مقهي ريش discussion

ايه اللي بيخلي أي حد لو بعت طلب صداقة لحد ، خصوصاً لو ماكانش اتناقش معاه في أي حاجةو الطرف الاخر لم يقبل مهينة ، و ليه البعض بيعتبر
follow reviews
مهينة ؟

هو موضوع مش مهم بس عايزة أفهم الناس بتفكر ازاي

أنا مش شايفاها مهينة خالص
بالعكس أنا حاسة ان ال
follow
فيه احترام لقواعد حاططها الشخص الاخر ممكن يكون هوا مش حاسس اننا ممكن نكون أصدقاء أو مش عاوز يضيفني لأي سبب ساعتها بعمله
follow
وبحترمه أيا كان سبب الرفض
أنا مثلا مش بضيف أولاد ومعظم الأولاد اللي بيضيفوني مش بيعملوا
follow
فبحس انهم أخدوا الموضوع علي شكل اهانة اللي هوا انتي بقا مش عاوزة تقبليني طب أنا كمان مش عاوز أعرف حاجة عنك
:)

هو موضوع مهم جدا
أنا كمان من رأى إبتهال
أنا أضيف من تعجبنى قراءاته و اختياراته و أنسي
و كل كام يوم يخبرنى الموقع بقبول الصداقة فأتحير متى أضفت فلانة ? و هذا لإن الإضافة من عدمها حرية شخصية لا علاقة لها بإهدار الكرامة و لا الإهانة
ربما كان للرافض أسبابه التى لا تتعلق بك
و ربما رأى لك رأيا لا يوافقه
و ربما هو فقط حر فى الإختيار
أما عن الفولو فيحدث أن تأتينى إخبارات بأن فلان أو فلانة يتبع الريفيوهات الخاصة بى فلا أتعمد سؤال لماذا إذن لم اضيفنى
ربما هى مهتمة بما أقرأ فقط و لا تهتم بالستاتس أبديت و لا بحديثى مع الأصدقاء

انا بضيف اللي بيعجبني تعليقه
أو اللي اختياره للكتب شبه اختياراتي
وغالبا مش بحب أضيف اصدفاء فبكتفي بالـ Follow
أعرف الناس بتقرأ ايه جديد

الموضوع كله مشاركة فى نفس الإهتمامات أو تبادل معرفي وأنا لا أرى ان جودريدز يجب التفكير فيها بنفس نمط التفكير فى الفيس بوك فهنا التحديثات كلها تتعلق بكتب ولا تتعلق بأخبار عامة أو أخبار شخصية ولذلك أرى أننا لا يجب أن ننظرها لها بنظرة الصداقات بل هى مشاركة ويجب ان نعرف ماذا نريد منها. هذا الموقع بالنسبة لي فرصة رائعة لأعرف ما يقرأه الناس حاليا وخاصة الشباب وما هو تقييمه لهذا وبالضرورة أضافتهم لا تعني الصداقة الشخصية بل تعني المشاركة حول موضوع ككتاب أو تقييم أو مقولات.
فى أحيان كثيرة أحب أن أطالع أختيارات الكتب عند أخرين لأنه قد يضيف لي جديد لم أقرأه أو أفكر فيه وهذا هام جدا لأنني فى أحيان كثيرة أفكر فقط فى الكتب التى تستهويني وأنسى أن هناك كتب قد تستحق الأهتمام وألاحظ هذا كثيرا من تعليقات الأخرين عليها, يجب أن نفكر فى الموضوع بصورة أكبر من أنها شبكة تعارف شخصي بل هى شبكة تعارف معرفي فى المقام الأول.

أنا ككاتب أحب هذا الموقع لأنه يقربني أكثر من معرفة من يقرأ لي وهذه فرصة من المستحيل معرفتها بالطرق العادية ولكن هنا أستطيع أن أعرف الكثير عن هذا ويقربني منهم ومن أرائهم وتوجاهتهم.

أحيانا لا يعجبني أختيار البعض للكتب ولكنه بالضرورة هناك أشياء تكون مفيدة فى إختلافهم عني.

أتمني أن نشارك أكثر فى تعليقاتنا على الكتب حتى يستفيد مننا أخرون وأن نتشارك أكثر بفاعلية فما أجمل أن تجد أصدقاء جدد يشاركونك كتب أو يستفيدون من جديدك فى القرأة.

الفكره ان التفاعل على الجود ريد غير اى موقع اجتماعى اخر
بمعنى ان الاصدقاء هنا مش بتربطهم علاقات
لكن اهتمامات واراء
ده غير انى بلاحظ فرق كبير مابين الناس على الجود ريدز والناس على تويتر وفيس بوك
الهدف من الصداقه هنا بيكون تعرف على وجهه النظر الاخرى ,, حتى لو وجهه نظر معارضه واهتمامات مختلفه بيفضل دايما
انى اكتسبت فكره جديده
مش بحب الفولو
بس اللى بيضايقنى بجد

ان حد يكون حاطط سؤال وخاصه لو سؤال شخصى
وبعد مااجاوب عليه
لايقبل الاضافه
بعتبر وقتها ان الرفض شخصى
واهانه

شكراً لكم جميعاً على الاهتمام و المشاركة ،تبادل المعرفة لا يقف عند طلب الصداقة، أنا عن نفسي لا أجد غضاضة في
follow
فأنا أتبع 25 عضو حتى الان و لم أبعث لاي منهم طلب صداقة ، بعضهم أوافق على آراءه و البعض لا و لكن تحليلهم وافي في المجمل ، ماتكلمتش مع حد فيهم ، و اللي بحيصل و بدخل معاه في حوار او مناقشة ايجابية بيكون ده سبب في تكوين صداقة

أنا موافقة ان الصداقة هنا ليست بمفهومها في الواقع، و لكنها مازالت شكل من أشكال التواصل ، و من الأفضل أن أتبع أحداً من أن يضيفني ثم يزيلني (دي بقه بتضايقني) و ان كان في النهاية الناس طبائع

مساء الخير على الجميع .. أعجبني تعليق الزميل ياسر أحمد واشترك معه في كل النقاط التي ذكرها يجب أن نعي أن الجميع هنا لن يتكلفوا مشقة التسجيل هنا وإضافة الكتب إلا لهدف واحد وهو القراءة ولعمري هو أنبل وأجمل هدف في الحياة .. قد لا نشترك في الذائقة لكن لا يمنع أن نطلع على ماذا يقرأ الآخرين وطريقة تفكيرهم تجاه ما يقرؤون .. ذلك بلا شك سيقدم لنا فائدة من حيث لا نعلم
شخصيا لا أرفض صداقة أي شخص دامت الصداقة في محيط ماذا نقرأ ولماذا وكيف وهل

لذلك أرحب بالجميع أصدقاءا لي

مودتي

بالفعل الصداقة هنا مختلفة تماماً عن أى موقع أخر, عن نفسى قبل طلب الصداقة أو الموافقة عليها أقوم بألقاء نظرة على ما يقرأ فإن كان هناك ذوق متشابه عندهاأقبل الصداقة أو أطلبها, بالفعل الصداقة هنا مفيده جداً

كنت أفكر بنفس الموضوع من فترة. قبول جميع طلبات الصداقة ثقيل بالنسبة لي. أفضل صداقة من اتشارك معهم الذائقة القرائية وأميل لمتابعة من لا أتشارك معهم وذلك لأطلع على بعض المجالات اﻷخرى. يزعجني حقيقة اصرار البعض على الصداقة وعدم اكتفائهم بالمتابعة، خصوصا بعد رفضي مرارا وتكرارا لطلبهم.
خلاصة الكلام: المتابعة تفي بالغرض.

الموضوع هنا شايف ان طلب الصداقه ليست صداقه اجتماعيه بمعنى كلمة صداقه ان شايف ان طلب لصداقه ثقافيه عن الأراء نوعيه الكتب تبادل خبرات مش صداقه مثلا زى موقع الفيس بوك اللى الصداقه عليه صداقه اجتماعيه يعنى مثلا معظم اصدقائى هنا مفيش اى حاجه مشتركه بينا غير القراءه
وانا عن نفسى اى أضافه بتوصلى بشوف نوعيه الكتب اللى صاحب الأضافه مهتم بيها و لو فى اى توافق بينا بوافق على طول ... وكذلك انا بحاول اضيف الأشخاص اللى اعتقد اننى ممكن هستفيد من ذوقهم فى القراءه و خبرتهم أو بشوف انهم ضليه نوع من الأطلاع مختلف عن النوع اللى انا مهتم بيه بغرض توسيع دائرة معارفى

انا ما عنديش اى فرق بين الصداقه و الفولو هنا فى جودريدز
و الاصدقاء اللى عندى عارفين انى فى الحقيقه مجرد فولو
لان الصداقه هنا رمزية لا اكثر بسب اسلوب التواصل فى الموقع من ناحية
و بسبب عقلية الاعضاء فى الموقع اللى ما بيهتموش بالتعارف عن قرب او تعميق الصداقات من ناحيه لان ماحدش دماغه فاضية لكده

أنا بقالي في الموقع مدة طويلة نسبياً ، كان رلأيي في الأول مش فارقة ، بس أنا فعلاً قابلت نوعيات من البشر هنا أنا مش عارفة هي داخلة الموقع ده ليه

من حوالي 7 شهور كتبت تدوينة عن أنواع المشتركين في جود ريدز
http://3anhom.blogspot.com/2011/07/bl...
وفي خلال الـ 7 شهور دول اكتشفت أنواع تانية محتاجة تدوينة جديدة!!
المشترك الجديد هنا عادةً بيبقى متخبط جدا ، وممكن يضيف ناس كتير جدا في البداية (وده حصل معايا بالفعل) ، لحد ما يكتشف بعدها إنه فعليا لا يتواصل إلا مع قلة منهم ، وإن الجزء الأكبر صموت أو منعزل أو لا مبالي حتى !
يمكن أكتر نوع بيضايقني هو النوع اللي تسأله عن حاجة ميردش !
تبعت له رسالة بخصوص أي شئ ويطنش !
خاصةً لو بقاله مدة في الموقع وعارف يستعمله إزاي !
بصراحة .. لا أتردد في الريموف
:D
بالنسبة للفولو ، أنا مقّلة فيه جدا
مفيش غير 2 بس اللي عاملالهم فولو .. الإتنين أجانب
أفضل معهما الفولو عن الصداقة ، مع إن الأمر فعليا مش بيفرق كتير
وفي نفس الوقت لا أسمح لأحد بأن "يفولو مي" خالص
:D
لإن جزء ليس بالهين من تحديثاتي ليس له علاقة بما أقرأ فقط ، ولا أفضل إن ناس من خارج قائمة اصدقائي يتابعونه رغم أنفي بسبب خاصية الفولو

وحاليا في نوع جديد من الناس ظهر هنا .. الكذابوووووون
كاتب إنه قرأ دشيليون كتاب وهو مقراش ربعهم حتى ، ويُمكن كشفه بسهولة
بيعمل كده ليه ؟ دي أسبابها ممكن تكون كتير
بس النوعية دي انتشرت جدا مؤخرا
وفيه ناس مخدوعة فيهم جامد يعني
:S

انا اللي مش بافهمه فعلا اني ألاقي حد باعت لي طلب إضافة و ألاقي عنده مثلا عشرميت صديق (عدد كبير جدا فعلا) و تلاقي عدد الكتب 30 - 50 أو 100 بالكتير! طيب أضف كتب الأول و بعدين دور على الاشخاص على الأقل عشان تقدر تقارن بين آرائهم و آرائك و إذا كان فيه نقاط مشتركة بينكم و لا لأ! ده اللي فعلا مش بافهمه خالص!

و انا عن نفسي مش باقبل طلبات الإضافة غير لما بلاقي فيه نسبه تقارب في الأذواق لا تقل عن 60% عشان لو حبينا نتناقش مثلا او نعلق ابقى عندي تصور مسبق لنوعية العقلية و الشخصية اللي بناقشها .. غير كده لا أقبل طلبات الإضافة!

تدوينة لذيذة جدا , امتعنى فعلا , خصوصا موضوع العرايس والعرسان هذا مضحك . انا جديد جدا هنا فى الموقع بعد عناء الفيس بوك .

انا لاحظت فى التدوينه دى من اولها ربط ناس كتير بين شكل الصداقه هناوالفيس وتويتر
وده طبعا غير واقعى لاننا هنا متفقين اجمالا على اهتمام مشترك لجميع من سجل هنا بانه يحب القرأه ويستمتع بها
فانا اقبل اى طلب صداقه لانه بالتأكيد مفيد وليس مضر ربما يقرأ كتاب يجعلنى اقرأه لمجرد ذكر اسمه فقط فى اخباره
انا قرأت واحده من اجمل الروايات بسبب خبر عن اضافته الكتاب عند صديقه
واجد ان الصداقه هنا هى كالقرأه بالضبط تعرفك كل يوم على فكره وموضوع وافق جديد حتى لو كانت من خلال خبر قرأه احد اصدقائك لكتاب فيكفينى انا اعرف اسم الكتاب والكاتب على الاقل فهذا فى حد ذاته معرفه تستحق

انا متفقه مع الرأى اللى بيقول انه الموقع هنا له غرض اساسى ومشترك يجمع بين الاعضاء وهو القراءة والتقاء العقول ..
وبالنسبة لى طلب الصداقة من احد بيبقى عن طريق ريفيو ليه عن كتاب عجبنى..
وعن اللى بيقول قبول الصداقة بناء على الكتب اللى بيقرأها ف أعتقد بردوا انه لو احنا استمرينا على قراءة نفس الاراء والتوجهات مش هنطور ولا هنتعلم جديد ...فأنا شايفه انه بالرغم من توجهى الا انى بردوا اسعى و اضيف قارئى السياسة و الحقوق و قد يستهوينى تعليق يجعلنى اقرا كتاب يغير مفاهيم كثيرة...
شكرا للجميع

الاصطناع .. هو سمة العالم الافتراضي الذي نعايشه على الشبكة العنكبوتية
الكثير من الأولاد والبنات ينتظرون من خلال الشاشات إنعاش حالة القبول و الرضا عن الذات
وكما تفضل الجميع ... لا نحب أن يتسرب هذا النوع من السلوك إلى جود ريدز ، لنكن صادقين ونحن نختار و نتذوق و نستلهم ، ربما نصبح مثقفين و متحضرين

اسمحى لى أن أقول رأيى فى موضوعك
الصداقة فى جودريدز تختلف عن الصداقة فى فيس بووك فالثانى لا يمكن أن تضيفى أى أحد على صفحتك لسببين أولهما طبيعة الموقع ذلك أن صفحتك هناك قد تمتلىء بأشياء عن حياتك الشخصية والعائلية مثلا فلن تضيفى الا اصدقائك أو أقاربك ويمكن القليل من غير المعروفين شخصيا بالنسبة لكى اذا وجدتى اتفاقا فى الاهتمامات مثلا
السبب الثاتنى أن كثير من الناس تدخل الفيس بوك فقط للدردشة وتكوين صداقات جديدة وقد لا يروق للكثير هذا النوع وخاصة البنات
أما هنا فى جودريدز أنا مثلا فى بداية التحاقى به أضفت الكثير من الأصدقاء وكنت أقبل أى شخص يبعث لى بطلب صداقة وذلك لأن تقديرى للموقع ولمستخدميه أنه لن يدخل أحد لمجرد الدردشة وتضيع الوقت فحتما سأستفيد منه فى شىء وان حتى لم أتكلم معه مباشرة فان تصفحت كتبه مثلا يمكن أن أستفيد او أعرف كتابا لم أكن أسمع عنه فهنا منبع الاستفادة على الأقل بالنسبة لى ان لم تكن هناك مناقشات فى الكتب المقرؤة بالفعل
أما عن من يطلب صداقة للدردشة والكلام الفارغ فحدثت لى مرة واحدة هنا ومسحت هذا الشخص
عفوا للاطالة

انا بثق في كل الناس الموجودة على الجودريدز ولو اي حد بعتلي طلب صداقة بوافق فورا ولو بعت لحد طلب صداقة و ماوافقش الموضوع عندي عادي جدا وما بشيلش له اي طغينة بالعكس بعتبر ان ده حقه وان له ظروف و تفكير خاص بيه زي ما نفس الحق ليا انما كمان ..

مش ممكن ارفض طلب صداقة هنا ع الجود ريدز لأنه موقع مختلف تماما عن الفيس بوك .. الفيس بوك بالنسبة ليا موقع تواصل اجتماعى الاكونت بيبقى بالنسبة ليا شخصى ومش بحب اضيف اى حد معرفهوش ع الاقل يكون مابينا مناقشات قبل كده ،، اما الجود ريدز بالنسبة مكان رائع لتبادل الكتب ووجهات النظر والافكار بالنسبة للهواية اللى بعشقها " قراءة الكتب "