4 ratings (4.75 avg)
0 reviews

Dina Khalaf

Add friend

Dina’s Bookshelves

to-read‎ (2)

currently-reading‎ (0)

read‎ (6)

did-not-finish‎ (0)

Stats | More…

“لو دامت فى إيد غيرك ..
مكنتش وصلتلك ..
حصلت لميت واحد ..
زى أما حصلتلك ..
علشان كدة بزعل ..
لكن مبتأزمش ..
و ساعات كتير بفرح ..
لكن ما بتعَشّمش ..
ف حاجات ما بتدوّمش ..
الدنيا سوق كانتو ..
مفيهوش حاجات زيرو ..
و زبونه أنا و انتوا ..
علشان مفيش غيره ..
و انتا زبون عادى ..
ف مفيش حاجات مخصوص ..
و مفيش قميص واحد ..
فى الدنيا مش ملبوس ..
ميت مرة من قبلك ..
كل اللى هيقابلك ..
كان ماضى و اتسابلك ..
حتى الصحاب و الصيت ..
حتى الكلام الحلو ..
كله كدة يا عبيط ..
ماشى بنفس السلو ..
نظرتها ليك حتى ..
ساعة ما بصتلك ..
لو دامت لعين غيرك ..
مكنتش وصلتلك ..”
― مصطفى إبراهيم, ويسترن يونيون فرع الهرم

156 likes

“أنا مش فاكر ..
آخر مرة بكيت كات امتى ..
أنا مش فاكر .. آخر دمعة عليها القيمة ..
أنا مبقتش بصدق ولا مشهد فى الدنيا ..
أنا مبقتش بدمع .. غير وأنا جوة السـيما”
― مصطفى إبراهيم, ويسترن يونيون فرع الهرم

408 likes

“والنتيجة كل مادا صورتى تتلخبط..
زيادة وأنسى أصل شكلى ايه وللا نفسى..
أشوفنى ليه حد زيى بعد فترة ازاى يصدق..
.. غير عينيه؟”
― مصطفى إبراهيم, ويسترن يونيون فرع الهرم

128 likes

“الدنيا اساساً م الاول ..
شيء يشبه سلك السماعة ..
يتلعبك منك ف ثواني ..
و عشان يرجع مفرود تاني ..
لازم تتعذب و تعاني ..
و تفكه ف أكتر من ساعة ..”
― مصطفى إبراهيم, ويسترن يونيون فرع الهرم

548 likes

“يارب
ياللي سايبلي الحبل ع الغارب
أنا غرقان بدون قارب
ومعرفتش أعوم وحدي
وكل ما امدلك يدي
وتنشلني
وأعوم شبرين
إديا يفلفصوا الاتنين
وأقولك سيبلي انا الباقي
تسيبلي الحبل ع الغارب
تخش المية حلقي .. اشرق
فاصرخلك .. وأقول بغرق
وأقولك عمري ما حسيبك
فتنشلني
أعوم شبرين
إديا يفلفصوا الاتنين
وأسيب إيدك
وأعيد الكرّه ميت مره
وماتخذلنيش ولا مره
تقوللي حضنهم بره
لا عمره يساع دراع سيدك
ونا لسه
بسيب إيدك !”
― مصطفى إبراهيم, ويسترن يونيون فرع الهرم

589 likes

More of Dina’s quotes…