0 ratings (0.0 avg)
0 reviews

Âňẵ Mazika

Add friend

Âňẵ’s Bookshelves

to-read‎ (1)

currently-reading‎ (0)

read‎ (0)

Stats | More…

“الكوتشى اللى باش ..
م اللف فى شوارعك ..
يحرم عليه ..
يبوس أرض غيرك ..
و القلب القماش ..
المكوى بعمايلك ..
لساه معبق ..
بريحة عبيرك ..
و الواد اللى عاش ..
طول عمره يحايلك ..
و نفسه إسمه ..
ييجى فى رسايلك ..
و تبعتيله تطمنيه ..
إن انتى عارفة ..
إن أنتى ليه ..
و إن أنتى قايمة و نايمة بيه ..
وقت الشتا يتدفى بيكى ..
ووقت الخطر تتحامى فيه ..
وساعة أما بيقسى عليكى ..
وساعة أما بتدعى عليه ..
محدش فيكوا بيهداله بال ..
وأول ما تصفى تفكى الريال ..
و تروحى تجيبيله كوتشى بدال ..
الكوتشى اللى باش ..”
― مصطفى إبراهيم, ويسترن يونيون فرع الهرم

52 likes

“بدون سبب واضح

بدون م أعرف سبب واضح
عشان أزعل
أنا زعلان
و فجأة بدون سبب برضه
يفرحنى
بكون فرحان
لا منى عرفت أعمل إيه
عشان مزعلش من تانى
و لا منى
عرفت إزاى
أدوق الفرحة بالمجان”
― مصطفى إبراهيم, ويسترن يونيون فرع الهرم

75 likes

“لو دامت فى إيد غيرك ..
مكنتش وصلتلك ..
حصلت لميت واحد ..
زى أما حصلتلك ..
علشان كدة بزعل ..
لكن مبتأزمش ..
و ساعات كتير بفرح ..
لكن ما بتعَشّمش ..
ف حاجات ما بتدوّمش ..
الدنيا سوق كانتو ..
مفيهوش حاجات زيرو ..
و زبونه أنا و انتوا ..
علشان مفيش غيره ..
و انتا زبون عادى ..
ف مفيش حاجات مخصوص ..
و مفيش قميص واحد ..
فى الدنيا مش ملبوس ..
ميت مرة من قبلك ..
كل اللى هيقابلك ..
كان ماضى و اتسابلك ..
حتى الصحاب و الصيت ..
حتى الكلام الحلو ..
كله كدة يا عبيط ..
ماشى بنفس السلو ..
نظرتها ليك حتى ..
ساعة ما بصتلك ..
لو دامت لعين غيرك ..
مكنتش وصلتلك ..”
― مصطفى إبراهيم, ويسترن يونيون فرع الهرم

156 likes