Egyptians Good Readers discussion
فن القراءة
>
أيهما تفضل القراءة من كتاب ورقي أم الكتروني ؟
الكتاب الورقىالسبب لان الكتاب الالكترونى فى وجهة نظرى اذا كان معى على الموبايل او التابلت او جهاز اللاب توب يمكن افكر اقراه ويمكن لا
لكن الكتاب الورقى بالنسبة لى هو قيمة حيث يمكننى ان اقرأه فى اى مكان واى وقت وبه من التشويق ما يمكن ان يجعلنى اتابع القراءة حتى نهايته
لكن بالنسبة للكتاب الالكترونى فيمكننى ان اعرف ما يدور فى نهايه الكتاب وذلك فقط بالنزول الى اخره ومعرفه النهاية بسرعة وسهولة وهذا فى رأيى يفقد الكتاب اهميته فى التشويق والذى يكمن معه ان يتم القراءة حتى الوصول الى النهاية وليس بضغطه زر فقط لمعرفة النهاية دون قراءة الموضوع نفسه
وشكرا
في رأيي الوضع سيان و خاصه انه يوجد الان اجهزه متخصصه في قراءه الكتب فقط (e-book readers) و بأحجام مختلفه .ولكن اذا كان الكتاب الذي اريد ان اقرأه له قيمه أدبيه عاليه فأني اسعى لأن اقتني نسخه ورقيه أفتخر بها و أزين بها مكتبتي المتواضعه.
لا يوجد أفضل من كتاب إلكترونى ولكن بتقنيه E-Ink
مثل
Kindle
كتاب يعني ورقي متعته اكبر من الالكتروني
الكتاب الالكتروني يتميز بنسبية خصوصية أعلى, فمن الصعب على المحيطين بك في المواصلات العامة معرفة ما تقرأ بسهولة, و هو ما أفضله, عكس الحال في الكتاب الورقي.
الورقى افضل لكن لو بتقرا كل يوم او اتنين كتاب .. هتقدر تجيب فلوسهم منين ؟
Wael wrote: "الورقى افضل لكن لو بتقرا كل يوم او اتنين كتاب .. هتقدر تجيب فلوسهم منين ؟"دى الخلاصة
الكتاب الورقي احسن طبعا بس في كتب انا مش بلاقيها خالص هنا في مصر ف بتضطر اني اقرأها PDFو بعدين بصراحه احنا بنقرأ كتير ماشاءالله في الالكتروني احسن في الروايات
انما الكتب العلمية او التنمية البشرية او التاريخ لازم تبقي ورقي ك مرجع عندنا عشان لو نسينا .
الكتب الورقية أفضل طبعا بس اكيد بقرأ حاجات كتير بى دى اف لان الواحد مش هيقدر يشترى كل اللى عاوزه
الحقيقة ان الورقى امتع كتير لكن الالكترونى اسهل فى الحصول عليه وبيوفر كتير ماديا فعلشان كده بفضل الالكتروني
الورقي طبعا لانه ممتع جدا وله مذاق خاص
الأفضاليه على الأطلاق للكتب المطبوعه لكن الكتب الألكترونيه بتبقى لها طعم تانى خالص
بتحس فيه بالغنى لأمتلاكك لعدد غير طبيعى من الكتب
فى اى مكان وفى اى وقت من غير ما تضطر تشيلهم
الكترونى. علشان بحب اقرا فى الضلمه لان دا بيخلينى افصل من الواقع واعيش اكتر مع الكتاب
بحب الاتنين فيه اختلاف زى اللى بيسأل بتحب أمك ولا مراتك
الكتاب الورقى امى اللى اتعودت عليه و اشيله وازعل لو اتبهدلت صفحاته
اما الالكترنى ده مراتى الشياكه كلها و مش قلقانه عليها لانها موجوده على طول معايا
مع القارئات الالكترونية ككيندل وأخواته ربما سيصبح الكتاب الورقي نسيا منسيا ، ومازالت التقنية حبلى بالآلاف المفاجآت ونحن من المنتظرين
أكيد كتاب ورقى .. الكتاب الورقى ممكن تقرأه فى أى مكان وكل وقت .. وبأحس بمتعة غير عادية فى قلب ورقة ورا ورقة من الكتاب لغاية ما أخلصه.. بأحس بخصوصية وتقارب ما بينى وبين الكتاب مش بأحسها بنفس القدر فى الكتاب الإلكترونى
الكتاب الورقى_مع الكتاب الورقى بشعر بحاله تواصل اكتر مع الكلام اللى مكتوب وبكون مركز اكتر وسهل للعين وممكن اقراء فيه فى اى وقت فى اليوم وسهل اعرف انا وصلت لانهى صفحه_
اكيد ورقي القراءه الالكترونيه شيء ممل جدا !!
انا بالنسبالى القراية متبقاش قراية إلا لو عندى مكتبة ارتبها وابحلق فيها كل شوية...اصلا مبحسش ان الكتب اللى فى مكتبتى دول كتب ..دول عيالى 3= .
الكتاب الالكتروني....لاني ممكن اقراه ف الساقعة دي تحت البطانية
الورقي بلا منازع للمتعه اما الالكتروني فهو فقط للحصول علي المعلومه السريعه
طبعا القراءة الورقية أجمل بكثير ، لكن هناك الكثير من الكتب بحثت عنها ورقية ولم أجدها ، ووجدتها إليكترونية علي الانترنت ، فتعودت شيئاً فشيئاً علي الكتب الإليكترونية وأحياناً يكون الأمر علي حسب طبيعة الكتاب ، أو طبيعة الموقف نفسه ، فهناك كتاب تريد أن تأخذه معك في كل مكان وبالتالي الكتاب الإليكتروني سيكون أفضل في هذه الحالة
الورقي ممتع بس الالكتروني بيقى اسهل لان ممكن يبقى معايا اكتر من راوية وكتاب عالتاب ومش هتعب في حملهم
أتفق معك أية في هذه النقطة ، التاب بالفعل ساعدني في هذا كثيرااا
الناس اللي بتقول ورقي قرت ع تابلت كويس او كانديلقرت كتاب مظبوط مش سكان بايظ
جربتوا كانديل !!!
اوحش احساس انك تخلص كتاب و معكش كتاب تاني تبدأ فيه ده لا يمكن يحصل معاك ع الكانديل
الكتب الورقية تظل دائما لها متعة خاصةو احيانا بستعمل الكتب الPDF كوسيلة لاخذ نبذة عن الكتاب قبل شراء النسخة الورقية منه
الورقي لا غنى عنه ولا اجمل منهبس الالكتروني مفيد بالنسبة لي بحكم الغربة وسهولة ايجاد الكتب
طبعا الكتاب الورقى بيبقى ليه رونقه ريحة الكتاب وملمسه وحرية اننا نلون الاجزاء اللى عجبتنا مثلا ونرجعلها بسهولة بس العيب الوحيد انى ممكن اقرا من التابلت والنور مقطوع او فى مكان الدنيا فيه ضلمة زى لو مسافرة فى باص انما الكتاب هتسيبه ومش هتعرف تكمل :D
لكل كتاب وقته ومكانه ..عن نفسى وطبعا لان النور بيقطع كتير فبستغل الفترة دى واقرأ من التاب ..وفعلا قرأت كتب كثيرة فى فترة الصيفالكتاب الورقى له طقوسه اما اليكترونى فى أى مكان
لا غنى عن الاثنين
الكتاب الاليكتروني افضل واقصد ال epub ولكن للكتاب الورقي تجربة غنية فلا شيئ يضاهي كتاب توارثه ابن عن والده
الكتاب الورقى طبعااا افضل بكتير مش بحس بمتعه ال بيه انا معايا حدث تاب وعليه احدث التطبيقات pdf ومع ذلك مش بحبه
متأقلمة مع الأتنيـن بس الورقى مريح وبيشد اكتـر
الورقى الذ طبعابس الالكترونى توافره اسهل
بمجرد ما تفكر انك تقرا كتاب هو كمبيوتر ونت وتجيب اللى انت عايزة
الكتاب الورقى لانه بيجذب الانتباه اكثر من الالكترونى ويجعلنااكثر تشوقا للكتاب وكمان بنتخيل احداث الرواية او الكتاب من خلال اوراق الكتاب
في البداية كنت بفضل الورقي و كنت بستمتع و انا ماسك الكتاب في ايدي و بقلب فيه ورقة ورقة .. لكن لما اشتريت موبايل جديد شاشته متوسطة الابعاد بقي اسهل اني اقرا pdf .. اسهل من حيث الحصول علي الكتاب و اسهل في وضعية القراءة
حاليا أفضل الالكتروني ،،، فهو في حسابك ومتااح ان اكمل الكتاب باااي وقت
حاليا أفضل الالكتروني ،،، فهو في حسابك ومتااح ان اكمل الكتاب باااي وقت
الكتاب الالكترونى افضل علشان بعرف اكمل الكتاب فى اى وقت حتى لو النور قطع
أكيد ورقى احساس انك تقلب فى الكتاب وتشوف صفحتوا كدا قدام عينك احسن بكتير ..
هل تفضل القراءة من كتاب ورقي أم كتاب الكتروني؟
ولماذا ؟