Mahmoud

“منطق القلب منطق إنساني ، لا يختلف عليه الشرقي و لا الغربي و لا الأسود و لا الأبيض ، لا أهل الصحراء و لا أهل الجبال ,,, بينما يختلف عليه المسجد و الكنيسة ...بينما منطق المعبد هو منطق طائفي جماعي عُصبوي دائما ...منطق الفرقة الناجية و تراث الأجداد ، و السلف الصالح ...و لكن متى كان صالحا ؟ و هو قد علم الناس القتل و الصلاة في نفس المعبد ّ”
― عبد الرزاق الجبران, جمهورية النبي: عودة وجودية

“و لا سياسي و دبلوماسى
على الكراسى يحكم عليه”
― بيرم التونسي, المجموعة الكاملة لشاعر الشعب: بيرم التونسي

“من هفوه أو كلمه هايفه نتحمق ونقوم
نسب وندب ويقوم العراك بالشوم
وكل محموق وليه فرقه تقوم بهجوم
من قبل ما تعرف الظالم من المظلوم
ومنين نشوف العدل واللا السفينه تعوم
مادمنا فوق قلبها قاعدين لبعض خصوم
تضحك علينا الحدادى فى السما والبوم”
― بيرم التونسي

“يااهل المغنى دماغنا وجعنا

دقيقه سكوت لله

داحنا شبعنا كلام ماله معنى

ياليل وياعين ويااّه
ــــــــــــ

طلعت موضه غصون وبلابل

شابط فيها حزين

شاكى وباكى وقال موش عارف

يشكى ويبكى لمين

واللى جابت له الداء والكافيه

طرشه ماهش سامعاه

يااهل المغنى دماغنا وجعنا

دقيقه سكوت لله
ـــــــــــــــــــ

ردى عليه ياطيور بينادى

وارمى له الجناجين

وانت كمان يابور الــــوادى

قل له رايح على فين

قل له اياك يرتاح يابابـــــوره

ويريحنــــــــــا معــــــاه

ياهل المغنى دماغنا وجعنا

دقيقه سكــــــوت لله
ــــــــــــــــ

كل جدع فرحان بشبابه

يقول فى عنيه دمـــوع

ياللى جلبتى شقاه وعذابه

حلّى لنــــا الموضــــوع

طالع نازل يلقى عـــــوازل

واقفــــــــه بتستنــــــاه

ياهل المغنى دماغنا وجعنا

دقيقه سكوت لله
ــــــــــــــ

حافضين عشره اتناشر كلمه

نقل من الجـــــــــورنال

شوق وحنين وأمل وأمانــــــى

وصد وتيـــــــه ودلال

واللى اتعـــاد ينزاد ياخــــــــــوانا

وليل ونهــــــــار هـــوّاه

ياهل المغنى دماغنا وجعنـــــــــــا

دقيقه ســكوت لله”
― بيرم التونسي