Dina Abdrabo

“أعرف عيون هي الجمال والحسن
وأعرف عيون تاخد القلوب بالحضن
وعيون مخيفة وقاسية، وعيون كتير
وبنحس فيهم كلهم بالحزن
عجبي”
― صلاح جاهين, رباعيات صلاح جاهين

“ياللي بتبحث عن إله تعـبده
بحث الغريق عن أي شيء ينجده
الله جميل وعليم ورحمن رحــيم
أحمل صفاته .. وانت راح توجده
عجبي

يأسك و صبرك بین إيديك و انت حر
تیأس ما تیأس الحیاه راح تمر
أنا دقت مندا ومندا عجبي لقیت
الصبر مر و برضك الیأس مر
عجبي


أنا قلبي كان شخشيخة أصبح جَرس ....
جلجلت به صحيوا الخدم والحرس...
أنا المهرج .. قمتو ليه خفتو ليه
لا فْ إيدي سيف ولا تحت منى فرس
عجبي !!

سمعت نقطة ميه جوه المحيــط.
بتقول لنقطه ما تنزليش في الغويط.
أخاف عليكي م الغرق .. قلـــــت أنا
ده اللي يخاف م الوعد يبقي عبيط.
عجبي !”
― صلاح جاهين, رباعيات صلاح جاهين

“عبثا باقول واقرا في سورة عبس / ماتلومش حد إن ابتسم أو عبس / فيه ناس تقول الهزل يطلع جــــد / و ناس تقول الجد يطلع عبـــــث”
― صلاح جاهين, رباعيات صلاح جاهين

“غمض عينيك و ارقص بخفة و دلع
الدنيا هي الشابة و انت الــــــــجدع
تشوف رشاقة خطوتك تعبــــــــدك
لكن انت لو بصيت لرجليك ....تـقع

عجبي !!”
― صلاح جاهين, رباعيات صلاح جاهين