الرصيف رقم (3\4) فقط لغير العامة discussion

بما انى معنديش الجراة الكافية انى اقرا موسوعة ودايما بقول انى لو اشتريت موسوعة عمرى ما هقراها
فانا قررات اخد القرار الشجاع ده معاكم
:)
عايزين طول السنة نقرا موسوعة
نختار موسوعة كل سنة ونبدا نقرا فى اجزائها ونتناقش فيها
لو موافقين كل واحد يقترح موسوعة نفسه يقراها

عشان ناخد اصوات

جمال حمدان-شخصية مصر
4اجزاء
موسوعة رائعة

عندي رغبة بقراءة ( العقد الفريد ) لابن عبد ربه الاندلسي ... ولكني خائف منه لضخامته ...

شخصية مصر رهيبة.. بخطط لقرائتها, لكن حاليا بقرأ قصة الحضارة و مش راضية تخلص. قصة الحضارة معقولة و إن كان مش عاجبنى عنصرية ديورانت.

ترشيحى موسوعة المسيرى عن الصهيونية - شخصية مصر - دولة الإسلام في الأندلس لعبدالله عنان - مصر القديمة لسليم حسن

كل دى موسوعات عايزة تتقرى
طيب مبدئيا
شخصية مصر
العقد الفريد
الصهيونية للمسيرى
دولة الاسلام فى الاندلس
مصر القديمة
واضيف تاريخ مصر لعبد الرحمن الرافعى

Ahmed wrote: "شخصية مصر رهيبة.. بخطط لقرائتها, لكن حاليا بقرأ قصة الحضارة و مش راضية تخلص. قصة الحضارة معقولة و إن كان مش عاجبنى عنصرية ديورانت.

ترشيحى موسوعة المسيرى عن الصهيونية - شخصية مصر - دولة الإسلام في ..."

ارشح قصة الحضارة، وميزتها كمان انها موجودة اون لاين كاملة فأي حد ممكن يلاقيها..

أحمد أول مرة اسمع حد يصف ويل ديورانت بالعنصرية.. ليه شايفه عنصري؟

موسوعة فلسطين (موسوعه مصوره) للدكتور طارق السويدان اضعها من بين الاقتراحات

NG wrote: "Ahmed wrote: "شخصية مصر رهيبة.. بخطط لقرائتها, لكن حاليا بقرأ قصة الحضارة و مش راضية تخلص. قصة الحضارة معقولة و إن كان مش عاجبنى عنصرية ديورانت.

ترشيحى موسوعة المسيرى عن الصهيونية - شخصية مصر - دو..."

إبقى شوفى بيتكلم إزاى عن المسلمين و العرب.. دا الجزء بتاع الهند كان عبارة عن تشويه كامل لتاريخ المسلمين هناك. طبعا صعب أجيبلك إقتباسات لأن الكلام ده قريته فى ما يتعدى 5 ألاف صفحة و من سنتين.

Nashwa wrote: "كل دى موسوعات عايزة تتقرى
طيب مبدئيا
شخصية مصر
العقد الفريد
الصهيونية للمسيرى
دولة الاسلام فى الاندلس
مصر القديمة
واضيف تاريخ مصر لعبد الرحمن الرافعى"

كتب تاريخ مصر الحديثة لعبدالرحمن الرافعى ظريفة جدا و لابد من قرائتها. أتذكر إنى قريتها كلها من فترة.. و على الرغم من مواقفه الوطنية ضد الإحتلال إلا إنى كنت بلاحظ إنحيازه للحكام بدأ من الأسرة العلوية حتى قادة إنقلاب يوليو. أيضا كتب حمروش عن عسكر يوليو مهمة.. و إن كان بيدى القارىء إنطباع أن الأخوان هم سبب المصائب الكونية كلها.

للأسف من خلال قرائتى فى التاريخ بلاحظ دايما إن ما تقرأيه هو وجهة نظر الكاتب عن التاريخ و لا يوجد حيادية. ربما يكون الإستثناء هو المسيرى فحتى خلال حديثه عن أعداء الأمة يكون موضوعى و عقلانى للغاية.

Ahmed wrote: "NG wrote: "Ahmed wrote: "شخصية مصر رهيبة.. بخطط لقرائتها, لكن حاليا بقرأ قصة الحضارة و مش راضية تخلص. قصة الحضارة معقولة و إن كان مش عاجبنى عنصرية ديورانت.

ترشيحى موسوعة المسيرى عن الصهيونية - شخص..."

انا ما قرأتش الموسوعة قبل كده لكن أعرف من كتبات تانية لويل ديورانت ومن تعليقاته هو نفسه وغيره، حتى من العرب، على قصة الحضارة أنه من أشد المعجبين بالحضارة الإسلامية، وافتكر له تعليق في كتاب تاني تعليقا على قصة الحضارة بيقول فيه انه رغم اعترافه بالأهمية الشديدة للإسلام والحضارة الإسلامية والشرقية عموما في تاريخ البشرية إلا أن الموسوعة مخصصة للتاريخ الغربي أكتر فاضطر يختصر في تاريخ الإسلام.

عموما كويس انك نبهت للأجزاء دي، حتى لو ما قرأناش الموسوعة هابقى ارجع للقسم ده واشوف كتب فيه إيه.
:)

أنا بارشح برضه نبدأ بموسوعة شخصية مصر

Eslam wrote: "أنا بارشح برضه نبدأ بموسوعة شخصية مصر"

هي من إصدارات دار الهلال برضه؟
ممكن نلاقيها فين؟

أعتقد إن دار الهلال أصدرته فعلا
بس مش عارف إذا كان صدر من دور نشر تانية ولا لأ

NG wrote: "Eslam wrote: "أنا بارشح برضه نبدأ بموسوعة شخصية مصر"

هي من إصدارات دار الهلال برضه؟
ممكن نلاقيها فين؟"

كانت موجودة فى معرض الكتاب اللى إتعمل فى رمضان.. و قالوا إنهم هيصدروا نسخ جديدة فى معرض الكتاب القادم.

Ahmed wrote: "NG wrote: "Eslam wrote: "أنا بارشح برضه نبدأ بموسوعة شخصية مصر"

هي من إصدارات دار الهلال برضه؟
ممكن نلاقيها فين؟"

كانت موجودة فى معرض الكتاب اللى إتعمل فى رمضان.. و قالوا إنهم هيصدروا نسخ جديدة ف..."

فيه معرض في حديقة الأندلس، على النيل قدام الأوبرا.. بس ما عرفتش الاقي الهلال فيها.. احاول أسأل عليه هناك.

الطبعة للأسف رديئة جدا و الأعداد قليلة جدا.. لكن هنعمل إيه دار الهلال محتكرة كتب جمال حمدان

Ahmed wrote: "الطبعة للأسف رديئة جدا و الأعداد قليلة جدا.. لكن هنعمل إيه دار الهلال محتكرة كتب جمال حمدان"

هنضطر نشتغل بالمتاح..

طب سؤال يا جماعة هو ليه لازم نبتدى بحاجة طبعتها رديئة ونادرة اننا نجيبها ؟؟؟؟

الموسوعه فى دار الهلال ب 245 جنيه

طيب الاقتراحات حتى الآن:
1- جمال حمدان-شخصية مصر
2- ( العقد الفريد ) لابن عبد ربه الاندلسي
3- المسيرى عن الصهيونية
4- دولة الإسلام في الأندلس لعبدالله عنان
5- مصر القديمة لسليم حسن
6- فقصة الحضارة - ويل ديورانت
7- تاريخ مصر لعبد الرحمن الرافعى
8- موسوعة فلسطين (موسوعه مصوره) للدكتور طارق السويدان

إيه المتاح من دول أون لاين.. قصة الحضارة موجودة هنا:
http://www.civilizationstory.com/civi...

لو شخصية مصر متاحة أون لاين تبقى هايلة!
ممكن بعد كده نفتح تصويت.

Nashwa wrote: "طب سؤال يا جماعة هو ليه لازم نبتدى بحاجة طبعتها رديئة ونادرة اننا نجيبها ؟؟؟؟"

علشان جمال حمدان بيقول درر :)

ده من الكتب اللى ممكن تغير حياتك و إسلوب تفكيرك تماما.. أنا بعد ما قريت المقدمة قعدت متنح ساعة أستوعب الروعة و الفكر المصفى. بإختصار جمال حمدان يملك رؤية كاشفة

إقتراحى شخصية مصر بعدها موسوعة المسيرى ثم دولة الإسلام في الأندلس

Mohamed wrote: "الموسوعه فى دار الهلال ب 245 جنيه"

اهم حاجة تكون موجودة ولو كده ممكن نطلع القرشين من تحت البلاطة ونشتريها
هى موجودة ؟؟؟
ولو موجودة موجودة فين

Ahmed wrote: "Nashwa wrote: "طب سؤال يا جماعة هو ليه لازم نبتدى بحاجة طبعتها رديئة ونادرة اننا نجيبها ؟؟؟؟"

علشان جمال حمدان بيقول درر :)

ده من الكتب اللى ممكن تغير حياتك و إسلوب تفكيرك تماما.. أنا بعد ما قري..."

بصراحة اثرت فيا :)
بس المشكلة انى مبحبش الجغرافيا وانا قريت لجمال حمدان كتاب كله ارقام واحصاءات كتيرة كده اما اتشليت

شخصية مصر لحمدان ثم تاريخ مصر للرافعى ثم دولة الاسلام فى الاندلس

ها يا جماعة حد يقول هنشترى الموسوعة منين
اى اقتراحات لان شكلها هترسى ع شخصية مصر ولازم اعرف هشتريها منين لانى مش هقراها اكيد ع الكمبيوتر

Nashwa wrote: "Mohamed wrote: "الموسوعه فى دار الهلال ب 245 جنيه"

اهم حاجة تكون موجودة ولو كده ممكن نطلع القرشين من تحت البلاطة ونشتريها
هى موجودة ؟؟؟
ولو موجودة موجودة فين"

اى نعم موجوده من دار الهلال
بس فين ؟؟ الله اعلم
انا دورت عليها فى اماكن كتير آخرهم معرض الكتاب وملاقيتهاش .. واضح انها نادره فعلا ، وكمان غاليه :D