و عربية لم تتخلف عن المعرض رغم الظروف السياسية التى تمر بها البلاد فى هذة الآونة .
و بمجرد دخولك من الباب يقع نظرك على طاولة عليها الآت حادة و مقص و مرايا مكسورة ، استخرجها الأمن من حقائب رواد المعرض ، و التفتيش دقيق لدى البوابة و لا يسمح بدخول أى آلات حادة حتى لو كانت مجرد مراية مكسورة فى حقيبة فتاة ، بخلاف التكثيف الشرطى أمام البوابات الخارجية للمعرض .
تم تفتيشى ثلاث مرات بالمعرض عند البوابة الرئيسية و قبل دخولى مخيم كاتب و كتاب و عند دخولى لمبنى صندوق التنمية ، الأمر الذى لم يحدث من قبل و لكن يعبر عن حالة القلق السائدة من الظروف الحالية فى وسط التفجيرات المتلاحقة .
و أثناء تجوالى على دور النشر المختلفة ، وجدت أن هناك منافس جديد للروايات فى الأعلى مبيعا ، حيث اهتم رواد المعرض باقتناء الكتب السياسية التى تستعرض تاريخ جماعة الأخوان المسلمين و الجماعات الجهادية ، و كتب الأدب الساخر تماشيا مع المثل " هم يضحك و هم يبكى " ، بجانب الإقبال على كتب الأطفال .
و عبر الناشرين عن تفاؤلهم بالإقبال على المعرض ، خاصة فى اليوم الأول الذى كان يعانى دوما من قلة الإقبال ، و قالوا أن يوم الجمعة هو الأكثر إقبالا من العائلات ، و فى الأيام العادية يزداد الإقبال مع خروج الموظفين من العمل ، و برغم تفاؤل الناشرين ،و لكن هناك دوما هاجس تأثر الإقبال فى ذكرى ثورة 25 يناير .
أما عن السلبيات فى معرض هذا العام ، فكان شكوى بعض الناشرين من غلاء حجز الأجنحة ، و قال محمد على إبراهيم صاحب دار " هيباتيا " أن الجناح كلفه 6 الآلآف و هو مبلغ كبير بالمقارنة مع تراجع حركة البيع و الإقبال على الكتب ، نظرا للظروف السياسية و الاقتصادية و الثقافية و التعليمية للبلاد .
و قال صاحب هيباتيا أن حركة البيع تعتمد على شقين الأول هم أصدقاء الكاتب و اجتهاد الناشر فى الترويج للكتب ، أما الثانى فهو القارئ صاحب القائمة ،و الذى جاء للمعرض و هو يعرف ما يريد مسبقا ، و قليلا ما يلتفت لأى كتاب خارج القائمة .
و فى الخيمة الكبيرة للهيئة العامة لقصور الثقافة تجدها شبه خاوية ، فى حين فى جناحها الصغير بصالة 3 تجد تزاحم شديد ، و القراء يبحثون وسط أكداس الكتب على ضالتهم ، و فى ثانى أيام المعرض نفذت طبعات كثيرة من سلسلة المائة كتاب و هى أحد مشاريع الهيئة برئاسة الشاعر رفعت سلام ، حيث نفذت طبعات " الحرب و السلم " لتوليستوى "، و " الأب جوريو " لبلزاك ، و " الصخب و العنف " لفوكنر ، و " المسخ و المحاكمة " لكافكا ، و " الغريب " لألبير كامى .
أما فى " سور الأزبكية " فلم تكن الكتب هى البطل الوحيد ، فهناك لعب للأطفال لتنمية الذكاء من بازل و مكعبات و أجهزة الكترونية لتعليم الأطفال الحروف ، و غيرها من الألعاب التى أضفت على التعليم متعة خاصة للأطفال من خلال الشئ الأحب لقلوبهم " اللعب " ، و فى أحد الأركان تطالعك يافتة " الزمن الجميل " تتوسط صور للملك فؤاد ،و صور أفيشات الأفلام و الممثلين و أعداد نادرة من الصحف القديمة .
بداخل سور الأزبكية ستجد ضالتك و بأرخص الأسعار ، فبعض الكتب تفوح منها رائحة التاريخ بأوراقها الصفراء ، و بعضه مازال محتفظ بحالته ، و لن تجد هناك فقط الكتب القديمة بل أحدث الكتب أيضا ، ووسط أكوام هذة الكتب هناك كنوز حقيقية ، لا يقدرها و يلتفت إليها سوى " ديدان القراءة " التى لا متعة لهم فى الحياة أكبر من القراءة ، و كان المطلب الوحيد لناشرى سور الأزبكية من هيئة المعرض هو " المعاملة اللائقة ".
شهد هذا العام فى المعرض اهتماما خاصا بالأطفال من إصدارات جديدة و لعب أطفال و مخيم خاص بالأطفال تحت عنوان " الطفل السعيد " و الذى يقيم أنشطة مختلفة للأطفال من لعب و تلوين و قراءة ، و فى مبنى التنمية الثقافية التقينا بمؤسس أكاديمية الابداع " أكاديمو " الذى يصور الأطفال مع مجسمات صنعت من الورق منها مجسم طائر و سلحفاة و تمثال كبير لسبونج بوب ،كما يقيم ورشة " أورجامى" و هو فن يابانى يصنع أشكال فنية من الورق و كانت تتوسط الطاولة تحفة فنية من الورق على هيئة " أوز " .
و أثناء التجوال فى مبنى التنمية صدحت أغنية " تسلم الأيادى " خارجة من جناح وزارة الدفاع ، و التف بعض الزوار لسماعها ، و أخذ الصور ، و كان هناك عرض تلفزيونى لإنجازات القوات المسلحة ، و صور للفريق عبد الفتاح السيسى ، و فى مواجهة جناح قطر تجد العديد من الصور لرئيس الجمهورية المؤقت المستشار عدلى منصور ، و الفريق السيسى .
و فى أحد الأجنحة بالمبنى الرئيسى تطالعك نسخ الدستور و لافتات لثورتى 25 يناير و 30 يونيه ، لتقتحم السياسة بقوة الجو العام للمعرض
http://moheet.com/news/newdetails/763...

شيماء wrote: "مشاهداتى فى معرض الكتاب
عند وصولى لمعرض القاهرة الدولى للكتاب فى يومه الثانى تفاجأت بكم الحشد الكبير و الطوابير الطويلة التى تنتظر دورها للدخول ، و كالعادة كانت الغلبة للنساء ، فكان هناك طابوران ..."

تنفعي مراسلة اخبارية يا شيماء ... :)

كان نفسي اروح السنه دي ...بس شكلها باظت

marwa wrote: "انا لسه مروحتش بس ناوية اجيب روايتين من دار الرواق وكتاب لياسر ثابت من اصدار2013"

ياسر ثابت مُبدِع ومش واخد حقه في الصيت.. قرأت له قصة الثروة في مصر، لا استطيع الا ان اصفه بجبرتي العصر..صدر له مؤخرًا "صناعة الطاغية".. للاسف مش هاقدر انزل المعرض السنة دي، لو كنت نزلت كان هيبقى الكتاب الاول في قائمة المشتريات.

مروحتش هروح السبت الجاي ان شاء الله لو البلد تمام...كنت ناوية اجيب كتب كتيرة بس عرفت اسعارها كلها غالية اوي و انا طالبه غلبانه XD ف استقريت على 3 كتب كويس اوي :D

Dina wrote: "AHMED wrote: "تبا! ..أنا في اسكندرية -_-"

فيه معرض كل سنة بعد المعرض اللى فى القاهرة عندنا فى اسكندرية فى مكتبة الاسكندرية وفيه كمان فاعليات وامسيات وندوات
جميل جدا انا بروحه كل سنة وفيه سور الا..."

بجد؟ انا احتمال اسافر اسكندريه لو الاوضاع الامنيه كويسه عندك فكره بيفتح امتى و قد ايه ؟

Mido wrote: "دى مجموعة الكتب اللى ناوى اشتريها ان شاء الله من المعرض ممكن تقولولى رأيكم ولو حد يقدر يرشحلى اى روايات او كتب اخري اكون شاكر ليه ..
الكتب المطلوب شرائها من معرض الكتاب
1. رواية البؤساء
2. كتاب ..."

مكن تضيف الطنطوريه وثلاثيه غرناطه أنا قريته م وهما حلوين جداا
ممكن حاجات لمصطفى محمود فى الاعمال الكامله ليه ولو تحب ارشحلك كتب منفصله ليه أوك

رأيت رام الله وولدت هنا ولدت هناك لمريد البارغوثى انا قريت الجزء الاول منه وحلو جداا
وحاجات لعمر طاهر بقا بتكون فاكه
ه بعد كتاب دسم

Dina wrote: "AHMED wrote: "تبا! ..أنا في اسكندرية -_-"

فيه معرض كل سنة بعد المعرض اللى فى القاهرة عندنا فى اسكندرية فى مكتبة الاسكندرية وفيه كمان فاعليات وامسيات وندوات
جميل جدا انا بروحه كل سنة وفيه سور الا..."

المعرض اللى فى اسكندريه أمتى ؟

basma farg wrote: "Mido wrote: "دى مجموعة الكتب اللى ناوى اشتريها ان شاء الله من المعرض ممكن تقولولى رأيكم ولو حد يقدر يرشحلى اى روايات او كتب اخري اكون شاكر ليه ..
الكتب المطلوب شرائها من معرض الكتاب
1. رواية البؤ..."

متشكر جدا .. وياريت لو ترشحيلي الكتب منفصلة لو سمحتى وبالمناسبة انا قرأت ثلاثية غرناطة لكن ما قرأتش الطنطورية

basma farg wrote: "Mido wrote: "دى مجموعة الكتب اللى ناوى اشتريها ان شاء الله من المعرض ممكن تقولولى رأيكم ولو حد يقدر يرشحلى اى روايات او كتب اخري اكون شاكر ليه ..
الكتب المطلوب شرائها من معرض الكتاب
1. رواية البؤ..."

متشكر جدا .. وياريت لو ترشحيلي الكتب منفصلة لو سمحتى وبالمناسبة انا قرأت ثلاثية غرناطة لكن ما قرأتش الطنطورية