Neddersassisk discussion

Moin ouk! Ik dach, ik kun je eyns vorsöken uns lütte koppel wedder to aktiveren.
Hevvet jüm vantjår böker in sassisk leasd? Wän jo, wat? Un kunnen jüm dår wat van anråden?

Vantjår heb ik al eyn poor böker in sassisk leasd man sou veal kan ik nich anråden. Dat geav man twey böker dey my echt good düchden: dey öäversetting "De Entdecker-Fohrt vun den Afrikaner Lukanga Mukara na den Binnersten Part vun Düütschland" van Reinhard Goltz löt språklik ryk un köm med eyn twintig-sydige nåwoord van Helmut Donat öäver Hans Paasche syn leaven, wat ik deypdenkern un informatschoonvull vunden heb, un dey uutgeav was ouk smuuk med bilder un eyn leseband binnen. Dat andere book was eyn novelle van Heinrich Schmidt-Barrien: "De Frömde Fro." Dat book was eyn van dey beater skreavene böker dey ik bit nu in sassisk leasd heb, man dey handling is gauw afvullen. Dat heyle book dö ik nich rekummdeyeren, man dey halve skul eyn nich skåden. Mål kyken of Schmidt-Barrien syn andere Novellen sik lohnt.