Dar El Shorouk discussion

كنت أود أن أعرف ان كانت هذه النسخ كاملة و ليس بها حذف ، هل ممكن أن يساعدني أحد

أولاد حارتنا
قمر على سمرقند

انا قمر على سمرقند عندى 712صفحه لو عندك اقل من كده يبقى اكيد مقصوصه

شكراً
أنا لسة ماشتريتهاش ، بس كنت عايزة أتأكد

والله انا اللى عندى نسخه غير دى خالص بس فى نسخ كتير مقصوصه عشان قمر على سمر قند فيها لاكم خارج كتيير

قمر على سمرقند صدرت الأول من دار الهلال
وكان فيها حذف كتير جدا للأجزاء السياسية.. حسب ما عرفت كان حوالي تلت الرواية!!

نزلت بعد كده في دار ميريت.. ودي كانت كاملة بس خلصت
وهي دلوقتي صادرة عن الشروق كاملة برضه.. وموجودة

أولاد حارتنا أنا جبتها من الشروق برضه من سنتين تقريبا.. وما أعتقدش إن كان فيها حذف

اللي يغيظ بقى إن الحذف اللي في نسخة دار الهلال ما كانش عشان الكلام الخارج.. الكلام الخارج كان موجود عادي
لكن الحذف كان للكلام السياسي

Eslam wrote: "اللي يغيظ بقى إن الحذف اللي في نسخة دار الهلال ما كانش عشان الكلام الخارج.. الكلام الخارج كان موجود عادي
لكن الحذف كان للكلام السياسي"

يا اسلام دار الهلال كانت زى كل مؤسسات الدوله تسبح بحمد الرئيس وتكبر للنظام وحذف المقاطع السياسيه هو نوع من الاستغفار بالنيابه عن الكاتب لما فعله من خطايا فى حق النظام

أكيد طبعا
بس المشكلة إنهم عملوا خطوة زي دي من غير رأي الكاتب
يعني أنا دلوقتي عندي مخاوف من كذا.. أقول للكاتب والله يا أستاذ أنا مش هانشر كذا وكذا
يوافق أو يرفض
على الأقل يقدر يملا الفراغ اللي هيحصل.. ده لو قبل أساسا

يعني واحد زي حالاتي مثلا..
لما قريت الرواية كانت شاداني جدا جدا.. بس فعلا كنت حاسس إن في خيط مفقود
في حاجة ناقصة مخلياني مش فاهم كويس

شكراً على الاستجابة ،بالنسبة لقمر على سمرقند، كده يبقى أغلب الظن أن نسخة الشروق كاملة و ممكن أجيبها

بالنسبة لأولاد حارتنا ، انا قريت النسخة دي من سنتين و ماحسيتش ان فيه حاجة ناقصة ، بس سمعت ان فيها أجزاء محذوفة و ناقصة عن الاصدار اللبناني و عشان كده برده حبيت أتاكد

Nile daughter wrote: "كنت أود أن أعرف ان كانت هذه النسخ كاملة و ليس بها حذف ، هل ممكن أن يساعدني أحد

أولاد حارتنا
قمر على سمرقند"

تأكدت من أن نسختي الشروق للكتابين، قمر على سمرقند وكذلك أولاد حارتنا، كاملتان.. لم تتعرض احداهما لمقص الرقيب..

Dar El Shorouk wrote: "تأكدت من أن نسختي الشروق للكتابين، قمر على سمرقند وكذلك أولاد حارتنا، كاملتان.. لم تتعرض احداهما لمقص الرقيب....."

شكراً جزيلاً على الاستجابة
:)