Mohąmmed

“صديقتي الهندية

مساء الخير يا صديقتي الهندية
اهلا بيكي ف دولة المتوحد
الخالي من عيوب الانتاج المعروفة
المتميز بعيوب جديدة
اهمها ضعف النظر
اهلا بيكي ورا سور الدولة العالي
اول بيت يمين هتلاقي يافطة عليها اسمي
ربان اعالي البحار
لو لقيتي قدام البحر قواقع
اعرفي ان البحر ف ضيافتي النهاردة
والرملة معناها اني وحيد

طول اليوم عنيا عالباب
ومش عايز ادخل حد
بس المشكلة اني سايبه مفتوح
وباقطع مشاوير جوه الفيلا
وارجع اقف قدامه بالساعات
وفي المسافة ما بين وقفتي والباب
طرقة فخورة بكل اللي عدوا منها وهما خارجين
مهزومين

انا المتوحد
اشهر سفاح في المدينة الفاضلة
واول واحد يرفض يكون معروف لانه عارف كل حاجة
انا بأثار الغرز اللي ف بطني
وبصدري المفتوح
وبكل الطاقة المغناطيسية اللي ف جسمي
بارحب بصديقتي الهندية
ومذهول من توقيت ظهورك في وقت مناسب لاي حاجة
لانتحار جماعي هيبدأ بدردشة أخوية
أو لدردشة أخوية ممكن تاخدنا لانتحار جماعي

ممكن كمان أحوال ألمسك
بقالي كتير مش قادر ألمس حاجة
ومحتاج أقفل الدايرة بحد يسحب مني الكهربا
عشان لما الدنيا تنور يقدر يشوفني صح
فاقدر اشوف نفسي ف عنيه

اهلا بيكي في الfull moon
بفستانك الهندي البسيط
وترددك الجذاب الواضح ف ابتسامتك الجميلة
أرجوكي اتعاملي كأنه بيتك
واوعي تخافي مني
المتوحد لا يؤذي أحد
يؤذي المتوحد نفسه فقط
أنا مش دراكولا
يمكن أكون متاهة وده أخطر
بس الحل سهل
ممكن متدخليش
أنا عمري مفرض متاهتي على حد
وأنا ساب الباب مفتوح
لأن المتاهة ف الآخر بتوصل للباب
اللي بالمناسبة لازم يكون مفتوح
والمتاهة سهلة
وانتي نفسك طويل
هوا البحر اللي فتح صدري
خللاني أنجذب دايما للي نفسهم طويل

أهلا بيكي
ولو دخلتي أستأذنك متقفليش وراكي الباب
وسيبي لي نفسك
صحيح أنا ربان أعالي بحار نظره ضعيف
بس أحلف لك
طول عمري ماشي في البحر بقلبي”
― عمر طاهر, قهوة وشيكولاتة

“شعب بغزالة اتخنق قلب التاريخ في يومين
لابس عباية جحا وهو صلاح الدين
بيكرم الأنبيا ويهزأ السلاطين
والفجر خيله وحبات الرمال عربه”
― تميم البرغوثي

“أوحش حاجة إنك تكون ما بتعملش حاجة ,لأنه هــ يبقى صعب تعرف هــ تخلص امتى .. !! ”
― عمر طاهر

“مستقبل الانسان ليس إلا سقف طموحاته”
― أحمد مراد, 1919