Sou Ahmed

“جرح البنت
اداوية بالبنت
وابرة بنج متهزمنيش تهزمني ايدين بترد الشيش تقتلني عيون بتبيع ببلاش
وابكي علي صاحب متهناش
وباقول ربنا يجعلني خفيف
علي بنت بتلعب بالالوان
علي بنت جنانها اصله حنان
وبقةل ربنا يرزقني النوم
يهاديني بمركب راحة البال
بمحل عطارة في باب اللوق
عربية حمص ع الكورنيش
مستشفي حكومي للاطفال
انا اصلي زهقت وقلبي
خلاص من كتر الحب بايلنه عليل
وجهازي العصبي مالوش توكيل
وعنيا مقاسها مالوش عدسات
وكنت باربي في كلب يتيم
وصحيت ولاقيته كلب ومات
انا اكتر واحد حب بنات
واحسن واحد ياخد بمب
وباسكر قبل ما يجي الشرب
واشرب افتكر العنوان
مره سالت عرفت كتير
واما عرفت احترت كمان
واما احترت بقيت انسان
واما خسرت بجد خسرت وقلت امنت
جرح البنت اداوية بالبنت
وابرة بنج متهزمنيش”
― عمر طاهر