Egyptians Good Readers discussion

ازيكم يا جود ريدرز ...

،،،،،،،،،،،،
القراءة السريعة اصبحت ضرورة من ضرورات العصر مع الكم الهائل من المعلومات والكتب المطبوعة وتحت الطبع وما يستحق القراءة ..

وليس ترفاً في عصرنا هذا أن تهتم بسرعة قراءتك ...
،،،،،،،،،،،

أختبر سرعة قراءتك من هنا ...
http://www.maharty.com/readspeed.aspx

واكتبلنا سرعتك كام ...
ولو تحب ممكن تعمل الاختبار اكتر من مرة وتجيب المتوسط
( المتوسط = جمع السرعات / عددهم) وبالتوفيق


ولو فيه اي سؤال عن القراءة السريعة اتفضلوا وان شاء الله هنساعد بعضنا في المجال دا

613.5 ده المتوسط
:D

Amal wrote: "613.5 ده المتوسط
:D"

بسم الله ماشاء الله
مفروض ان اكتر من 300 قارئ جيد ..

ومن 700 واكتر قارئ ممتاز ..

وفيه ناس وصلت لاكتر من 1000 ....

حضرتك معدل قرايتك كويس جدا ... وهتلاقي تدريبات في الموقع وكورس تقدري تشتركي فيه ... او ممكن تقري اي كتاب في القراءة السريعة لو حابة تزوديها اكتر ..

زي كتاب

القراءة السريعة - توني بوزان .... مكتبة جرير
او
تسريع القراءة وتنمية الاستيعاب ..... أنس الرفاعي و محمد عدنان سالم ...
دا الفكر المعاصر

تمام
ححاول ان شاء الله اقرا الكتب دي قريب
جزاك الله كل خير
:)

شكراً جزيلاً على الرابط القراءة السريعة من موجبات العصر حقاً

عطـر النون wrote: "شكراً جزيلاً على الرابط القراءة السريعة من موجبات العصر حقاً"

العفو يا افندم
في انتظار نتيجة اختبار حضرتك لقرايتك ..

230

Dina wrote: "749 فى المره التانيه

يعنى 790+749 / 2 = 769.5

قول 770 اظن حلو :)"

ممتاز مش حلو بس ... خصوصا لو كان دي سرعة حضرتك مع الاستيعاب ....

ربنا يزيدك ... ولسه فيه اكتر ..

zozo wrote: "230"

230
يعتبر معدل متوسط وكويس جدا للانطلاق منه ... انا واثق ان حضرتك تقدري توصلي من غير تدريب لـ 300 واكتر ... لو تخلصتي من شوية مفاهيم غلط عن القراية ومعطلات زي ..

- التراجع بالعين .. اننا نشك اننا مفمهناش فنرجع بنظرنا اكتر من مرة ع الكلام ..

- القراءة بصوت مسموع ..
القراية بالعينين بس .. وتخلصي حتى من الصوت اللي في ذهنك ... جاهدي نفسك عشان الكلام ميترددش بصوت في ذهنك .. لكي لبانه هتساعدك :)

- الاعتقاد ان القراءة البطيئة افضل للفهم .. لان قدرة العقل ع الاستيعاب 50.000 كلمة في الدقيقة ... وكلنا ما نكون اسرع كل ما نساعد العقل يفهم اكتر ويستوعب ..

- الاعتقاد بوجوب قراءة كل حرف في الكتاب .. في كتب ممكن متحتاجيش تقري فيها غير فصل او اتنين ...

- السرحان ... التركيز بيفرق جداً في السرعة ..
امسكي سبحة مثلا في ايدك او اي حاجه ... وركزي فيها : برودتها - لونها - تقطيعة الحبات - الخ الخ ..... او ركزي في صورة قدامك ومتشيلش نظرك عنها ... لازم تركزي في الكتاب زي كدا .. وتنعزلي عن العالم ...

- خصصي لنفسك وقت معين للقراية .. او هدف قبلها .. مثلا حددي انك هتقعدي تقري 5 فصول من الكتاب في ساعة مثلا .. او انك هتقري الكتاب دا في يومين ... دا هيخليكي تنجزي

- مش كل الكتب او المعلومات تتقري بسرعه واحدة ... نوعي سرعتك حسب المقروء .. مثلا فقرة فيها معلومة عارفاها ... مش زي فقرة فيها معلومات جديدة ..

- قبل قراية اي كتاب .. اتصفحيه ع السريع ... اقري الفهرس .. شوفي ايه الاسئلة اللي عاوزة تعرفيها في كل فصل .. اقري فقرة ولا اتنين من كل فصل ... عشان تحسي انك عارفاه .. او انك بتدوري علي اجابة اسئلة ودا بيسهل ويخلي القراية امتع ..

=============
يعني الكلام كتير في القراءة السريعة ... بس دي حاجات مبدئية هتساعدك قبل التدريبات كمان والتعمق اكتر وهتحسي بالفرق جدا

212

Hebatullah wrote: "212"

مبروك ...
زي ما قولنا من اول 200 يعتبر متوسط ...
اقري الرد بتاعي اللي قبلك علي طول ...

هيفرق معاكي كتير

ايوة بس انا فعلا شايفة ان القرأة ببطء وتمعن وصوت مسموع أجدى!!!

Hebatullah wrote: "ايوة بس انا فعلا شايفة ان القرأة ببطء وتمعن وصوت مسموع أجدى!!!"

كلامك صح طبعاً ... بس امتي وليه ؟؟

الكلام دا لو بتقري قراءن .. او شعر او روايات ... وبعدي محدش قال ابدااا اننا هنقرأ بسرعه واحدة ! لا طبعا

القراءة بتبقي بسرعات مختلفة حسب المادة المقرؤة .. ابطأ لما يكون فيه معلومة جديدة مثلا ..

وع الاقل لو مش هنزيد سرعة قرايتنا .. فلازم نتخلص من عيوب القراية وتضييع الوقت ...

داحنا قدامنا جباااااااااال لازم تتقري

Agree with u

أنا كمان نفس سرعة هبة بالقراءة 212 بالظبط .. بس كل مشكلتي بالتركيز بسرح كثير لدرجة اني ممكن أترك القراءة معلقة ،
ثانياً الشك كل فقرة أعيد قرأتها :(

عطـر النون wrote: "أنا كمان نفس سرعة هبة بالقراءة 212 بالظبط .. بس كل مشكلتي بالتركيز بسرح كثير لدرجة اني ممكن أترك القراءة معلقة ،
ثانياً الشك كل فقرة أعيد قرأتها :("

دول اكبر مشكلالتتين بيعطلونا في القراية .. وارجعي لردي علي زوزو فوق ...

بس بالتدريج هتتحل المشكلة ...
اولا التركيز :-
ادربي ع التركيز بطرق كتير .. زي مثلا انك تمسكي غلاف الكتاب وتركزي عليه وتحاولي متشيليش نظرك عنه ...

وانتي بتصلي .. الخشوع في النهاية عبارة عن تركيز ... فحبة حبة حاولي وصلي لقمة التركيز في الصلاة .. بدافع ايماني ع الاقل ... ولو في اصوات او تليفزيون مثلا وانتي بتصلي حاولي بالتدريج تنفصلي عن العالم وهتوصلي ان شاء الله بالصبر لقمة التركيز ..

اكيد درجات التركيز بتختلف من كتاب لكتاب .. مثلا لو بتقري رواية ممتعة تركيزك واندماجك فيها بيزيد . حاولي تعيشي في جو الكتاب وتندمجي

القراءة المتفاعلة ... ان القراية غلط نعتبرها حديث من طرف واحد .. لازم نفكر واحنا بنقرأ وكأننا بنتكلم مع المؤلف وبناقشه .. معاكي قلم رصاص وتحطي علامات او تكتبي افكارك او اسئلتك .. هتحسي باثارة اكتر وهتركزي اكتر ...

========================
المشكلة التانية : الخاصة بالشك والتراجع في القراية

خدي قرار من دلوقتي انك هتثقي في عقلك ... التراجع دا مرتبط بالمشكلة الاولي وهي عدم التركيز .. فلو حلتيها هتبقي اتخلصتي من معظم مشكلة الشك دي كمان ...

ثقي في عقلك ولو شكيتي مترجعيش خليكي مصرة تكملي لانك فاهمه فعلا بس كلنا بيحصل معانا كدا ... وبالتدريج هتخلصي منها

== علاج التراجع الفعال
لو مشكلة التراجع او الشك مضايقاكي او بتحصل كتير ... فليها حل فعال جدااا

استخدمي فكرة الدليل .. بانك تمشي بصباعك او ماوس الكمبيوتر او اي حاجه تانية ع السطور ... ااه زي الاطفال لو هتقولي كدا ... تقدري تعملي كدا بحاجه رفيعه ودا مش عيب خصوصا لو لوحدك ومن اكتر الوسائل المفيدة لسرعه القراية وعدم التراجع وهتحسي بالفرق لما تجربي ...

======================= كفاية كدا وربنا يقدرك وتكوني قريتي كل اللي فات .. واتمني اكون ساعدتك باي حاجه

اه انا كل مره188 يارب العلاج ده يجيب نتيجه معايا

Amal wrote: "اه انا كل مره188 يارب العلاج ده يجيب نتيجه معايا"

اقرى بعنيكى بسسسس من غير اى صوت .. وافتكرى انك بتقرى مش بتذاكرى

Ahmed wrote:

اقرى بعنيكى بسسسس من غير اى صوت .. وافتكرى انك بتقرى مش بتذاكرى"

صعبه اووى بجد انا اول مره الاحظ كده .. مفروض انه الجمله معناها وصلي خلاص بس لازم اكملها قرايه للاخر برضو وده بيعطل كتيير .. بدات المس اول الخيط ههههههه

واااااو النتايج مذهله مع القاعده دى على فكره المعدل بقى 240 وفاهمه المعنى بنفس الدرجه برضو

Amal wrote: "Ahmed wrote:

صعبه اووى بجد انا اول مره الاحظ كده .. مفروض انه الجمله معناها وصلي خلاص بس لازم اكملها قرايه للاخر برضو وده بيعطل ك..."

Amal wrote: "واااااو النتايج مذهله مع القاعده دى على فكره المعدل بقى 240 وفاهمه المعنى بنفس الدرجه برضو"

برافو عليكي ... دا اول الخيط فعلا اللي مسكتيه ..
لو عديتي علي فقرة فاهماها اقريها بسرعه او عديها اصلا .. مش كل حرف لازم يتقري

عينك بتقرا بين الوقفات والحركة ... ولازم تتعلمي في كل وقفة تلقطي اكتر من كلمة سوا ...

والحمد لله ان النتيجة ارتفعت اهو بسرعه ... ركزي اكتر وجاهدي نفسك في موضوع القراية بدون صوت

=== حتي ترديد الكلام في عقلك بطليه ... امضغي لبانه لو الموضوع صعب وهو صعب في الاول لحد ما تتعودي .. وخلي عندك ثقة في عقلك زي ما قولنا قبل كدا .. وجو اوووون

Dina wrote: "المره التالته : 762

المره الرابعه : 948

المره الخامسه : 878

المره السادسه : 926

تصدق فعلا حاسه انى بزيد

المتوسط الجديد :865 :)"

بسم الله ما شاء الله ... الله اكبر
شغااااااااااااال يونيفرسال هههههههههه

اولا : استمري ... بس عاوز اقولك حاجه .. وفري شوية قطع منهم بقا لبعدين عشان هتعملي شوية تدريبات وتتعمقي في الموضوع اكتر ... وترجعي تقيسي سرعتك ...

ثانيا : ناقص بقا تجربي سرعتك كمان في الانجليزي ... وفيه برامج كتير انجليزي روعة .. وفيها تدريبات للعين واختبارات .. زي
EyeQ
وابقي نزليه تورنت احسن عشان تجيبي نسخة كاملة

ثالثا : جه الوقت تمسكي كتاب من كتب القراءة السريعة وتكملي الناقص ... وتاني ارشحلك نفس الكتابين ... وادي كتاب توني بوزان عشان ميبقاش ليكي حجه

http://www.4shared.com/document/6wRQg...


رابعا : ربنا يوفقك كمان وكمان وترفعي راس الايجبشين جو ريدرز اكتر واكتر

Dina wrote: "الحاجه الوحيده الرخمه بصراحه هى القطع نفسها ..حاسها بايخه بذات عشان فيها تنميه ذاتيه و انا مش بحبها لكن هاعمل كده فعلا

فعلا هاجرب موضوع الانجليزى لانه هينفعنى فى الدراسه ...

و حملت الكتاب ......"

القطعه بايخه فعلا ... وهتلاقي في كتاب بوزان قطع برضو ... ولما تخلصي كلو ابقي اقولك حاجه ظريفة تعملي بيها اختبارات لنفسك ...

يلا بقا شدي حيلك في الكتاب ... ويارب توصلي لاكتر من الف ... وفيه كتب تانية هقولك عليها لما تخلصي دا لو حابة تعرفي اكتر ...

== القراية السريعة كنز فعلا .. وكلنا نقدر نستغلها ...

ان شاء الله ندخل مسابقات سرعة وتمثلي الايجيبشاين جود ريدرز بقا
:)

137 فعلا موقع جميل جدااا

Yota wrote: "137 فعلا موقع جميل جدااا"

ازيك يا ايه ..
ياريت تقري كل الردود اللي كاتبينها فوق ... ولو فيه اي تساؤل اتفضلي ..

علي فكرة لو قريتي ونفذتي الكلام حتي لو مش كله هتوصلي بسرعه جدا لاكتر من 300 ان شاء الله

وصلت ل190 كلمه فى الدقيقه الحمد لله و شكرا يا احمد بجد معلومات قيمه جداااااااااااااا

Yota wrote: "وصلت ل190 كلمه فى الدقيقه الحمد لله و شكرا يا احمد بجد معلومات قيمه جداااااااااااااا"

الحمد لله .. ولسه يا ايه ..
احنا لسه يا دوب بنسخن .. مدخلناش في الجد .. ولسه في كلام كتير في القراية السريعة .. شدي حيلك بقا وهتشوفي بنفسك ازاي مستواكي بيتقدم

196 :) من اول مره دا حلو ولا ايييييييييييه؟

وتاني مره 306 :)

Basma wrote: "وتاني مره 306 :)"

اهلا بيكي يا بسمة ...
نقدر نقول ان المتوسط بتاعك كدا
250

هو اقل من 200 يعتبر قراءة بطيئة .. والمتوسط من 240 واكتر ... قدامك فرصة كبيرة تشتغلي علي سرعة قرايتك ... وتنميها لاكتر من الضعف ..

اقري الردود اللي فاتت فيها كلام كتير مهم وناس كانت سرعتها قليلة وزادت بخطوات بسيطة ...

واي اسئلة عندك .. اطرحيها وهنجاوب عليها ان شاء الله

الحمد لله عرفت اوصل :) منورين ياحلي قريرة

Madiha wrote: "الحمد لله عرفت اوصل :) منورين ياحلي قريرة"

منورة يا مس مديحة ... مستني نتيجة اخبار حضرتك .. ومتنسيش تقري المناقشة والردود ...

340

من أول مرة
587

بالمناسبة القطعة اللى قرأتها لا بأس بها :)
اسمها خطوة رائعة نحو النجاح

Manar wrote: "من أول مرة
587

بالمناسبة القطعة اللى قرأتها لا بأس بها :)
اسمها خطوة رائعة نحو النجاح"

مبروك يا منار ..
وتقدري تعملي كام اختبار تاني وتطلعي المتوسط ..

مادام 587 يبقي كويس جدا .. واكيد كدا معندكيش عيوب القراءة الاساسية زي

- القراءة بصوت ..
- التراجع وقراية الجمل مرة تانية
- عدم التركيز

ولو كان فيه اي حاجه منهم .. ارجعي للردود وهتزيدي معدل قرايتك بسهولة ان شاء الله ..

لو مكانش فيبقي قدامك مشوار وتعمق في القراية السريعة ... وهتتقدمي بسرعة ان شاء الله .. وان شاء الله هنعملها مواضيع مخصوصة او فعاليات اكتر

300

يا مسهل

Amal wrote: "300

يا مسهل"

بسم الله ماشاء الله ... نتمنالك مزيد من التقدم ...

انا جالي 234 كلمه ده ايه سريع ولا بطء

Shayma wrote: "انا جالي 234 كلمه ده ايه سريع ولا بطء"

لا مش بطئ .. اقل من كدا هو اللي بطئ .. كدا سرعتك متوسطة ... اقري الردود اللي فاتت وان شاء الله هتعلي المعدل دا بسرعه جدا ... ولسه فيه دروس وحاجات تانية هنكلم فيها هترفع سرعتك جدااااا

واي استفسار تحت امرك

175 :D

انا جيبت 300 بالظبط ..بس كنت بسمع مزيكا ..:D :D

Abdelrahman wrote: "175 :D"

لسه فيه اكتر .. شد حيلك

Toka wrote: "انا جيبت 300 بالظبط ..بس كنت بسمع مزيكا ..:D :D"

مبروك يا توكا .. جرب بقا مرة تانية من غير مزيكا وفرحنا اكتر

273 >> دى أول مرة ف قطعه عوامل النجاح , دا يبقى كويس ولا أيه !!؟
بصراحه انا مش فاهمه أوى هوا انا المفروض أقرأ كل القطع ف وقت واحد و أجيب المتوسط ولا قطعه واحده كذا مرة و اجيب المتوسط ليها !!؟

El.engnera wrote: "273 >> دى أول مرة ف قطعه عوامل النجاح , دا يبقى كويس ولا أيه !!؟
بصراحه انا مش فاهمه أوى هوا انا المفروض أقرأ كل القطع ف وقت واحد و أجيب المتوسط ولا قطعه واحده كذا مرة و اجيب المتوسط ليها !!؟"




اكتر من 250 دا متوسط القراءة الجيدة ..
وفي المرحلة دي ولحد 300 بيبقي معطلنا شوية حاجات .. شرحتها في الردود هنا ... زي
- التراجع بالعين والشك في عدم الفهم
- السرحان وعدم التركيز
- القراءة بصوت مسموع .. او صوت داخلي
- عقدة قراية كل حرف .. او كلمة كلمة .. وعدم الثقة في قدرت العين والعقل

بالنسبة لسؤالك
مش كل القطع طبعا .. تقري قطعتين تلاته او اكتر .. كفاية

420

Bassant Elsawy- wrote: "420"

بسم الله ماشاء الله ...
شدي حيلك لسه فيه اكتر ... واقري الردود اللي فاتت فيه كلام وكتب ممكن تقريها وحاجات كتير نعملها توصلي بيها لـ 1000 كلمة في الدقيقة واكتر ان شاء الله

483

573 ده المتوسط :)؟

510