Yasmina Yooyoo

“لا تُصدق الفقيه المسيس , ولا تثق بالسياسي المتفيقه. الأول كاذب,والثاني مراوغ!”
― محمد الرطيان, وصايا

“تعبان
حاسس ف قلبى حِمل جبل
سهران
وازاى انام وانا عندى ملل

عندى صحيح حاجات كتير
لكن ناقصنى حاجات أكتر

ناقصنى إنى اقدر أطير
وانا عارف إنى فى يوم هاقدر

عندى قمر باسهر وياه
عندى ميعاد وحبيبى لغاه
و عندى أفكارى لحياة
ممكن تغير طعم الكون
واجمل ما عندى إيمان بالله
وباقول يارب تكون ف العون

أصل الحياة أصعب حاجة
ع اللى ماعندوش غير أحساس
الناس لبعضها محتاجة
وأنا لسه عندى أمل فى الناس

لــ عمر طاهر”
― عمر طاهر, جر ناعم

“عرف أنه الحب لأنه ظهر فى وقت غير مناسب ”
― عمر طاهر, جر ناعم

“تخيّل نفسك شجره
و اثبَت لإنك شجره
ضارب فى الأرض مسافه
وثابت
وانت أدرى.
تخيّل نفسك نور
و اِعمى لإنك نور
أنا كنت سور البير
و صَبحت جير السور.
تخيّل نفسك باب
وافتح لإنك باب
على دنيا أصلا طريق
وبينتهى بسرداب.
تخيّل نفسك ليله
واِطول لإنك ليله
و النور سقفك ..تعالى
مهما تِطول دى ليله.
تخيّل نفسك ورده
و اِزهى لإنك ورده
كل الالوان قصادى
بس الريحه واحده.
تخيّل نفسك حلم
و براحتك ماانت حلم
التتر آخر حاجه
فى دنيا أصلا فيلم.
تخيّل نفسك بيتها
و اِدفى لإنك بيتها
واِن دقت راحتها فيك
اِعرف إنك حبيتها.
تخيّل نفسك مرّه
ماتخافش جرّب مرّه
الدنيا ماشيه أسيره
فى الوقت
وهيا حُرّه.
تخيّل نفسك باقى
و اِحزن لإنك باقى
و اِحلم تلقالك حاجه
و أتحدى لو تلاقى.
تخيّل نفسك جنبى
و اِلزق لإنك جنبى
الجسم ده مش ملكى
والغنوه دى من قلبى.”
― عمر طاهر