101 ratings (4.19 avg)
0 reviews

Kamal Hamed

Add friend

https://www.goodreads.com/El3rbawi

Kamal’s Bookshelves

to-read‎ (14)

currently-reading‎ (0)

read‎ (101)

Stats | More…

“تفرانيل 100
انا شعرى غامق
بس قلبى مطقطق ابيض من زمان
جايز عشان
الناس ساعات بتلاقى ناس
تعرف تشوفها بجد
و انا قلبى لسه عمره ما اتكشف ع حد
بقابل اد ما اقابل
و افارق اد ما افارق
و ما اتعلمش
بلخبط ف الاسامى عشان
بخاف انسى
بلخبط ف الدنيا عشان
بخاف لا ما اعيشش
بقالى كتير ما بتكلمش
بخاف يبقى الكلام متعاد
ما كملتش ف اى رحيل
ما كملتش ف اى قعاد
و بدى للحياة بالكاد
ما يكفيها
و يكفينى
شرور البهدلة فيها
مليش ف البنت طلبات غير
تنسينى اللى قبليها
و بدخل ف حاجات تخاطيف
و عينى ع اللى بعديها
رقصت كتير ع السلم
بخاف اطلع
و اخاف من الارض
- اكيد الخوف مش الفكرة
و حتى يا ستى يعنى بفرض
اكيد الخوف مهواش عيب
طبيعى الناس تخاف من الغيب
و من المقدور
برغم كدة
بحب الضلمة اكتر ما بحب النور
ساعات بتمنى شقة ف برج شايفة النيل
و اوقات انى اعيش مستور
و بزهد .. ف كل ما ف الرحلة من زخرف
و ما زهدهاش
ما دام فيها رمق يتعاش
اكيد ف الرحلة يوم متحاش
و مستنى اعدى عليه
- و تعرف عنه اصلا اية ؟
مفيش غير انه لسه مجاش
بنام ؟
طبعا .. كتير جدا
و بالايام
و طول الوقت بحلم ان انا بجرى
و بشبع من الحاجات بدرى
و رغم كدة لسه ما شبعتش
من الجرى و من الاحلام
بخاف من الموت
عشان خايف ساعتها اكون
عبيط .. كل اللى سيبته كلام
بشوف افلام
عن الدنيا
و عن حكايات
لناس عاشت حاجات تانية
و عن حكايات لناس ماعاشوش
و بتأثر
و بتحسر
ع كل اللى كان ممكن
اكونه
بس ما بقيتهوش
ما سبتش شئ مجربتوش
ولا جربته و ما سبتوش
بحب العود
و احب الناى
و اموت و اعرف حقيقى ازاى
حاجات من دى
ساعات بتدب فيها الروح
من اللمس و من الانفاس
فتبقى حية اكتر من البشر و الناس
مفيش احساس
لحسن الحظ و لسوئه
ما بيعديش
مفيش ولا طعم حاجة من اللى بتدوقه
مسيره يعيش
بحلوه و بمره كله بيتسخط لمفيش
يا سبحان اللى بيعودنا ع الحاجة
فننساها
و بيخفف كاسات الناس
بميه بدال ما يملاها
عشان طعم اللى فيها يروح
عشان طعم اللى فيها يخف
يقولوا مجازا المجروح
اذا خد ع الوجع .. بيخف
تلف عليه سواقى الكون
تدوب اللى فات
ف الجاى
ف سبحانه اما قال
منها جعلنا
( كل شئ حى )
زمان فيه حد علمنا
ف درس الدين
دعاء بيقول :
يا خالق كل شئ ناقص .. كمالته معاك
يا شايل من الحاجات حتة .. بنترجاك
بحق المشهد الكامل
و اسمك اللى انا عرفته
تسيب اللى يكفينا
و تكفينا بما سبته
ما تحوجناش
لجاى مجاش
و ترضينا بما جبته
و ندعى وراه بصوت عالى
يرج الفصل رج خفيف
و اكمل دعوتى ف سرى
( و ترحم قلبى ف شيبته )
كما تدعو الفروع الاصل
دعوتها
ف كل خريف”
― مصطفى إبراهيم, المانيفستو

853 likes

recent posts
Kamal’s Groups

قرّاء مصر — 1679 members — last activity Aug 19, 2022 05:06PM
مجتمع قراءة، هانتجمع كل إسبوع أو أسبوعين كل واحد معاه كتابه فى أماكن واسعة ومفتوحة مش مكتبة. الهدف مش بس إننا نقرأ لكن كمان نشجع ناس أكتر انها تيجى تق ...more

ماذا تقرأ هذه الأيام؟ — 9555 members — last activity Sep 24, 2025 11:31AM
مجموعة تهدف لتجمع القراء، لتبادل كل ما هو نافع ومفيد حول الكتب والكتاب، وهى محاكاة لمجموعة موجودة على موقع الفيسبوك، وتحمل نفس العنوان

كُتوبيا — 660 members — last activity May 03, 2015 02:07AM
الجروب ده لاعضاء الكُتوبيا من خلالة هانزل الكتب اللي قريناها وهانقرأها ونقدر نتابع تطور الجروب الصفحه الأساسيه على الفيسبوك https://www.facebook.co ...more

قراء د. أحمد خالد توفيق — 5143 members — last activity May 30, 2021 09:39AM
تجمّع لكل قراء الكاتب الكبير د. أحمد خالد توفيق

Egyptians Good Readers — 13697 members — last activity Jan 31, 2026 06:01AM
Egyptian Good Readers [EGR] ديدان قراية مصرية بتسلي بعض في طريق الثقافة الجروب دا لينا ... للي بيحبوا القراية .. وديدان الكتب .. او اليرقات اللي في طر Egyptian Good Readers [EGR] ديدان قراية مصرية بتسلي بعض في طريق الثقافة الجروب دا لينا ... للي بيحبوا القراية .. وديدان الكتب .. او اليرقات اللي في طريقهم عشان يبقوا دود ... ان شاء الله ... فهرس الجروب https://www.goodreads.com/topic/show/2015144-the-index الجروب دا هيساعدنا اننا :- - نستفيد من خبرات بعض وتجاربنا في القراية .. - ندل بعض ع الكتب المهمة واللي لازم تتقري .. واهو نوفر وقت .. - لو حد عاوز كتاب ومش لاقيه نجيبهولوا .. - نتبادل افكار وخبرات عن اماكن او مكتبات او معارض الخ الخ .. - نتعرف علي كتاب وادباء وكتب جايز معدتش علينا .. - نقرأ كلنا كتاب سوا ونتناقش فيه .. شهريا مثلا .. - نستفيد ونتعلم اكتر من مهارة القراية في حد ذاتها .. وازاي نطورها عندنا .. - نزود معدل قرايتنا سوا عشان نلحق نقرأ شوية قبل ما نموت .. الخ الخ الخ ... - نعرف اهم مصادر الكتب ع النت ... - يكون بذرة لنادي كتاب حقيقي علي ارض الواقع قوانين الجروب - الجدية في القراية والالتزام معانا - مراعاة الذوق العام والتزام الاخلاق في الردود والبوستات - عدم نشر اعلانات من خلال الجروب - الرجوع للادارة في اي مشكلة تواجهك .. - دعوة مزيد من الاصدقاء .. كل ما عددنا يكبر الاستفادة بتزيد . - عدم نشر اعمال ادبية وخلافة .. مكانها المسابقة الادبية .. وموقعنا الجاري انشاءه - متبخلش بأي مساعدة علي باقي الاعضاء - الالتزام بالقوانين .. اللي هتتطور حسب الحاجه والجروب هيكبر اكبر بافكاركم واقتراحاتكم شرفتنا وهيشرفنا كمان اصدقائك "ديدان الكتب" او حتي اللي لسه "يرقات" او حتي اللي بيحبوا القراية ومش بيقروا كتير بس واخدين الموضوع جد وعاوزين يفيدوا ويستفيدوا .. وشكرا لحسن "بصاصانكم" ع الشاشة وقرايتكم لكل الكلام دا ... " جروبنا ع الفيس https://www.facebook.com/groups/EgyptiansGR/ ...more

More of Kamal’s groups…