Hanan

“و العمر دايرة..
مقفولة صح ..
اولها..
نلقاه ف الختام”
― مصطفى إبراهيم, ويسترن يونيون فرع الهرم

“يا غنوة ما بتكملش
يا دمع يا محبوس
ليه كل ما أحلم حلم
بقى يتقلب لكابوس

بسأل ساعات نفسي
لو جيتي على بالي
هي الحقيقة صحيح !
مكانتش باينالي ؟

ولا ساعات بنخاف
نعرفها تجرحنا
ولا صدق نجانا
ولا كدب ريحنا

هنعيش بنتألم مـ الدنيا
طول ما احنا ،
بنبيع قلوبنا رخيص
وبنشتريه غالي ،،
يا غنوة ما بتكملش”
― مصطفى إبراهيم

“يا ناس يا عبط يا عشمانين..
ف فرصه تانيه للقا..
بطلوا اوهام بقي..
وكفايه أحلام واسمعوا..
عيشوا بذمه و ودعوا..
كل حاجة بتعملوها..
وكل حد بتشوفوه..
وكل كلمه بتقولوها..
وكل لحن بتسمعوه..
عيشوا المشاهد... كل مشهد..
زي مايكون الأخير..
واشبعوا ساعة الوداع ….
واحضنوا الحاجه بـضمير..
دا اللي فاضل مش كتير ….
اللي فاضل..
مش كتير”
― مصطفى إبراهيم, ويسترن يونيون فرع الهرم

“بعد طرحك من الحساب
للعساكر والكلاب والارانب والفيران
والاجانب والغيلان والارايل والقرون
والمرايل والدقون
اللي فاضل يا افاضل
...هو دا تعداد وحصر
للعيال اللي جبتهم
في الحلال الست مصر”
― مصطفى إبراهيم