Aĥmeď

“والكلب يصبح ديب .. جزار ويبقى طبيب
عسكر وحراميه .. ولا تار ولا ديَّه

عشان كده الثورات .. طول عمرها بتخيب
والنصب م الحكومات .. ع الشعب بالتنصيب !”
― نجيب سرور, أميات نجيب سرور

“الأوله آه على الجيش اللى راح ولاجاش .. وقالوا جوله
والتانيه سينا اللى راحت لليهود ببلاش .. ولا مقاوله
والتالته دايخين ما بين هواش وبين بكاش .. وعلاوله

الأوله مين يحقق والمحقق ديب
والتانيه داء الخيانه مش لاقيله طبيب
والتالته آه م الاهات .. يا جَرْح إمتى تطيب ! ... وعجبي”
― نجيب سرور, أميات نجيب سرور

“عقود عمل ع القفا بس العمل بره
هاجر وسيب البلد مفروشه للغربان
يعنى يا إما السجون يا الشنق يا الهجره
يا اما تهمه جنون يا العيشه ع الصلبان”
― نجيب سرور, أميات نجيب سرور

“وياما ثرنا وبقت ثوراتنا بالدَّوره
وف كل مره نلاقى النيل بقى إحباط
وننام ونصحى نلاقيها ثورة ع الثورة
ونعيده تانى وكل الركّ ع الخياط”
― نجيب سرور, أميات نجيب سرور