Ran

“والشاب من دول فاكر إنه هيتجوز سندريلا
وهيرجع الظهر يلاقي الأقزام السبعة خلصوا شغل البيت (وغسلوا المواعين) وهي الأميرة النائمة وهيصحيها بقبلة رقيقة
وهتقوم من النوم متسشورة وحاطة روج وﻻبسة جزمة.
وسقف التوقعات بيرتفع لفوق أكتر لما بتتكتب قصص الحب وكلام الحب مع صورة اتنين شكلهم حلو”
― حنان لاشين, ممنوع الضحك

“ما تزعلش
لو مرة حماتك قالت كلمة زعلتك
فوتها .. ما هي اللي علمت مراتك الفاتحة والصلاة
وابنك الكبير حفظها من أمه يعني كل سجدة من ابنك في ميزان حسنات حماتك”
― حنان لاشين, ممنوع الضحك

“ما تزعلش
من حماتك لما بتلومك ..
أصلها متعشمه فيك خير ومنتظره كلمة حاضر ...
يمكن كلامها غلط
ويمكن رأيها مش صح
بس أنت تقدر تطيب خاطرها
بكلمتين وبالعقل وتعمل اللي أنت شايفه صح.”
― حنان لاشين, ممنوع الضحك

“افهموها صح
الحب بين الزوجين ليس لها قالب واحد وﻻ نموذج متفرد كل زوجين لهما حالة خاصة من الاندماج والتفاهم والحب تختلف عن الآخرين
والسعادة مذاقها مختلف من شخصية لأخرى فلا تطبق تجارب الآخرين على نفسك.”
― حنان لاشين, ممنوع الضحك