Dar El Shorouk discussion

اقترح أن يكون هذا الموضوع مخصص للاقتراحات، أو الاستفسارات، الموجهة من الجمهور إلى دار الشروق.

وأول اقتراح مني للدار.. ما رأيكم لو اصدرت الشروق بطاقات عضوية، لا أعني عضوية حقيقية بل شيئ مثل تلك الموجودة في ألف أو ديوان، أو غيرها من المكتبات؟

للعلم في فعلاً بطاقات عضوية للشروق أنا عاملها

كيفية عملها

بتتعمل في اي مكتبة من مكتبات الشروق يمكن يكونو موقفينها دلوقتي اتصلي واسئلي

ايه هى مميزات العضوية فى الشروق او الف او ديوان؟

في ألف أو ديوان بتجمع نقاط على كل حاجة بتشتريها، وبعد فترة النقاط دي بتصرفها كخصومات أو هدايا وهكذا.. إنما الشروق مش عارفة بالضبط نظامهم، دي اول مرة اسمع ان لهم كروت عضوية اساسا..

الشروق زي الباقيين جأنك بتاخ جنيه هدية على كل عشرة جنيه زلمما تجمع مبلغ ممكن تشتري بيه كتاب وبالنسبة لفرع ستي ستارز بتاخد خصم عشرة في المية

طيب ممكن العنوان ورقم التليفون لانى من خارج القاهرة

لا ماما قالتلي متديش عنوانك ورقم تليفونك لحد

بهزر طبعا
القاهرة (وسط البلد): 1 ميدان طلعت حرب | تليفون: 0223912480 - 0223930643

القاهرة (مدينة نصر): سيتى ستارز مول - الدور الأول - مدخل 7 | تليفون: 0224802544
القاهرة (الزمالك): 17 شارع حسن صبري
القاهرة (المطار): صالة سفر 2،1 و صالة وصول 2،1
الجيزة: فرست مول – 35 شارع الجيزة | تليفون: 0235735035 - 0235685187
الجيزة (المهندسين): 26 شارع محمد كامل مرسى | تليفون: 0233361707 - 0233361774
طريق القاهرة الإسكندرية الصحراوى: واحة عمر | تليفون: 0101633711
الاسكندرية: سان ستيفانو مول | تليفون: 034690370 - 0101633685

اوك شكراا جزيلا

عزيزتي الشروق.. تحية طيبة وبعد..

أرجو منكم الانتباه إلى الفرق بين الـ "ي" (ياء) و الـ "ى".(الألف المعكوفة). لقد لاحظت عدم التفريق بينهم في كل الكتب التي لدي من الدار، و عدم التفريق لا يريح القارئ و يثير الانزعاج

شكراً مقدما على الاهتمام ..

أتمنى أن يكون متاح قريبا طلب الكتب عبر الموقع الإلكتروني وإيصالها إلى المحافظات كما هو الحال في مكتبة أ

Ahmad wrote: "عزيزتي الشروق.. تحية طيبة وبعد..

أرجو منكم الانتباه إلى الفرق بين الـ "ي" (ياء) والـ "ى".(الألف المعكوفة). لقد لاحظت عدم التفريق بينهم في كل الكتب التي لدي من الدار، وعدم التفريق لا يريح القارئ ..."

أحسنت، نفس ملاحظتي وهي متعبة جدا

جليس wrote: "Ahmad wrote: "عزيزتي الشروق.. تحية طيبة وبعد..

أرجو منكم الانتباه إلى الفرق بين الـ "ي" (ياء) والـ "ى".(الألف المعكوفة). لقد لاحظت عدم التفريق بينهم في كل الكتب التي لدي من الدار، وعدم التفريق لا ..."

في الحقيقة هي طريقة لغوية صحيحة للكتابة تسمى المدرسة المصرية و هي لا تفرق بين الياء و الألف اللينة فتكتب كل كلماتها الفا لينة لا منقوطة على عكس المدرسة الشامية بالكتابة اللتي تحرص على التفرقة المنقوطة بين الاثنين

اتمنى ذلك...اتمنى اتباع المدرسة الشامية

Ali wrote: "اتمنى ذلك...اتمنى اتباع المدرسة الشامية"

أنا أيضا ارجو اتباع المدرسة الشامية لأنها الأدق، خاصة في تسهيلها لاستيعاب الكلمات أو الأسماء المترجمة من اللغات الأجنبية.

عزيزتي الشروق.. تحية طيبة وبعد

هو مش حرام لما تبقى الرواية بـ 40 جنيه؟!!

Mahmud wrote: "عزيزتي الشروق.. تحية طيبة وبعد

هو مش حرام لما تبقى الرواية بـ 40 جنيه؟!!"

يا سلام عليك.. هو ده الكلام
يا ريت حتى لو يبقى في نسخ أقل جودة شوية تساعد إن الواحد يقرا بالـ100 جنيه اللي بيدفعها خمس كتب بدل اتنين تلاتة

بالظبط يا د.إسلام .. كل دار النشر العالمية بتعمل كده .. تخيل لما تشتري روايتين واحدة أجنبي مطبوعة فـ الـ penguins - دار نشر محترمة برضه - و رواية عربي طباعة الشروق و يبقوا الاتنين نفس السعر - مع فرق مصاريف الشحن و الجمارك و الحاجات دي - .. يبقى أكيد إحنا عندنا مشكلة !

Eslam wrote: "Mahmud wrote: "عزيزتي الشروق.. تحية طيبة وبعد

هو مش حرام لما تبقى الرواية بـ 40 جنيه؟!!"

اه فعلاً حرام والله هو احنا بنقبض كام 40 جنية

Eslam wrote: "Mahmud wrote: "عزيزتي الشروق.. تحية طيبة وبعد

هو مش حرام لما تبقى الرواية بـ 40 جنيه؟!!"

يا سلام عليك.. هو ده الكلام
يا ريت حتى لو يبقى في نسخ أقل جودة شوية تساعد إن الواحد يقرا بالـ100 جنيه اللي..."

بالضبط ..
الشروق جعلت القراءة ليست للجميع و إنما للأغنياء فقط

اسعار الاصدارات غالية اوى .. يعنى انا لا شايف اننا شعب مرفه ومستوانا المعيشى مرتفع اوى عشان نصرف ع الكتب..
ولا احنا مقطعين الدنيا قراية.. يا ريت من منطلق مسئولية اجتماعية نراعى شوية موضوع الاسعار ده.. الناس مش بتقرى اصلا ف ما تتطفوش الشرذمة الباقية اللى بتقرى !!

Basem wrote: "اسعار الاصدارات غالية اوى .. يعنى انا لا شايف اننا شعب مرفه ومستوانا المعيشى مرتفع اوى عشان نصرف ع الكتب..
ولا احنا مقطعين الدنيا قراية.. يا ريت من منطلق مسئولية اجتماعية نراعى شوية موضوع الاسعار د..."

u`re right .....احنا مش شعب مرفه ...بلاش الجشع اللى عند دور النشر ده ...دى ثقافه يعنى قبل الاكل والشرب الشعب مش لاقى ياكل هيلاقى يقرى ازاى ....

Basem wrote: "اسعار الاصدارات غالية اوى .. يعنى انا لا شايف اننا شعب مرفه ومستوانا المعيشى مرتفع اوى عشان نصرف ع الكتب..
ولا احنا مقطعين الدنيا قراية.. يا ريت من منطلق مسئولية اجتماعية نراعى شوية موضوع الاسعار د..."

فعلاً عندك حق .. فى مبالغة فى اسعار دار الشروق , انا آخر رواية اشترتها من إصدار دار الشروق كانت بـ50 و صعقت من السعر لكن اضطريت اشتريها بدل من الإحراج من البائع لرفضى الرواية بسبب السعر !

Basem wrote: "اسعار الاصدارات غالية اوى .. يعنى انا لا شايف اننا شعب مرفه ومستوانا المعيشى مرتفع اوى عشان نصرف ع الكتب..
ولا احنا مقطعين الدنيا قراية.. يا ريت من منطلق مسئولية اجتماعية نراعى شوية موضوع الاسعار د..."
فعلا عندك حق..بس الناس مش حتبطل قراءة..دلوقتى الكتب بتتسرق و بتتباع بنصف ثمنهاو أكيد بيكسبوا كويس مادام سوقهم رائج و مستمرين فى سرقتهم

بس دور النشر ماتستغربش و تشتكى بعد كده من القرصنة..المشكلة بدأت من عندكم أساسا

بصراحة الناس عندها حق..أنا بشتري كتب كتير ولما بدخل الشروق ببقى عاملة حسابي مشتريش أكتر من كتابين وبمسك نفسي عن حاجات كتير حلوة وأحاول أفاضل بينهم وأشوف الأهم فالمهم..مع إن الأصل في القراية مش الفلوس ومينفعش الواحد يحس ان الثقافة ممنوعة عنه بسبب الفلوس

قرأت مسرحية السلطان الحائر لتوفيق الحكيم وتقييمى لها هو العلامة الكاملة لكن فى نفس الوقت على أن أقيم دار الشروق التى وإن كانت أعادت نشر المسرحية إلا أن الزوائد التى لا علاقة لها بالمسرحية والتى عبارة عن إشادة بعض الصحف من دول غربية بمسرحيات أخرى لتوفيق الحكيم أفقدنى نشوة وفرحة قراءة هذه المسرحية! ولا أدرى ماهو الدافع هل هو دعاية لتلك الروايات؟! فإن كان ذلك فإن قراءة السلطان الحائر كافية لجذب القارئ للبحث عن الإستزادة مما كتب!
أم أن الشعور بالذنب تجاه سعر الرواية مقارنة بعدد صفحاتها الفعلية البالغة 133 صفحة جعلها تسعى لزيادة الصفحات

علاماااااااات استفهام كتير,مش بس على مستوى الاسعار,لا حتى على الجانب الاحترافى فى التعامل مع رواد المكتبات ومتابعة الاصدارات الجديدة,بقالى قرن"او يمكن اكتر شوية"بسأل فى فرع طلعت حرب على رواية علاء الاسوانى الجديدة,ومفيش رد لا مفيد ولا مقنع,لدرجة انى فكرت اكتبها انا مادام مش راضييين,يعرفونى اى حاجة بخصوصها..لازم يكون فيه همزة وصل بين الادارة والمطابع والتوزيع,ياجماعة انتوا المفروض اكبر دار نشر فى مصر,بجد مينفعش,منك لله يا مرسى:)))

انا جيبت معظم كتابات نجيب محفوظ من الشروق بصراحة اشتريت الصغيرين الاول لحد ماتشاهدت واشتريت الروايات الكبيرة زي الثلاثية وأولاد حارتنا وبصراحه الواحد بيضطر يقتطع من مصروفات تانيه عشان يكفي زي المواصلات مثلا والخروجات بس غلاف حلمي التوني يصعب مقاومته نفسي اعمله لوحات كبيرة واعلقها علي الحيطان

Reham wrote: "انا جيبت معظم كتابات نجيب محفوظ من الشروق بصراحة اشتريت الصغيرين الاول لحد ماتشاهدت واشتريت الروايات الكبيرة زي الثلاثية وأولاد حارتنا وبصراحه الواحد بيضطر يقتطع من مصروفات تانيه عشان يكفي زي الموا..."

بصراحة؟
انتي غلطانة
أي حاجة اتطبعت في دور تانية زي كده أنا لا يمكن أشتريها من الشروق
يعني لما تكون رواية لنجيب محفوظ بأكتر من عشرين جنيه، سعرها يجيبلي تلات أربع روايات لنفس الكاتب (من ضمنهم الرواية دي نفسها) من مكتبة تانية زي مكتبة مصر مثلا
ساعتها ما باجيبهاش من الشروق طبعا وباطلع الأول على مكتبة مصر أشوفها هناك

Eslam wrote: "Reham wrote: "انا جيبت معظم كتابات نجيب محفوظ من الشروق بصراحة اشتريت الصغيرين الاول لحد ماتشاهدت واشتريت الروايات الكبيرة زي الثلاثية وأولاد حارتنا وبصراحه الواحد بيضطر يقتطع من مصروفات تانيه عشان..."

انا لقيتهافي مكتبه الحكومة "الهيئة العامة للكتاب "في طنطا وده كان المصدر الوحيد مافيش غيره عندنا للأسف الا بقي الكتب القديمة وكنت بجيب اللي حالته كويسه من عند بتوع الكتب القديمة.الواحد ما بيتعلمش ببلاش برده

Reham wrote: "Eslam wrote: "Reham wrote: "انا جيبت معظم كتابات نجيب محفوظ من الشروق بصراحة اشتريت الصغيرين الاول لحد ماتشاهدت واشتريت الروايات الكبيرة زي الثلاثية وأولاد حارتنا وبصراحه الواحد بيضطر يقتطع من مصرو..."
عذرا لتدخلى فى الحوار ريهام بس حابة اسألك عن منافذ البيع عندك فى طنطا فين بالضبط وخصوصا دور الهيئة العامة للكتاب او بتوع الكتب القديمة ؟

Prettydidi wrote: "Reham wrote: "Eslam wrote: "Reham wrote: "انا جيبت معظم كتابات نجيب محفوظ من الشروق بصراحة اشتريت الصغيرين الاول لحد ماتشاهدت واشتريت الروايات الكبيرة زي الثلاثية وأولاد حارتنا وبصراحه الواحد بيضطر..."

اهلا بيكي وانا يسعدني أني افيدك.منافذ البيع الرسمية زي الهيئة العامة للكتاب موجود في ميدان الساعة.
ودار الكتب موجود في شارع القنطرة المتفرع من ميدان الساعة .

ودار الاهرام موجود عند المحطة في اخر شارع المديرية قريبا جدا من المحطة.
في كشك بتاع كتب داخل أسوار محطة القطر نفسها تلاقي فيه احدث الكتب والاصدارات بتاعه دور النشر الخاصة.
في مكتبة برده في شارع القاضي وده برده متفرع من ميدان الساعة هتلاقي المكتبة في شارع القاضي قريبا من تقاطعه مع سعد الدين بس مش فاكرة أسم المكتبة ،هي برده هتلاقي فيها الاصدارات الحديثة لدور النشر الخاصة .
طبعا الكتب الجديدة كلها بتبقي اشهر الكتب أو لاشهر كتاب دي بس اللي بتتوافر.

أما بالنسبه لأكشاك الكتب القديمة هتلاقيها خلف مبني المحكمة وتمتد لحد شارع المدارس
،الاكشاك دي بتفتح بالنهار بس لحد قرب المغرب واحد بس اللي بيفضل فاتح بالليل وده علي ناصية في شارع المديرية.

انا مش عارفة حضرتك تعرفي الشوارع دي ولا لا بس لو عاوزاني أشرحلك توصليلها ازاي انا موجوده.هي عامة كلها قريبة من بعض جدا وكلها بالقرب من السيد البدوي

Reham wrote: "Prettydidi wrote: "Reham wrote: "Eslam wrote: "Reham wrote: "انا جيبت معظم كتابات نجيب محفوظ من الشروق بصراحة اشتريت الصغيرين الاول لحد ماتشاهدت واشتريت الروايات الكبيرة زي الثلاثية وأولاد حارتنا و..."

جزاكِ الله كل الخير , ربنا يسعد أيامك ويريح بالك يارب
انا بالفعل اعرف بعض الشوارع هناك والبعض الاخر اسمعه للمرة الاولى وع العموم هسجل العناوين لحين ذهابى إليها
وزى ما بيقولو اللى بيسأل مايتوهش :)

الله

حرام الكتب اللي ب 70 جنية ديه!!!!