Haitham Elazap

“نفسي أجمع كل أحداث ما بعد الثوره بدءاً بتصريحات عكاشه ، لجنان عمرو مصطفى ، لهبل البرلمان ، لإخوانيه غاده ، لسلفيه سميه ، لخروج العسكر الآمن ، لتحصين قرارات الرئيس ، لكدب الإخوان ، لعك الدستوريه ، لهبوط الجنيه ، لــ أين البرلمان ، لـ هاتولي راجل وأحط كل ده في فيلم ثوري كبير بعنوان :
أحيييه يا بلد أحيييييييييه ..”
― خالد بيومي, واحد كمالة

“مصر حلوة بس في الكليبات”
― خالد بيومي, واحد كمالة

“ياخدوا من الضرايب اللي بيدفعها شعب مش لاقي ياكل ولا يشرب عشان يستضيفوا بيها ممثل يقولنا هو بيحب ياكل ايه ويشرب ايه ؟!! .. شوفت سفاله اكتر من كده !!..”
― خالد بيومي, واحد كمالة

“واحد شكله جديد عالفيس باعتلي عالإنبوكس وبيقولي"هو أنت تعرفني؟؟؟" .. قلت له "لأ معرفكشي" .. قالي لي "أصل انت بتظهرلي كتير عالجنب ضمن الأصدقاء المشتركين فقلت أكيد يعرفني" .. قلت له "لا والمصحف معرفكش" .. قالي "بس ده بيني وبينك 32 صديق مشترك" ..قلت له "و رب الكعبه معرفك" ..قالي "بص انا عملتك آدد عشان أنت كل شويه بتظهرلي في العمود اللي عالجنب ده فيمكن تطلع تعرفني" .. قلت له "يا مرحب يا سيدي بس للأمانه أنا معرفكش" .. قاللي " طب تعرف بقى واحد اسمه (محمود مش عارف ايه)" .. قلت له "لأ والله معرفوش" .. قالي "اصل انا لما عمتلك آدد لقيته ظهرلي ضمن الاصدقاء المشتركين فقلت اكيد يعرفني" .. قلت له "معرفوش و لو فضلت تضيف الناس بالطريقه دي هتلاقي نفسك بتتعرف عالفيس كله في خمس دقايق" ..قالي "طب أعمل ايه؟ بلاقيكو بتظهرولي كتير عالجنب كل شويه وأنا بزهق فبأضيفكوا وأقول يمكن يعرفوني" .. قلت له "طب طالما بتزهق مريحتش دماغك ليه و عملت لنا كلنا بلوك عشان منظهرلكش خالص عالجنب ده كل شويه" .. قالي "ما أنا خفت تطلعوا تعرفوني في الآخر فتدوروا عليا في الفيس تلاقوني عاملكوا بلوك فتزعلوا" !!!! قلت له فعلاً ..."الغَبـَــــاءْ لاَ دِيِنَ لـَــــــــــــه « ...”
― خالد بيومي, واحد كمالة