Egyptians Good Readers discussion

معظمنا اكيد بيقرا كتب بلغات مختلفة غير اللغة الام سواء انجليزي او اي لغة تانية فاحكيلنا تجربتك مع اول مرة قرات فيها كتاب بلغة مختلفة وايه هو الكتاب

قرأت رواية A Thousand splendid Suns بالانجلش.. دي أول مرة أقرأ رواية أقرئها بعيدا عن الروايات اللي بتطلب مننا ف الكلية وإللي أوقات مش بنقرأها كلها.. ومع إني أخدت وقت ف قرأتها لأني كنت بتوقف أيام بسبب ظروف شغلي لكن فعلا الرواية كانت رائعة مش مملة ابدا وفعلا في روايات لازم نقرأها بلغتها.. خالد حسيني أصبح كاتبي المفضل لأني دي كانت أول رواية أقرئها له بعد كده قرأت كل رواياته.

بدأت بسلسلة Dirk Diaries تعتبر للمرحلة الإعدادية و كانت بداية موفقة جدا عشان شجعتني على القراءة باللغة الانجليزية و دلوقتي بقرأ كتب و روايات إنجليزية عادي جدا الحمدلله 🌸

*Dork Diaries

انا بدات ب harry potter
the little prince
البداية بتكون بكتب صغيرة مش مملة عشان تقدرى تقرأيها

الانطلاقة بتبدأ بعد ما تنهي أول كتاب أو رواية كاملة بلغة تانية - وقتها فعلا بتحس بالإنجاز وبتتشجع تقرأ أكتر .. عشان كدا دايما البداية يفضل تبقي في كتب صغيرة ممتعة أو روايات قصيرة مثلا.