Ayoub Fawzi

“ما بكتب اسمِك
ع ورق الشجر
بخاف من الخريف
يسافر بالورق للرصيف
وتبرد الأسامي عالحجر

ما بكتب اسمك على رمل الشواطي
بخاف يمر الخاطي
ويمحي اسمك
كأنوا ما عندو خبر

ما بكتب اسمك
ع نهورة الصيف
بتمرق متل الطيف
البيسافر، وما بيترك أثر

أنا، بكتب اسمك
ع خوفي
لأنو خوفي
بيضل ع غيابك، مطر”
― عيسى أيوب

“سألوا: يا شاعر شو الحبق؟
والعمر هلي ما انسرق
قلتلهن، شعر انمحى
بضحكة مرا.. وكاس العرق”
― عيسى أيوب