Mora Amr

“ولدي نصحتك لما صوتي اتنبح..
ما تخافش من جني ولا من شبح ..
وان هب فيك عفريت قتيل اساله ..
ما دافعش ليه عن نفسه يوم ما اندبح ..

وعجبي”
― صلاح جاهين

“يوم قلت آه...سمعونى قالوا فسد
ده كان جدع قلبه حديد و اتحسد
رديت على الملايين انا و قلت
لو تعرفوا معنى زئير الاسد

عجبي”
― صلاح جاهين

“أعرف عيون هي الجمال والحسن
وأعرف عيون تاخد القلوب بالحضن
وعيون مخيفة وقاسية، وعيون كتير
وبنحس فيهم كلهم بالحزن
عجبي”
― صلاح جاهين, رباعيات صلاح جاهين

“لا تجبر الإنسان ولا تخيّره
يكفيه ما فيه من عقل بيحيّره
اللي النهارده بيطلبه ويشتهيه
هو اللي بكره ح يشتهي يغيّره

عجبي!”
― صلاح جاهين, رباعيات صلاح جاهين