Eglal

“إلهى لا تعذبنى، فإنى مُقِرٌ بالذى قد كان مني
و ما لى حيلة، إلا رجائى لعفوك إن عفوت و حسن ظني
فكم من زلة لى فى البرايا، و أنت علي ذو فضل و مَنِّ
إذا فكرت فى ندمي عليها، عضَضت أناملي و قَرَعْت سِنِّي
يظن الناس بى خيرا،و إنى لشر الناس، إن لم تعف عني
أُجن بزهرة الدنيا جنونا، و أفنى العمر فيها بالتمنى
و بين يدى مُحتَبس ثقيل، كأنى قد دُعيت له، كأني
و لو أني صدقت الزهد فيها، قَلَبْتُ لأهلها ظهر المِجَنّ
مُحتبس : أى أن بين يديه منسكاً ثقيل الوطأة عليه كأنه قد دعي إليه و لكن الدنيا صرفته عنه”
― أبو العتاهية, ديوان أبي العتاهية

“إنسان .. أيا انسان ما أجهلك
ما أتفهك فى الكون وما أضألك
شمس وقمر وسدوم وملايين نجوم
وفاكرها يا موهوم مخلوقة لك؟
عجبى”
― صلاح جاهين, رباعيات صلاح جاهين

“يأسك وصبرك بين ايديك وانت حر
تيأس ما تيأس الحياة راح تمر
أنا دقت من دة ومن دة وعجبي لقيت
الصبر مر وبرضه اليأس مر

عجبي”
― صلاح جاهين

“ساعات أقوم الصبح قلبى حزين
أطل بره الباب ياخدنى الحنين
اللى لقيته ضاع
واللى اشتريته انباع
واللى قابلته راح وفات الأنين

وارجع واقول
لسه الطيور بتفنّ
والنحلايات بتطنّ
والطفل ضحكه يرنّ
مع ان مش كل البشر فرحانين

حبيبى سكر مر طعم الهوى
فرق ما بيننا البين ماعدناش سوا
حرام عليك يا عذاب
نبقى كده اغراب
ده البعد والله جرح من غير دوا

آدى اللى كان وآدى القدر وآدى المصير
نودع الماضى و حلمه الكبير
نودع الأفراح نودع الأشباح
راح اللى راح ماعدش فاضل كتير

ايه العمل فى الوقت ده يا صديق
غير اننا عندافتراق الطريق
نبص قدامناعلى شمس أحلامنا
نلقاها بتشق السحاب الغميق

وارجع واقول
لسه الطيور بتفنّ
والنحلايات بتطنّ
والطفل ضحكه يرنّ
مع ان مش كل البشر فرحانين”
― صلاح جاهين