2 ratings (4.50 avg)
0 reviews

Ahmed Mkrona

Add friend

Ahmed’s Bookshelves

to-read‎ (4)

currently-reading‎ (0)

read‎ (0)

Stats | More…

“لما تقوم الصبح لوحدك
فايق أوى فرحان
والدنيا بتاخدك بالحضن من غير لف ودوران
وإنه كمان مسموح لك تحلم وبدون استئذان
لما تحس بروحك طايرة وبتقرب منك
وقلبك رغم الحزن يقولك مش زعلان منك
وإنك لسه بتقدر تعشق
وإن الكلمة بتطلع سهلة مش غصب عنك
وإن حياتك كلها تفرق عن كام ساعة فاتوا
وإن النقط السودة ف توبك اختفوا أو ماتوا
وإنك حد مصالح روحه وبيحب حياته
إياك تسأل ليه وإزاى وتدور على تفسير
وامسك فيها بعمرك كله وأوعى تسيبها تطير
أصلها حالة جميلة جميلة ومابتحصلش كتير”
― علي سلامة

166 likes

“عارف ؟
حلوة قوي ضحكتك
لكنها بتكشفك
وتقول إنك موجوع”
― علي سلامة

319 likes

“ناقص حته
وكل ما أوزن
ألاقي لسه
ناقصلي حته
أحط حته
تقل حته
وأجيب قميص
تضيع چاكته
وأعيش لي ساعة
يفوتني سته
وكل ما أوزن
ألاقي ناقص
أقول بناقص
لو هي حته
أتاري لسه
ولسه تاخد
سنين وحته
وحاجات تسيبني
وحاجات تاخدني
لحاجات تخبط
في كل حته
وأقول ها نفرح
ف يوم
ها نفرح
ويوم مانفرح
علي الله يفضل
في القلب حته”
― علي سلامة, ناقص حتة

554 likes

“ - يعني لسه بتحبني ؟
- على فكرة أنا مش مؤمن بمبدأ السؤال ده .
- ليه ؟
- دا سؤال لفظي .. إحنا بنحس الحب زي ما بنحس الخوف والفرح والكره .. فعشان تعرفي إذا كنت لسه بحبك واللا لأ إسألي نفسك .. ”
― يوسف إدريس

tags: يوسف-إدريس-الحب

560 likes

“معرفش ليه ...
تنحت للدنيا كده .. !
وفجأة لقيتني مسكون بالملل ...
لاعندي رغبة ف البكا ..
ولا في الكلام ...
ولا عايز أنام ...
ولا حتي بسأل إيه ده ليه ..
وآخرتها إيه ..
وإيه العمل .......
وأخاف أقول لأي حد ….
أحسن يقوم يقلبها جد …
حد صاحبي ينزعج ...
يمد إيده جوه قلبه من باب الكرم ..
عشان يشاركني الألم ...
أو يستلفلي من لئيم حبة أمل ..
حالة كده ....
معرفش إيه ...
ملهاش معاد ..
ساعات تزورني ف الربيع ..
ف الحر ...
وف عز الشتا ...
وتجيب حاجات ...
لا فيها روح ولا ميته...
حالة كده ....
لا معاها تنفع كلمتين ولا غنوتين ...
ولا لقطة من ألبوم صور ..
آلاقي قلبي ف الهوا ويا الكور ...
أخاف أقول لأي حد ....
أحسن يقوم يقلبها جد ..
حالة كده ..
معرفش إيه ..
لكني بطلع منها بعد السكات ..
فاهم شويه ف اللي فات ..
حاسس أوي بحضن الصحاب ...
محظوظ أنا ...
ساعات أشاور ...
ينفتحللي ألف باب…
لكني باغلط ف الحساب ..
ومعرفش ليه
تنحت للدنيا كده ...”
― علي سلامة

423 likes

More of Ahmed’s quotes…