Ro Za

“_ حبات السكر _
حبات السكر ..
اللي وقعت منها وهيا بتحلي كوباية الشاي
كان لازم أخبيها في جيبي
حبات السكر..
كانت الشئ الوحيد اللي ممكن يعوضني ..
عن مرارة السنين اللي عدت علينا ..
وإحنا قاعدين نحاسب بعض .”
― عمر طاهر, الخيانة: مشوار محرج لحد الحزن

“_ دماغ _
كل مرة اغمض فيها عينيا
بتهب المزيكا في وشي
وباتفاجئ إن قلبي لسه شغال
وبافضل فاكر آخر حاجة شفتها .... لمجرد ثواني .”
― عمر طاهر, الخيانة: مشوار محرج لحد الحزن

“حبل غسيل
3
حاولت قبل كده تتخلص من اسرارك
في اول صندوق زباله-انساني جدا
وفي شنطة قماش شديدة القماش
شديدة السواد بفتحات تهوية
كفاية لفضحك
وبدون ما تاخد بالك ترميها من ورا دهرك
وتسمع صراخ اللي جرحتهم
ومعركتهم الفاشلة مع شعورك بالذنب
صدقني ..هتضحك من ورا قلبك
ويدهشك تسقيف الجمهور وانت ماشي
علي ايقاع يأسك
وبتدخل دايرة المجهول”
― عمر طاهر, الخيانة: مشوار محرج لحد الحزن

“حبل غسيل
4
برغبة شريرة في السعادة الابدية
وحاجة ملحة لجرح حقيقي
ودهشة مناسبة للون بشرتك
وبثقة أقل
بتواجه ثقة الزمن الكاملة
تجاه سر سعادتك الزايفة”
― عمر طاهر, الخيانة: مشوار محرج لحد الحزن