Toka

“هتقولوا قلة .. هنقولكوا بنقل ،،،
بنغربل الأوساخ .. و بنديهالكوا مدد ،،،
بتسيبنا ناس فى الشمس عشان تقف فى الضل ،،،
و سيدنا الحسين منصور .. عمره ما همه عدد”
― مصطفى إبراهيم, المانيفستو

“سَكت الكَلام في الحَلق
مع إنّ عندي كِتيرْ
و لقيتني زي الخَلقْ
نُسخة و مِش تغيير”
― رؤى جمال

“يا رب فكرني إن إنتا الشافي، وأنا بــ صحتي
وإنتا العاطي، وأنا معايا
وإنتا القوي، ويكون لسه فيّا حيل
وإنتا الكريم، لما آجي أعطي
وإنتا الموفق، من غير ما يكون عندي امتحان
وإنتا الهادي، من غير ما تتغير أفكاري
وإن إنتا الرحيم، وأنا مرحوم
وإن إنتا الرافع، من غير ما تذلني
وإن إنتا الباسط، من غير ما يتكعبل طريقي
وإن إنتا اللي بــ تختار لي الخير، وأنا مش محتار
..
وإن أنا إنسان .. وإن أنا عبدك”
― رؤى جمال, سن رشد