Egyptian Books discussion

معلش يا جماعة، سؤال متأخر حبيتين
هو احنا قلنا إن الأحسن لما نضيف كتب جديدة ان احنا نخلى اسم الكاتب بالعربي ولا بالإنجليزي؟؟

بالإنجليزي
و متنسيش تتأكدي الأول إن الكتاب مش موجود عشان ميبقاش فيه أكثر من نسخة

هى دى مشكلة كبيرة ... مش عارفة كل حد بيضيف كتاب على طول من غير ما يدور على الإسم إنجليزى

ماأقصدكيش يا دينا.. بس إفتكرت الملحوظة

إزاى ممكن نعرف الناس إنهم يدوروا على الإسم الإنجليزى مع العربى

ما ينفعش نقول للمسؤولين عن جوود ريدز يعملوا زى
combine editions
بس للمؤلفين؟

طيب ماينفعش نكتب الاسم بالعربي وبالانجليزي مثلاً؟ أو نقترح ده على الموقع، إن يكون في 2 فيلدز معترف بيهم

هوا في مشكلتين بصراحة
أولاً البحث في الموقع سىء ونتائجه مش صحيحة، أنا ساعات بضيف الكتاب بايدي وبعدين ادور عليه مش بلاقيه

ثانياً ان كتابة الأسماء بالانجليزي بتحتمل spellings
مختلفة

how to avoid these issues I dont know!

I think Arabic books should be added in ARABIC

that would ease things as English spelling for arabic books is not going to be the same for every person


for example: 3emaret ya3kobian some one else could have spelled it emaret yaqobian ... and so on

مسا الفل مسا الياسمين على العيون المنورين
:))

أولا البحث فى الموقع عقيم لكنه مظبوط
بمعنى إنك لو أضفت كتاب أو كاتب ممكن تستنى عليه شوية على بال ما يتسجل فعلياً ويظهر ضمن قائمة الكتب للكاتب أو فى البحث
فلا عيب فيه

التهجية شئ برضه مشكلة سواء فى العربى ولا فى الانجليزى
ولا داعى للكلام عن بعض الفصحاء اللى كانوا بيكتبوا إبراهيم من غير الهمزة فيكون عندنا إبراهيم بهمزة ومن غير همزة
وسلم على البتنجان
:))



يا عم ماك
أرجوك هى مش ناقصة فرانكو آراب عشان نزيد المسألة تعقيد، إحنا بنتكلم هنا عن إنجليزى بحروف إنجليزى وعربى بحروف عربية
ولا مجال لإضافة رقم 3 بديلا عن العين و 7 بديلا عن الحاء
ويا جدعان بنقول تانى أهوه
الكتاب مش مهم مكتوب عربى ولا إنجليزى
المهم إسم الكاتب هو اللى بالإنجليزي

سلاماتنا لبلديتنا
:))

انا عملت موضوع عن حكاية اسم المؤلفين أهوه
دعونا نرى رد الأخوة المديرين

http://www.goodreads.com/topic/show_g...

انا رايى نتمسك بالكتبة باللغه العربية وهما لو حسو ان فى كتير بيستعملوها هيضيفوها لان ده فى صالح الموقع كمان فى نفس الوقت احنا نقترح وكذا حد يبعتلهم ريكوست

أتفق مع هنادي على وضع أسماء الكتب و مؤلفيها العرب بالعربية.

السلام عليكم

شكرا على الإضافة لاست

يبدو أن مجموعتكم جديدة
وهذه أول صفحة أقرأها في المجموعة

بالنسبة لتجربتي المتواضعة
أنا أضيف الكتاب باللغة التي يحملها الكتاب

إن كان الكتاب بالعربية أضيفه واضيف كل المعلومات بالعربية

أعتقد أنه سيكون من الصعب جدا البحث عن الكتب العربية عندما تكتب بالأنجليزية لأن هجاء الكلمات العربية باللغة الأنجليزية قد تختلف من شخص لأخر

فمثلا كلمة غزال قد تكتب بعدة طرق
ghazal, gazal, gazaal,kazal...etc

ولاحظت أن أفضل طريقة للبحث عن كتاب قبل إضافته هو أدخال رقم ال
ISBN

أولا ثم إضافته يدويا إن لم يتوفر في الموقع

:)

سلام

the problem is that almost 60% of arabic books doesn't have ISBN numbers..
and if we wrote the authors in arabic, they won't be indexed in Goodreads.. however english is not always correct.. because of ghazal, gazal.. etc u mentioned..

so.. I don't know..
usually I add both.. the arabic name in the author's box.. and his english name in the co-authors box..

this way u can search both ways..

wallaho a3lam

نعم لاست
هذا الحل مؤقت ومقبول

ولكن على المدى البعيد لا بد أن يكون
هناك حلول أفضل

ما أهمية أن تكون مسجلة في قودريدز

هل جربتم البحث عن كتاب بطباعة الأسم بالعربية ولم تجدوه في قود ريدز

لم أجرب أنا

أرجو أن تخبرونا إن فعلتم

سلام

الكتب اللي باضيفها بتكون غالبا من مواقع المكتبات الكبيرة خاصة مكتبة الشروق، المكتبات دي كلها بتكتب في مواقعها الISBN بتاع الكتاب.

أنا مش فاهم ليه بتوصوا أن يتم اضافة المؤلفين بالانجليزية. أنا شايف أنه الموقع يدعم العربية جيداً. البحث بالعربية يعمل. أنا منضم للموقع من قريب لذلك أتساءل، هل كان الموقع سابقاً لا يدعم الفهرسة أو البحث للمؤلفين أو للكتب بالعربية؟ ما سبب تفضيلكم لإضافة أسماء المؤلفين بالإنجليزية؟

أنا بصراحة شايفة إن لما الكاتب يكون كاتب عربي.. وكاتب كتاب بالعربي.. يبقى اسمه يتكتب بالعربي

لكن في حالة الكتب العربية المترجمة للغات أخرى، مثلا زي "ذات" لصنع الله إبراهيم، ففي الحالة دي يكون الاسم الأساسي بالإنجليزي (وهو الاسم المكتوب فعلا على النسخة الإنجليزي، لإن غالبا ده أسلوب كتابة الاسم اللي هيكون موافق عليها الكاتب) ونضيف الاسم العربي
co author
علشان لو حد بيدور على النسخة المترجمة

انا شايفة اننا نكتب أسم الكتاب و الكاتب بالعربى
و هيظهر فى البحث بكلا الطريقتين
و دا أحسن من أننا نكتب بالإنجليزى

أنا مش شايفه أي مشكلة في الموضوع - الأخ وسام قال إن الموقع بيدعم العربي والإنجليزي على حد سواء - فليه ما نكتبش أسماء الكتب العربي بالعربي هي ومؤلفيها - وأسماء الكتب الإنجليزي بالإنجليزي هي ومؤلفيها؟
إلا إذا كنت فاهمة الموضوع بطريقة خطأ!!

السلام عليكم
الموضوع منتهي من زمان يا منى، اللي مكتوب فوق دا كانت اقتراحات من سنتين و مش فاكر ليه أيامها كان بعض المشاركين و عددهم محدود مصرين على الأسماء الانجليزية مع إن الموقع من أول يوم بيدعم العربية، انما الغالبية كانت مع كتابة أسماء الكتب و المؤلفين العرب بالعربية و النقاش انتهى على كدا، و لو قابلتي كتب عربية مكتوبة بغير العربية ياريت تديها دقيقة من وقتك تصلحي الخطأ

شكرًا لك أخ سامي على التوضيح - اللي كان واضح لي إن للموضوع بقية ولم ألاحظ التواريخ.
أنا وجدت هذا الموقع في الأيام الأخيرة فقط - موقع جميل لمحبي القراءة والكتب.
أرجو أن تستمر المناقشات هنا حول الكتب التي يقرأها البعض وآراءهم فيها.
تحياتي

مع الأسف العكس هو الصحيح يا شباب ...

http://www.goodreads.com/topic/show/3...

أظن الطبيعي إن الاسم يكون بالعربية عندما يكون الكاتب عربي
لكن فيه نقطة خاصة بالهمزة عند كتابة الاسم بالعربية
كمثال: ابراهيم اصلان ليس هو إبراهيم أصلان وهذا صحيح
ولكن معظم محركات البحث الأن تعتمد الشكلين عند البحث وتعطي نتائج مجمعة عند استخدام أيا منهم
في الموقع هنا البحث يعتبر الكلمتين مختلفتين تماما
هل تم طرح هذه المشكلة من قبل؟

Ng wrote: "مع الأسف العكس هو الصحيح يا شباب ...

http://www.goodreads.com/topic/show/3...

شكرا
أنا خضت المناقشة دي قبل كده و بعمل التعديلات على أساسها ، بس هي مش هتضاف للدليل ؟

Mohamed wrote: "أظن الطبيعي إن الاسم يكون بالعربية عندما يكون الكاتب عربي
لكن فيه نقطة خاصة بالهمزة عند كتابة الاسم بالعربية
كمثال: ابراهيم اصلان ليس هو إبراهيم أصلان وهذا صحيح
ولكن معظم محركات البحث الأن تعتمد ال..."

أنا بيقابلني ساعات مشاكل في البحث ، منهيقلي ممكن تثار في الغرفة الرئيسية