Asmaa

“إن كُنت هتسأل عـَ التاني
من باب لازم
علشان واجب
و هتعمِل فـ الحُزن مراكبي
و سؤالَك عادي و عـَ الطاير
التاني ماهوش حِِمل خساير
فـَ اسكُت أحسن
\
خليك الصاحب أبو مَعلِش
و مشاغِل
و الدُنيا تلاهي
و مَخدتش بالي من الرنة
كيفَك و ازيَك و أحوالَك
\
اوعى تطبطب بالزيف عـ القَلب
هَتحِس بـ ذّنب !؟
احسن مـِ الكِدب
الكِدب يا صاحبي إن بان مِنَك
أصعَب مـِ الصَعب
\
فـَ متسألشي
و أنا حبة و هنسى و أعيش تاني
و أرن عليك”
― عزيزة علي