Nagwa Rashed

“إنسان .. أيا انسان ما أجهلك
ما أتفهك فى الكون وما أضألك
شمس وقمر وسدوم وملايين نجوم
وفاكرها يا موهوم مخلوقة لك؟
عجبى”
― صلاح جاهين, رباعيات صلاح جاهين

“ياللي بتبحث عن إله تعـبده
بحث الغريق عن أي شيء ينجده
الله جميل وعليم ورحمن رحــيم
أحمل صفاته .. وانت راح توجده
عجبي

يأسك و صبرك بین إيديك و انت حر
تیأس ما تیأس الحیاه راح تمر
أنا دقت مندا ومندا عجبي لقیت
الصبر مر و برضك الیأس مر
عجبي


أنا قلبي كان شخشيخة أصبح جَرس ....
جلجلت به صحيوا الخدم والحرس...
أنا المهرج .. قمتو ليه خفتو ليه
لا فْ إيدي سيف ولا تحت منى فرس
عجبي !!

سمعت نقطة ميه جوه المحيــط.
بتقول لنقطه ما تنزليش في الغويط.
أخاف عليكي م الغرق .. قلـــــت أنا
ده اللي يخاف م الوعد يبقي عبيط.
عجبي !”
― صلاح جاهين, رباعيات صلاح جاهين

“أعرف عيون هي الجمال والحسن
وأعرف عيون تاخد القلوب بالحضن
وعيون مخيفة وقاسية، وعيون كتير
وبنحس فيهم كلهم بالحزن
عجبي”
― صلاح جاهين, رباعيات صلاح جاهين

“مع ان كل الخلق من اصل طين
وكلهم بينزلوا مغمضين
بعد الدقايق والشهور والسنين
تلاقي ناس اشرار وناس طيبين”
― صلاح جاهين, رباعيات صلاح جاهين