Ahmed Foušh

“المراية بعيدة جداً ،
و الطريق على مد شوفي ..
و الفضول اللي ف عنيا إني اشوفني ..
مداري خوفي ..
وصف كل الخلق ليا .. ليه تمللي عكس بعضه ؟
و كل وصف اتقال عليا .. ليه بييجي عكسه بعده ؟
حد شايف اني خايف .. غيره حاسس اني بايع ..
حبه فاكرين اني عارف .. حبة عارفين اني ضايع ..
طلعوا كل الطبايع ، الصفات الممكنة ..
و ارسموني بفرشة تايهة .. م الآراء و الألسنة ..
تطلع الصورة الغريبة ..لحد أصلاً مش هنا ..
و النتيجة كل مادا ..
صورتي تتلخبط زيادة ..
و أنسى أصل شكلي إيه ..
و للا نفسي أشوفني ليه ..
حد زيي بعد فترة ازاي يصدق غير عينيه ؟
نفسي أوصل للحقيقة ،،
قبل ما اوصل للنهاية..
نفسي أشوف صورتي الدقيقة ..
و لو دقيقة .. في المراية ..
و المراية ..
بعـيدة جداً ..
و الطريق على مد شوفي ..
و الفضول اللي ف عنيا .. إني اشوفني ..
مداري خوفي ..”
― مصطفى ابراهيم

“مش مهم انك تغير الكون... المهم انك تخلي الكون ما يغيركش”
― عمر طاهر

“أنا أحسن واحد يقنعك تحكي…

ومابيحكيش…

وأحسن واحد يقنعك تبكي…

...وما بيبكيش…

أنا أحسن واحد يقنعك تفرح….

وأحسن واحد يقنعك تجرح…

أنا أحسن واحد ميت….

يقدر يقنعك….تعيش…”
― مصطفى إبراهيم, المانيفستو

“أستمتع بالحاجات الصغيرة بكره هتعرف أنها كانت كبيره”
― عمر طاهر, جر ناعم