نادى ادب طب المنصورة discussion

ماذا تقرأون الان يا قوم .؟؟؟؟

حوار مع صديقي الملحد
كتاب رااااااااااااااااااااااائع للغاية

قشدة ... لما اخلص بحار الحب هقرأه .. :)) اول كومنت ع الجروب باسم احمــــــد الشريــــف

كتاب مذكرات شابة غاضبه انيس منصور
دع القلق وابدا الحياة لديل كارينجى

فكرة حلوة الجروب ده...بس الظاهر الناس لسه مخدتش على الموقع

دع القلق وابدأ الحياة كتاب جميل جدا

مش بقرأ حاجه :)) عايزه كتاب جديد اقراه

حضرتك قراته؟!كويس احلى حاجة فيه انه بسيط جدا وجايب امثله حية ودى حاجة كويسه...زى ادوارد ليفانز...جايب قصص حقيقية كتير ودى اجمل حاجة فيه...

اه .. هو ف بدايته رخم جدا .. ونظام الكتب وتسجيل رأيك والجو ده مش سهل التعود .. بس كله كده ف الاول .. تويتر كان كده والدفعة عددها عليه دلوقتى عدا الميت واحد .. و جوجل بلاس .. بس ده ميزته انه مفيد بجد :))

الجميل فيه انه سهل فعلا
انا قرأت فيه شوية بس لسه مكملتوش
ديل كارنيجي من الرواد في التنمية البشرية راجل جامد

@heba zaki
الموقع مليااااااااااااان كتب اهه :)) بس النفس اللى تقرا

ممكن تحملى يا مى مش تقراى!!!!

عاوزة لينك احمل منه ادوب بلاير عشان منزلة نسخة جديدة واتمسح

اخر حاجة قرأتها شكلها باظت عمر طاهر دلوقتي مش بقرأ غير قرأن وكنت محملة حاجات مكملتش قرائتها واتمسحت برضه مع النسخة :(

لا شئ يشبهنى

بدأت اقرأ عزازيل
و ربنا يصبرنى عشان مبحبش اقرأ من الكمبيوتر بحب الكتب الورقيه اكتر بكتيييييييييير

محمد داود .. روائى متميز جدا
.. و على فكرة من المحلة و هو يعمل بمصلحة الطب الشرعى
رواية امنا الغولة جميلة
http://www.goodreads.com/author/show/...

@Ahmed Elshreif حوار مع صديقي الملحد .. بجد رائع
.
.
أنا عن نفسي بقرأ بس مش ع الموقع :
لا تحزن
سباق نحو الجنان
التفسير الميسر

Nouran wrote: "عاوزة لينك احمل منه ادوب بلاير عشان منزلة نسخة جديدة واتمسح

اخر حاجة قرأتها شكلها باظت عمر طاهر دلوقتي مش بقرأ غير قرأن وكنت محملة حاجات مكملتش قرائتها واتمسحت برضه مع النسخة :("

http://ardownload.adobe.com/pub/adobe...
لينك مباشر اهه :))

القراءة من الكومبيوتر دي بتبوظلي عنيا اكتر ما هما بايظين
هل عندكم من حل معشر السادة والسيدات ؟

كبر الخط من ادوب ريدر لغاية ماتريح عينيك

اوك

بالنسبة للناس اللى بتقرا كتاب حوار مع صديقى الملحد فى كدة جملتين مش فاهماهم...
(انما عرفنا الله بالضمير وليس بالعقل؟!شوقنا الى العدل كان دليل على وجود العادل..وظمأنا للماء دليل على وجود الماء)

(.فالله يبرهن على الوجود..وليس الوجود الذى يبرهن على الله)
بالنسبة للجملة التانية محيرنى..لانه قال ان الوجود لا يبرهن على الله وبعدين رجع قال ان الكون يدل على وجود خالق...

الجملة الاولى
اعتقد انه يقصد ان احتياجك لشيء معين يدل على انه موجود زي العطشان محتاج ماء يبقى اذن الماء موجود لان في حد احتاجه
التانية
في فرق بين الوجود والكون
الوجود تجريد ذهني زي الصفر المطلق وفهو مجرد كلمة في العقل ليس لها وجود مادي زي اللانهاية برضه
انما الكون ده شيء موجود ومحسوس فالكون الموجود يدل على وجود موجد له الا وهو الله
بينما الوجود وهو التجريد الذهني لا يدل على الله انما الله الواجد يدل على الوجود
زي فكرة العدم برضه
العدم تجريد نظري مجرد حاجة في الذهن لكلن مش مادي ولا محسوس
بس عند الله العدم كان كائنا وهو اوجدنا من العدم
انا اقتبست بعض المعاني من كتاب آخر للدكتور مصطفى محمود اسمه ( رحلتي من الشك الى الايمان ) واضفت الي انا فهمته

طيب ايه حكاية عرفنا الله بالضمير وليس العقل؟؟!!

هو هنا بيتكلم عن الناس الي هما أصلا مؤمنين بالله ولا يتحدث عن الملحدين
فالمؤمن عرف الله بضميره والذي هو فطرة وضعها الله في الانسان فكل البشر فطرهم الله على التوحيد في قوله تعالى ( واذ اخذ ربك من بني آدم من ظهورهم ذريتهم واشهدهم على انفسهم الست بربكم قالوا بلى شهدنا ) فكل البشر فطروا على التوحيد ولذا المؤمن بالله يعرف الله بالفطرة زي سيدنا ابراهيم الخليل الذي عرف الله بفطرته
بينما الملحد هو من يحتاج الى العقل ليصل الى الله فهو يفكر ويبحث عن الادلة العقلية لكي يقتنع بوجود الله والدكتور مصطفى نفسه كان كده ووصل الى الله بالعقل لا بالفطرة

على فكره الكتاب أحلى بكتير من الكمبيوتر . . :)

أنا حاليا أقرأ روايه رانمارو وكتاب العاادات السبع للناس الأكثر فاعليه

شكرا جدا يا دكتر احمد...استفدت كتير...اصل نوعية الكتب دى جديدة عليا..وخصوصا د.مصطفى محمود...مش سهل عايز مخ ودماغ كبيرة..كنت شفتله البرنامج العلم والايمان وكان كلامه ابسط...بس يمكن بالتعود...بس فعلا مناقشه حلوة..

Dr_komy wrote: "Nouran wrote: "عاوزة لينك احمل منه ادوب بلاير عشان منزلة نسخة جديدة واتمسح

اخر حاجة قرأتها شكلها باظت عمر طاهر دلوقتي مش بقرأ غير قرأن وكنت محملة حاجات مكملتش قرائتها واتمسحت برضه مع النسخة :("

h..."

شكراااااااااا:))

Dina wrote: "شكرا جدا يا دكتر احمد...استفدت كتير...اصل نوعية الكتب دى جديدة عليا..وخصوصا د.مصطفى محمود...مش سهل عايز مخ ودماغ كبيرة..كنت شفتله البرنامج العلم والايمان وكان كلامه ابسط...بس يمكن بالتعود...بس فعلا..."

اي خدمة

الحمد لله انتهيت من كتاب ( حوار مع صديقي الملحد ) وبدأت في كتاب ( رحلتي من الشك الى الايمان ) للدكتور مصطفى محمود برضه

حد قرأ شيكاغو ؟؟ النقد اللى مكتوب فيها مش مشجعنى اقرأها .. واصلا علاء الاسوانى ده مش بطيقه وبختلف معاه ف اغلب اللى بيقوله .. اقرأها .. ولا اشوف حاجة تانية وخلاص ؟؟

Dr_komy wrote: "حد قرأ شيكاغو ؟؟ النقد اللى مكتوب فيها مش مشجعنى اقرأها .. واصلا علاء الاسوانى ده مش بطيقه وبختلف معاه ف اغلب اللى بيقوله .. اقرأها .. ولا اشوف حاجة تانية وخلاص ؟؟"

معرفش ليه الادب الانجليزى بيستهوينى اكتر...انا برده اللى سمعته عن شيكاغو ميشجعش على قرايتها..

عايزين نعمل حاجة كل واحد يقول استفاد ايه من لكتاب..او ملخص الكتاب..او نرشح لبعض كتب...او اكتر حاجة عجبته فى الكتاب وكدة..ويبقى توبيك لوحده!!!

Dina wrote: "Dr_komy wrote: "حد قرأ شيكاغو ؟؟ النقد اللى مكتوب فيها مش مشجعنى اقرأها .. واصلا علاء الاسوانى ده مش بطيقه وبختلف معاه ف اغلب اللى بيقوله .. اقرأها .. ولا اشوف حاجة تانية وخلاص ؟؟"

معرفش ليه الا..."

انا قرأت شوية شكسبير صغيرين .. بس معرفش غيره اصلا :))

Dina wrote: "عايزين نعمل حاجة كل واحد يقول استفاد ايه من لكتاب..او ملخص الكتاب..او نرشح لبعض كتب...او اكتر حاجة عجبته فى الكتاب وكدة..ويبقى توبيك لوحده!!!"

ابدأى توبيك يللا.. واول كومنت هيكون ليا :))

Dina wrote: "عايزين نعمل حاجة كل واحد يقول استفاد ايه من لكتاب..او ملخص الكتاب..او نرشح لبعض كتب...او اكتر حاجة عجبته فى الكتاب وكدة..ويبقى توبيك لوحده!!!"

فكرة جميلة جدااااااااا

د.احمد وفر على المجهود وعمله

study smarter not harder
حتى الآن كويس ومفهوم وتقريبا الي قاله كله انا قرأته قبل كده

حلو اوى فكرة الجروب دى
انا دلوقتى مش بقرا حاجه ممكن حد يرشحلى كتاب يكون كويس

مع انى مش فاهمة الشعل على البتاع دة اوى بس جميييل اوى الغرض منه
انا بقرا لا تحزن عائض القرنى
دماغى كدة احمد خالد توفيق

Walaa wrote: "حلو اوى فكرة الجروب دى
انا دلوقتى مش بقرا حاجه ممكن حد يرشحلى كتاب يكون كويس"

كتاب العادات السبع للناس الاكثر فعالية
المؤلف ستيفن كوفي
بجد كتاب راااائع جدا ومفيد وهايساعدك تغيري من طريقة تفكيرك واسلوبك في الحياة

Ahmed wrote:
كتاب العادات السبع للناس الاكثر فعالية
المؤلف ستيفن كوفي
بجد كتاب راااائع جدا ومفيد وهايساعدك تغيري م..."

شكرا يا دكتور
ان شاء الله اقرأه واقولك رأيى فيه

أنا بقرأ حايا رباعيات صلاح جاهين

ناو بقرأ في كتاب
الروح والجسد للدكتور مصطفى محمود

بقرا حاليا مذكرات صائم لاحمد بهجت.....جميل...اجمل حاجة عامة فى الادب الساخر انه فعلا بيوصف المجتكع بالظبط مش بطريقة منفرة او لاذعه بس بطريقة طريفه..تجذبك فعلا للقراءة والاستمتاع...بس فى نفس الوقت مش تافه فعلا بيوصف المجتمع بالظبط....

خلصت الروح والجسد وبدأت في قراءة الوجود والعدم يبرضه للدكتور مصطفى محمود

طب شوف كده "ارنى الله" للدكتور مصطفى محمود برضه .. تفسير لنصوص صوفيه بس بجد .. هيبهرك

Dr_komy wrote: "طب شوف كده "ارنى الله" للدكتور مصطفى محمود برضه .. تفسير لنصوص صوفيه بس بجد .. هيبهرك"

ان شاء الله هاشوفه لما اخلص الي انا بقرأه ناو
انا بعشق الكلام ده بجد ممتع للغاية

Dr_komy wrote: "طب شوف كده "ارنى الله" للدكتور مصطفى محمود برضه .. تفسير لنصوص صوفيه بس بجد .. هيبهرك"

هوة مش ارني الله لتوفيق الحكيم

رأيت الله مصطفى محمود :)