Hussein Elkashef

“في ظلمة الليل محمد وزوجته سمعوا بتوع الجرنال على غير العادة وحسوا في نفسهم باكتئاب ولا إدروش يناموا لغاية الصبح ونزلوا اشتروا الجرنال وقروا فيه عن موت سعد زغلول زعيم بلدهم ولما وصلوا لكلمة: خلاص أنا انتهيت.أخدوا بعضهم وراحوا على بيت الأمة والدموع في عينهم وحسوا إنهم فقدوا أب كبير وزعيم عظيم ميتعوضش.لكن الأمل رجع للناس لأن الوفد فضل عايش بعد موته.والنضال مستمر ضد الإنجليز .وكانت ده السلوة للناس بعد موت سعد زغلول في تحرير بلادهم وحسوا إن رغم موت الزعيم فإن آمالهم في الحرية والتخلص من الاستبداد فضلت حية .
وكانت ثورة 1919 ككل الثورات الشعبية تتبعها نهضة في التعليم والمسرح والفنون .وابتدى الناس يحسوا بنسيم فجر الحرية .وجه يوم حس الناس فيه بكيانهم وبكرامتهم وانهم لازم يستمروا في جهادهم لغاية ما ينالوا حريتهم .وفي الحقيقة ان مصر لها ماضي طويل وخبرة بمقاومة المستعمرين والطغاة.
في الفجر قام محمد وهدى واتكلموا-على عادة الناس المتجوزين-واتكلموا عن إحساسهم بأن في أجيال تانية جديدة أقدر على الكفاح وده سنة الطبيعة وأن البلد بتجدد نفسها باستمرار لأن لازم الجيل الحاضر يموت عشان ييجي جيل أحسن منه ولازم يموت القديم عشان يجي الجديد”
― مصطفى مشرفة, قنطرة الذي كفر