Sherif Elmasry

“ياللي بتبحث عن إله تعـبده
بحث الغريق عن أي شيء ينجده
الله جميل وعليم ورحمن رحــيم
أحمل صفاته .. وانت راح توجده
عجبي

يأسك و صبرك بین إيديك و انت حر
تیأس ما تیأس الحیاه راح تمر
أنا دقت مندا ومندا عجبي لقیت
الصبر مر و برضك الیأس مر
عجبي


أنا قلبي كان شخشيخة أصبح جَرس ....
جلجلت به صحيوا الخدم والحرس...
أنا المهرج .. قمتو ليه خفتو ليه
لا فْ إيدي سيف ولا تحت منى فرس
عجبي !!

سمعت نقطة ميه جوه المحيــط.
بتقول لنقطه ما تنزليش في الغويط.
أخاف عليكي م الغرق .. قلـــــت أنا
ده اللي يخاف م الوعد يبقي عبيط.
عجبي !”
― صلاح جاهين, رباعيات صلاح جاهين

“ايديا فى جيوبى و قلبى طرب
سارح فى غربة بس مش مغترب
وحدى لكن ونسان و ماشى كده
وبابتعد....ماعرفش....او باقترب
عجبى”
― صلاح جاهين

“«كرباج سعادة وقلبه منى انجلد..
رَمَح كإنه حصان لف البلد.
. ورجع لى آخر الليل وقالى ليه.
.خجلان تقول إنك سعيد يا ولد”
― صلاح جاهين, رباعيات صلاح جاهين

“من بين شقوق الشيش وشقشقت لك
مع شهقة العصافير وزقزقت لك
نهار جديد أنا ... قوم نشوف نعمل ايه
أنا قلت .. يا هتقتلنى يا هقتلك”
― صلاح جاهين, رباعيات صلاح جاهين