Mahmoud

“يا هل ترى الليل الحزين..
أبو النجوم الدبلانين..
أبو الغناوي المجروحين..
يقدر ينسّيها الصباح..
أبو شمس بترش الحنين؟؟”
― عبد الرحمن الأبنودي

“بنلف في دواير والدنيا تلف بينا
ودايماً ننتهي لمطرح ما إبتدينا
طيور الفجر تايهة في عتمة المدينة .. بتدور

مابنكتبش الرسايل مابننتظرش رد
...لا حد في يوم سمعنا ولا بنسمع حد
طيور العمر تايهة في عتمة المدينة .. بتدور

ساكنين في عالم يعشق الخطر
فيه الطيور تهرب من الشجر
وتهرب النجوم من القمر
وتهرب الوجوه من الصور

بنلف في دواير ندور ع الأمان
ونلاقينا رجعنا تاني لنفس المكان
ندور .. ندور .. ندور

نحلم ونحلم بالحياة المُفرحة
وأتاري أحلامنا بلا أجنحة
ندور ندور ندور بجناح حزين مكسور
ساعات نشوف في العتمة
وساعات نتوه في النور
ساعات عيوننا بالأسى تفرح
وساعات في ساعة الفرح ننوح

ولا حاضر ولا ماضي
تروس بتلف ع الفاضي
ولا فينا شباب زعلان
ولا فينا شباب راضي

مفيش غير إننا بندووور ..
ندووووور .. ندووووور”
― عبد الرحمن الأبنودي

“الجهل مريح يا فاطمة
الجهل مريح
عدم العلم مليح
يا أم أولادي يا إنسانة زي الناس
عدم العلم مليح
عدم العلم عيون تنعس في الليل
ضحكة من القلب
من القلب صحيح
عدم المعرفة بيخلي الرجالة عيال
يضحكوا يبكوا
و دايما للدنيا طعم جديد”
― عبد الرحمن الأبنودي, جوابات حراجي القط

“أحلى ما في الفرحة بتنسي الكبير سنه ، واحلى ما في الحزن كل الحكمة تيجي منه”
― عبد الرحمن الأبنودي