Ezzat Mohamed

“و أنا شايف إن نصايح الناس خصوصاً المقربين ليك مش على طول مفيدة, لإن الناس بتنصحك عشان بتحبك, بيحاولوا يخلوك تتجنب الفشل, و الآلام المترتبة على هذا الفشل, و مش عارفين إن ده في معظم الوقت بيوديك للفشل بعينه بأسرع طريق... الخط المستقيم!”
― عمرو سلامة, شاب كشك في رحلة البحث عن الجادون

“الجادون بالنسبة لي أصبح رمز لكل حاجة جاتلي بصعوبة زي الفلوس اللي بتجيلك عشان تعبت فيها مش عشان خدتها كمصروف فاكره حق مكتسب ، حب خدته من حد إديته وحبيته مش من أهلك اللي بيحبوك من غير سبب ، إحترام بسبب حاجة مفيدة عملتها مش بسبب خوف أو نفاق”
― عمرو سلامة, شاب كشك في رحلة البحث عن الجادون

“حتى لو مش عارف تتبسط ، ما تخليهمش ، و ما تخليهاش و متخليش أى حاجة تعكنن عليك . بس نصيحة أخوية ... اتبسط ...”
― عمرو سلامة, شاب كشك في رحلة البحث عن الجادون

“ش لازم تبقى سقراط وتبقى أول واحد فى التاريخ المكتوب تسال يعنى إيه عدالة فيعمل تغيير . مش شرط تحارب علشان الحرية والمساواة , مش شرط تبقى غاندى ولا مانديلا ولا مالكوم إكس ولا جيفارا علشان تعمل تغيير . مش لازم تغير كل الدنيا علشان تعمل تغيير . ممكن تغير حته بس .. حته صغيرة على قدك بس . تعلم أى حد أى حاجة تبقى غيرت الدنيا . تتكلم مع واحد صاحبك متضايق ومكتئب ويقوم من القعدة دى وهو عنده امل ومفرفش , بس كده تبقى غيرت الدنيا . تبقى لطيف مع حد فتخليه يبقى لطيف مع حد وهلم جرا تبقى غيرت الدنيا . تشيل ورقة مرمية على الأرض تبقى غيرت الدنيا , علشان من غيرك كان فيه ورقة مرمية على الأرض وبيك مابقاش فيه ورقة مرمية , يبقى أنت غيرت الدنيا”
― أحمد العسيلي, كتاب مالوش اسم