الرصيف رقم (3\4) فقط لغير العامة discussion

بصوا يا جماعة انا هقولكم ايه الهدف من الفولدر دهه انا النهارده رحت مكتبة ولاد الحلال قالولى عليها
وقالولى هتلاقى فيها اعمال لمريد البرغوثى
رحت لاقرب فرع لبيتنا وهو كان ف المعادى ف شارع 9
دخلت المكتبة ايه الفخامة والعظمة والشياكة شىء جميل والله
سالت عن الكتب بتاعت مريد الراجل جابهوملى بكل ذوق
كان الاولانى ولدت هنا ولدت هناك
وطبعا انا مادية شوية اول ما حد بيدينى الكتاب من اللا وعى ببص ع السعر فلقيتها ب60 جنيه
استرجعت الذكريات وقلت ياه 60 جنيه دول يعملوا ايه
افتكرت لما اشتريت ثلاثية غرناطة بتاعت رضوى عاشور من سور الازبكية ب 15 جنيه وكانت كمان طبعة الشروق
وافتكرت مجلدات دستوفسكى اللى الواحد منه ب6.5
والاعمال الكاملة لبهاء طاهر الللى جبتها ب15 جنيه

كل ده جه ع بالى قلت ف عقلى كام كتاب ممكن اشتريهم ب 60 جنيه دول
وافتكرت كمان مائة عام من العزلة اللى اشترتها ب40 جنيه
وبعدين لما رحت الازبكية لقيت نفس الطبعة اللى معايا وجديدة نوفى ب20 وكمان لو فاصلت هاخدها بسعر ارخص
تفتكروا يئست لا انا كان نفسى اشترى حاجة فعلا لمريد
قلتله طب عندك رايت رام الله قالى اه
غاب عنى وبعدين جابلى القصة لنفس دار النشر المشئومة اللى كتبها بالنسبة لى غالية لقيتها ب42 جنيه
اسكت لااااااااا
قلتله عندك طبعة دار الهلال لانى عارفة ان رايت رام الله اتطبعت ف دار الهلال واكيد ارخص من كده بكتيييييير
فاجانى وقالى لا
ده مش موضوعنا يا جماعة اللى عايزة اقوله
ليه اشترى الكتاب غالى اما ممكن اشتريه رخيص ؟؟؟

هنا بقى هنحط كل الاماكن اللى بتبيع الكتب رخيصة
وامتى اقرا الكتاب ع الكمبيوتر وامتى نقرر نشتريه
وازاى نفاصل طبعا لما نروح سور الازبكية ؟
باختصار هنصيع عشان نختار الكتاب الارخص
وطبعا لو حد صايع قديم ياريت يفيدنا بخبرته يا جماعة
وكلنا هنتحد من اجل محاربة الغلاء ف اسعار الكتب
وشكرا

فكرة جيدة، خاصة اني من أفشل الناس في الفصال :S

بصفة عامة طبعات دار الهلال، الأخبار، وأخبار اليوم دوما الأرخص، لكنها ليست الأفضل من حيث جودة الطباعة، وأحيانا على رخص الكتاب تكون ترجمته (لو كان كتابااجنبيا) ترجمة سيئة جدا.

Ng wrote: "فكرة جيدة، خاصة اني من أفشل الناس في الفصال :S

بصفة عامة طبعات دار الهلال، الأخبار، وأخبار اليوم دوما الأرخص، لكنها ليست الأفضل من حيث جودة الطباعة، وأحيانا على رخص الكتاب تكون ترجمته (لو كان كتاب..."

بصى قبل ما تفاصلى اعرفى سعر الكتاب الاصلى وبعدين متبينيش انك محتاجة الكتاب ودايما نزلى سعر الكتاب اوى عشان لما توصلوا لحل وسط يكون ف صالحك ده اللى بعمله وساعات بينجح وكتير بيضحك عليا D:
بس فعلا اخبار اليوم ودار الهلال من ارخص ديار النشر
وطبعا مكتبة الاسرة اللى بتطبع الحاجات ومبلاقيهاش كالعادة

مكتبة عرابي، المجاورة للهيئة العامة للكتاب قرب دار القضاء العالي، سمعت انه يمكن العثور فيها على الطبعات التي تنفذ من الهيئة العامة بسرعة..

محتاجلها زيارة المكتبة دى
بس اعتقد يا انجى انك لو استمريتى تقولى كده ع طول الطبعات هتنفد فيها بسرعة برده هى كمان
(H)

احتمال برضه، فالحقي نفسك بقى :D

بصى للأسق عمرى ما اشتريت كتاب رخيص:( مش عشان أنا فييس لأ عشان بستسهل و بعدين عشقت دار الشروق كل ما أحتاج حاجة اللأيه هناك و بعدين أحب ان تكون كتبى أنا أول ايد تلمسها و أحب يكون غلافها شيك و مش بعرف اقرا ع الكمبيوتر و كل ده طبعا للأسف :( اصلها عقد فارغة عندى تقولو ا ايه بقى