Pakistani Readers discussion

I wrote this as advice for my son, though he's too young to understand it

Bahaar Kay phoolon ko dekhna zaroor
Garmiyun ki dhoop mein khailna zaroor
Khizaan Kay zard patton par chalna kabhi
Jaaray ki pehli baraf ko choona zaroor

Khuli fiza mein saans laina zaroor
Baarish mein thora sa bheegna zaroor
Subh ki roshni mein khud ko dekhna kabhi
Chaand taaron Talay sona zaroor

Samandar kay kinaaray chalna zaroor
Raith par ungli say kuch likhna zaroor
rangeen seepi haath mein uthaana kabhi
Sooraj ko sahil mein doobtay dekhna zaroor

Nazrein jhuka kar chalna zaroor
Par Sar utha kar chalna zaroor
Peechay murh Kay na dekhna kabhi
Har qadam aagay barhna zaroor

Zindagi ko faani samajhna zaroor
Is ko jee bhar kay magar jeena zaroor
Isay manzil na samajh laina kabhi
Is safar ko muskura kar thai karna zaroor

This is lovely. I will have my younger brother read it. It is an excellent poem. :)

Buhat shandaar :) Lara

Thank you Amna, Maira and Seher

Thankyou Saad

Adorable.. simple words with powerful messages :-)

Thankyou Saad