Aiat Ahmed

“يأسك وصبرك بين ايديك وانت حر
تيأس ما تيأس الحياة راح تمر
أنا دقت من دة ومن دة وعجبي لقيت
الصبر مر وبرضه اليأس مر

عجبي”
― صلاح جاهين

“الأوله آه والتانيه آه والتالته آه

الأوله عيرونى . إن نا فلاح

والتانيه أزرع وأقلع اللى نام وارتاح

والتالته آه للى أحبه شط منى وراح

* * *

الأوله عيرونى ان نا فلاح – بدفيه

والتانيه أزرع وأقلع اللى نام وارتاح – فى دهبيه

والتالته آه اللى أحبه شط منى وراح – فى صبحيه

* * *

الأوله عيرونى ان نا فلاح بدفيه – وعيشى حاف

والتانيه أزرع وأقلع اللى نام وارتاح فى دهبيه – بمقداف

والتالته آه اللى أحبه شط منى وراح فى صبحيه – ما قال لى عواف

* * *

الأوله مش بإيدى دا قضا محتوم

والتانيه ومسيرها ناس تغرق وناس حتعوم

والتالته ميت هم يرحل ألف هم يدوم

الأوله آه والتانيه آه والتالته آه”
― بيرم التونسي

“الموت شيء مرعب ليس فى حد ذاته، ولكن بما يتركه للأحياء من بقايا حياة الراحلين”
― محمد المخزنجي, أوتار الماء

“يا شرق فيك جو منور... والفكر ضلام
وفيك حراره يا خساره... وبرود اجسام
فيك تسعميت مليون زلمه... لكن اغنام
لا بالمسيح عرفوا مقامهم... ولا بالاسلام
هي الشموس بتخلي الروس... كداهو بدنجان؟”
― بيرم التونسي